|
إلــــــــــــــــــــــــى مـــــــــــــــــــــــــــــــــــــتى حالة الرعـــب؟؟؟
حي الافق يستغيث بالله ثم بصاحب السمو الملكي الامير فيصل بن بندر حفظه الله .. السلام عليكم ورحمة الله وبركاته .. قاتلين فرحة العيد ..يقتحموون البيت (بالمسدس) وتهديد بالقتل .. بالامس ثاني ايام العيد .الثاني من شوال .العاشره مساء.بكل جرئه يرن جرس المنزل كانه احد الاقارب لتاكد من خلوه من اهله..ويقتحمون على الخدم في المنزل ( الخادمه والسائق) وقام بتهديدهما بالمسدس ع روئسهم ... وتم اقتحام البيت . حالة الحي مرعبه جدا ... هذا سادس بيت يسرق !!. واخر سرقه قبل ثمانية ايام والناس تصلي التهجد ... ماهذه الجرئه .؟؟؟ إلى هذا الحد امنوا العقووبه ..؟؟؟ يرن الجرس .!؟؟ من متى الحراميه يدقون البيبان يستذنون للسرقه .. الله لا يفجعنا توكلنا ع الله ...واستودعنا الله ديننا وامننا و اموالنا وذريتنا .. حسبي الله ونعم الووكيل الـــــــــى متــــــــــــــــــــى ..؟؟ حالة الرعـــــــب !!! املنا بالله ثم صاحب السموالملكي بمتابعة الامر |
فعلاً السرقة في بريدة وصلت حدها
الأمر يحتاج إلى تدخل صاحب السمو الملكي الأمير نايف بن عبدالعزيز وزير الداخليه حفظه الله اللهم احفظ بلادنا وأمننا من هؤلاء المجرمين |
قبل اسبوع فقط تم سرقة بيت بـ 15 ساعه وسلب مافيه
بقمية 500 الف (اطقم ذهب) وبعد القبض عليه وهو يريد بيعه بمحلات الذهب طلع عمـر 16 سنه!!!!! لاحــول ولاقوة الا بالله السرقات كثرة واتمنى حل سريع لهذه السرقات |
لاتخافون مكشوفين ....قريب انشاء الله ..
|
مدآم هالسيف الاملح مأاشتغل
والله مآرآح يتغير شيء ,,! مآفيه عقوبآت رآدعه قوية تحد الشخص على عدم السرقة .!! |
من متى الحراميه يدقون البيبان يستذنون للسرقه ..
هذا حراميه 2010 وبعدين مو بس حي لآفق و سلطانه كم بيت والنهضه مستغلين اوؤقات التهجد وؤقات العيد حسبي الله عليهم ونعم الوكيل بس كل خاينه على الله بينه ان شاءالله |
وين اللي يقول حنا بأمن وأمان مايجي يشوف
|
وش سالفة السرقه
وش سالفة السرقات اقسم بالله مهزله كل من قال انا عربجي سرق
امس يوم الاثنين ثالث العيد سرقت بقالتين بالشمال سرق اربع الاف ريال وبطاقات شحن وين الامن وين الناس يعني الى الحد وصلت السرقه |
انتشرت السرقة بشكل فضيع وخاصة المنازل ..
حسبي الله ونعم الوكيل من أمن العقوبة أساء الأدب فلا بد من رادع فإن الله يزع بالسلطان مالا يزع بالقرآن .. |
حسبنا الله ونعم الوكيل وهذا البلد الأمين
|
وهذا البلد الأمين
حسبنا الله ونعم الوكيل |
[align=center]
الحل حمل السلاح لم نرى تلك السرقات بالمنطقة الجنوبية لأنهم يحملون السلاح ولايتجرى شخص كائن من كان أن يقترب أو يهدد والسبب خوفاً على حياته لذا نحن مع المطالبة بحمل السلاح خوفاً على حياتنا وحماية أموالنا وبيوتنا, فلم يعد أمل في الأمن لأنهم يضعون جهودهم لحماية الدولة وليس حماية الشعب تحياتي[/align] |
حسبنا اللهـ ونعمـ الوكيلـ ..
|
لاحول ولاقوه الابالله
انامعك تاج القصيم...:d7: :d7::d7: :d7::d7: :d7: :d7: |
مافيه قص أيادي مافيه تطبيق للشرع
فيه حب خشوم وتنازل تكفى وجب عمدتكم يتوسط وجب فلان يشفع مافيه قانون رادع السجن ليس حل . . . ! ! ! لمثل هؤلاء لأن السجن راحه لهم يايكون أعمال شاقة لهم بالسجن لمثل هؤلاء السرقات - الأغتصاب - وغيرها من الجرايم الخطيره يكون لهم سجن خاص حتى ينكل وماعاد يرجع للسرقه أو أنك تقص يده وتطلع ماتسجنه سرق مره ثانيه قص يده الثانية سرق قص رجله أنتم بس قصوا يد واحد اثنين ثلاثة بالكثير وشوف كيف راح تختفي الظاهره هذي |
| الساعة الآن 10:47 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة