|
فتيات الإنترنت والمنتديات النسائية ...
منبع الأسرار حيث لا سقف للحرية والمحظورات إنها المنتديات النسائية , وجهة السعوديات الأولى على الإنترنت حيث يتخفين وراء أسماء مستعارة لتبادل القصص الشخصية والتفاصيل الحميمة ... تقرير جاءت به أخبار أم بي سي عن إدمان السعوديات للإنترنت حيث قامت بإجراء بعض المقابلات مع عدد من النساء السعوديات وذكرن في مجمل حديثهن : أنهن لجأن للمنتديات النسائية لعرض مشكلاتهن والتحدث بكل إريحية .. حيث ذكرت إحداهن أنها تعرضت لمشكلة مع زوجها حين أكتشفت خيانته وعلاقته مع امرأة أخرى مما جعلها تعاني نفسياً ولم تجد شخص تتحدث له سوى المنتديات حيث تناقش فيها تفاصيل حياتها الدقيقة خلف قناع الاسم المستعار ... وعزت أخرى سبب هذا اللجوء هو تهميش المرأة في المجتمع السعودي وغياب لغة الحوار فيه مع المرأة ... هنا ماهي مقدار الإستفادة من المنتديات سواء النسائية أو غيرها وهل تجد المرأة الحل الأمثل والجواب الشافي عندما تعرض مشكلتها الخاصة ؟؟ ومامدى استفادة النساء من الأسماء المستعارة في التحدث بكل اريحية للغير .. النساء هنا بهذا المنتدى بما أن الجميع يكتب خلف أسماء مستعارة هل تستطيع أن تتحدث بأمورها الخاصة والدقيقة ؟؟ أم أنه يعتبر عيباً في نظرهن ؟؟؟ |
ترويح عن النفس أستآذي
وإخراج لما في القلب والإحساس بأنه أحد سمع لها وفضفضة لك بدون مشاكل ولا عقد أفضل من أنها تفضفض لأحد أقاربها وبعدين تندم طول حياتها في هذا المنتدى لا طبعآً أكيد مو ناخذ راحتنا لأخر درجه لأن هنا يشاركنا جنس آخر عاش معنا بالمنتدى سنين وأيام شكرآً لك :) |
[align=center][table1="width:95%;"][cell="filter:;"][align=center]موضوع ممتاز ولي عودة[/align][/cell][/table1][/align]
|
لأن الانترنت يجمع بين الجنسين وتتبآدل الخبرآت
ويمكن فيه احد مر بمشكله قبل والطرف الثاني يعرف لها حل أو استشآره لأي امر وفيه ترويح عن النفس وقضآء وقت الفراغ يعني نفيد ونستفيد :) شكرآ ع الموضوع :) |
تعرف يآ أستاذ رحال
المنتديات راحة نفسية ذاك اليوم سحبت لي كريم من المحلوأخذته معاي وأنا ماأعرف حتى إسمه ولا معلومه عنه لكن كنت واثقة إني إذا سويت بحث بعرف أيش هوا هذا الكريم ألي أشتريته وصحيح زي ماتوقعت المنتديات والمواقع مفيدة خاصة النسائية للنساء وكلآً وتوجههـ زرتك مرةً أخرى :) |
اقتباس:
ويكفي آننآ بأستطآعتنآ الأتصآل مع دول العآلم .. ~> آللي مثلي يحبون اللقافه ماخلوا منتدى دوله الا مسجلتن به اقتباس:
تقبل مروري |
[align=center]
اقتباس:
والله من المصالة عند بعضهن يبن يهمقن قالن مافيه قنوات نتكلم معها ونفضفض الا الانترنت حريم ودك تحطهن فحم للشيشة وتشفطهن[/align] |
اقتباس:
طيب واذا نبي نهمق ؟؟ مثل ماتهمقون حنآ نهمق !! |
[align=center]
. . لا والله في المجالس يقولن اللي يصير واللي مايصير .. :( ما أتوقع أن الإنترنت هي وجهة السعوديات الأولى ,, ربما يكون متنفس أو تبادل خبرات ( بحد زعمهن .. ) , ** ترا الصمت كاتبه موضوع زي كذآ[/align] |
اقتباس:
لكن لاتكذبون وتقولون مالقينا احد يعطينا وجه ورحنا للمنتديات والله يارجالكم قاعدين من الفراغ يبون بس كلمة منكم بس الحريم مايروق لهن رجالهن يبن يهمقن بالنت استغرب من بعضهن تجي وتكتب بالانترنت انها مظلومة وتلعن خامس جد زوجها ولو احد يقول فيه كلمة انهبلت |
كل ماناظرت لابتوبي قلت ياجعل امك ياقوقل بجنات النعيم ,, وش تبونا نسوي بس .. ماترتاحون لين نصير فريسة الامراض النفسيه ورايحين جايين على المطاوعه هذا يقرا وهذا نشري قواريره مثل ماهو حاصل لنساء الجيل السابق ,, خيبات املنا فيكم كثيره وكبيره ونحتاج للنسيان والاندماج الآمن ,, الوحده منا ماتقدر تنشر الغسيل عند الاهل والقرايب درءً للمعايير والتشمت! اهمقي لين يتعوجن اصابعتس ياحيي ولمليتي من اللي تهمقين معه ..برب ..باك:) ستر وغطا ربي ادمها نعمه واكفينا شر من تولجته الشرور.. والمنتديات النسائيه هي تجربة اولى لمن تقتحم النت لاول مره وبعدها تستغني حسب توجهاتها .. |
اقتباس:
انا أستخدم الانترنت بعض الاحيان لآجل اناقش مواضيع صعب اناقشها كرجل امام مجتمع ( العيب ) ... عادتا املك الجرأه لطرحها لكن ليس بالنسبه لكل المواضيع ... كيف عاد الحريٌم ؟ اللي لو تشكي لرجلها اما يسحب عليها ولايعبرها أو انه يحولها لهوشه بدال مايحلها لهالمسكينه وانا قلت الشكوى ( لان اغلب وقتهن يتشكن إلا من رحم ربي ) وهو نوع من انواع إستدرار العاطفه .. طبيعي إذا ماكان عند رجلها وين بيكون يعني ! لازم يصير بمكان ثاني سواء انترنت ولاغيرهـ اقتباس:
أنت انسان متحيز وبقوهـ .. وقد قريت لك كثير اغلب ردودك متطرفه لجهه معينه مو معقوله ابد ان يكونن على غلط بكل شي ! بالعكس واقولها لك بكل صراحه .. النساء عندنا اكثر ثقافه واطلاع من رجالهم خذلك يوم واحد في اي معرض للكتب وشوف اغلب زواره ( كمثال ) الرجل السعودي للأسف تعامله مع المرأه جداً تعامل غير جيد وهذا الاغلب وهذا راجع لقلة وعيه والنساء معروفين من هالناحيه إذا ماسويتلها الخير وبديت انت فيه ماراح تحصل من وراها شي ! اقتباس:
أنت بآدر وصدقني رآح تلقى اللي يسركـ ونصيحه لك اترك التحيز http://www.buraydh.com/forum/images/icons/icon12.gif |
البنت مايحلا لها الا منتديات عامه
لانها مادخلت تدور الالتزام تبي تكون علاقه عاطفيه او تكون جو معين بجزئيه النت بشكل عام او تبي تفرغ الكبت الكبير اللي بداخلها او ان حياتها متعطله فاتها قطار الزواج والخ المسببت كثيره وولاكان الشموليه او التعميم صفه ليست جيده ولاكان هذا هو حال التطور التقني ومسيره الحياه العصريه .. يطول الكلام لاكان النقاط المهمه ذكرتها والسلام خير الختام .. |
وهل تجد المرأة الحل الأمثل والجواب الشافي عندما تعرض مشكلتها الخاصة ؟؟
لم اعرض اي مشكلة في المنتديات ..لأني بكل صراحة لا اثق بها ومامدى استفادة النساء من الأسماء المستعارة في التحدث بكل اريحية للغير .. قليل ما اتحدث عن نفسي .. النساء هنا بهذا المنتدى بما أن الجميع يكتب خلف أسماء مستعارة هل تستطيع أن تتحدث بأمورها الخاصة والدقيقة ؟؟ عن نفسي ...لا أم أنه يعتبر عيباً في نظرهن ؟؟؟ ليس عيبا ولكن لا اثق بأحد خلف اسماء مستعارة |
بختصآآآآر
السر في قلب المرأة كالسم ... إن لم يخرج منها قتلهاhttp://up4.al-qatarya.org//uploads/i...95ef1303a1.png |
| الساعة الآن 10:09 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة