|
(( يامن بعمره صاد قوبعه )) !!هذا حال التعاونيين هاليومين!!
بسم الله الرحمن الرحيم (((( يــامـــن بـــــعـــــمــــره صـــاد قـــوبــــعــــه ))) كنت جالسا يوم أمس مع رجل كبير في السن وكان يتحدث لي عن شخص ما فقال هذه المقوله (( يامن بعمره صاد قوبعه )) فقلت له أطال الله بعمرك مامعنى وقصة هذا المثل فقال : قبل سنوات كان فيه رجل يحب الصيد واجد واجد واجد << مثل مايحب الفريان ملاحق الكاميرات وكان رعاه الله ( الرجل ) كل يوم يطلع من البيت ويشغل (( الددسن ))ويروح بعد الفجر إلى الظهر برا الديره وهو ماغير ملاحق ورا هالطيور ومن شجره لشجره ومن شعيب لشعيب لكنه كل يووم يرجع لبيته وهو ماصاد شي أبد (( نيفر )) << ترجمه بالإنجليزي لغير العرب ومرت سنوات على الرجال وهو على الحال (( يرجع والكيس مليان هواااء )) وبعد عدة سنوات كان طالع في ذالك اليوم (( كما هي عادته )) فشاهد طير من بعيد فالرجال انبسط انبساطن عظيم يقولون إنه شقق فنيلته من الفرحه (( تقل مسجل هدف بالشامبينز ليق )) المهم إنه رمى على الطير وصاده وتبين إن الطير اللي صاده هو (( قوبعه )) فاستانس الرجال وناسه لايعلم به إلا الله (( مثل وناسة واحد من العيال يوم صعد فريقه اللي متنبل بالدرجه الأولى اكثر من 15 سنه )) ورجع الرجال لبيته وهو مبسووط وبشرر كل أهل الديره ( القاصي والداني ) وكلن عرف بالسالفه (( يقولون حتى مجلس الأمم المتحده عرفوا بالسالفه )) وباركو له أهله وجيرانه وجيران جيرانهم ويقولون بعد أن الرجال من بعد ماصاد القوبعه وهو كل يوم يقعد بجنب البيت فوق كبوت (( الددسن )) وماسك بيده القوبعه عشان لاسمح الله يمكن أحد مادري بالسالفه فيسأله وش قصة القوبعه (( عشان يقعد يقص له القصه )) (( طبعا القوبعه قطنت وصار به دوخه براسه لأنه كان يحط راس القوبعه بين اصبيعين من اصابعه ويقعد يدور به (( كأنه سبحه )) أو مثل مايسوي القصبي بالسلسله (( تقدر تسوووي كووذي )) المهم إنه كان فيه بالديره اللي جنبهم شخص يعتبر قناص (( كأنك تشوف الدعجاني )) ومشهود له بأنه راعي الطيور فاستغرب هالقناص هذا من هاللجه هذي وقال : (((( يامن بعمره صاد قوبعه )))) إنتهت السالفه .......... وبحكم إني أعيش هالأيام في وسط اللجه والهياط اللي صاير هوووني فنقدر نركب هذا المثل على إخواننا التعاونيين بتقولون كيف ؟؟ الرائد كان دائم مسيطر على نتائج الفريقين والرائد ( مل ) وهو يفوز على التعاون لاسيما إن أخر فوز للتعاون على الرائد بالدوري اتوقع إنه 1422 الرائد فاز على التعاون من عام 1400 تقريبا 15 مباراة مقابل 5 مباريات الرائد فاز على التعاون منذ تأسيس الفريقين 41 مباراة مقابل 25 مباراة وأول مباراة بين الفريقين فاز فيه الرائد (( تعتبر أولوية )) لا يمكن إنكارها والرائد أول نادي قصيمي صعد للممتاز (( كمان تعتبر أولوية لايمكن إنكارها )) فبعد كل هالتقرير البسيط عن تاريخ الفريقين تدور الدنيا ويفوز التعاون مباراة !!! وتتقتلب الدنيا لجه وهياط (( وحنا احسن منكم )) ( وحنا كل عمرنا نفوز عليكم ) و و و ..... باختصار بعد كل هالسنوات هذي وبعد كل هالسيطرة الرائديه على التعاون يطلع لنا ناس وينسون التاريخ هذا كله عشان مباراة واحده فحتما ينطبق على التعاونيين هذا المثل اللي يقول (((( يـــــــــامـــــن بــــعــــمــــره صــــاد قــــوبــــعــــه )))) تحياتي خيوووووو |
اقتباس:
واللي قبلها دوري كاس خادم الحرمين الشريفين أليست (اولوليه لايمكن أنكارها)!! في المقابل واصل الرائد عجـــزه عن تحقيق فوز بالدوري الاكبر بالسعوديه |
اقتباس:
هل أنكرت أنا هذا الشيء لست من النوعيه المحسوبه على ناديكم اللذين ينكرون بتعصب الأرقام والتاريخ لكن هل تنكر أنت أن الرائد مسيطر على على ناديكم نتائجيا إذا كنت تنكر فهذا إنكار للتاريخ أما إذا كنت لاتنكر فلا خلاف بيننا وبينكم وتبقى مقولة (( يامن بعمره صاد قوبعه )) هي الفصل بيننا !! تحياتي خيوو |
اقتباس:
سينطبق مقولتك مدري مقوله الشايب اللي علمك أياها على الرائد.. أليس كذلك!! |
اقتباس:
يبدو رعاك الله أنك لم تستوعب معنى هذه المقووله لأن الرائد هو المسيطر في لقاءات الفريقين لكن ممكن أن تنطبق المقوله هذه على الرائد لكن بعد أن يكون عدد فوز التعاون على الرائد 60 مباراة والرائد يبقى على 41 مباراة تحياتي خيووو |
اقتباس:
ولكن تتهرب مباريات العيار الثقيل من اختصاص التعاون ولكن لا ألومك فتوقيعك يوضح مدى فكرك الرياضي فأنت من الاساس ترفض اي شخص اذا لم يكن نفس ميولك فالتقاش مع من يحمل هذا الفكر مضيعه للوقت أذا اردت مواصله النقاش غير توقيعك !! |
اقتباس:
أولا بالنسبه لتوقيعي فهذا شي شخصي لايستطيع أي شخص إجباري على تغييره وأصلا لو لم تكن أنت ضدي لما تناقشنا في هذا الموضوع فلا تتحسس من هذا الموضوع رعاك الله وأما مسألة مباريات من العيار الثقيل فالرائد أكثر فوزا فيها أيضا إلا إن كنت تظن أن مباراتان بالدوري الممتاز (( واللي فزتو فيها )) هي فقط اللتي من العيار الثقيل ألا تعتبر مباراة المطر من العيار الثقيل ألا تعتبر أخر مباريتين لنا في دوري الدرجه الاولى من العيار الثقيل واللتي إنتهت بالفوز للرائد (( وعلى هذه النتيجتين صعد الرائد )) 6 نقاط ثمينه طبعا المباريات من العيار الثقيل كثيره جدا فلا تختصرها بمباراتين رعاك الله تحياتي خيووووو |
مشكوور على المتابعه
|
[align=center]
نحن في زمن تكلم فيه الرويبضة ... وأصبح للتعاوني فيه لسان ... وإلا كل عمرهم منخزمين !!![/align] |
[align=center]زين مقبوله ونكته حلوه
(ياجمهور القوبعــــه ) بمعنى كلامك التعاون الصياد والرايــد القوبعه هههه هه انت صد اي شي المهم جب رمايه تنشن على الهدف مو جايب لي سلاح ماصورته عوجى وبواردي شوف شجر وتبي صيد[/align] |
اقتباس:
من الرجل ومن القوبعه هل تقصد ان الرجل هو التعاون والرايد هو القوبعه طيب يمكن الرجل مع الزمن يتغير ويمكن يورث رجال يكونوا قناصين ولكن القوبعه هل سوف تتغير وتتحول الى صقر من سابع المستحيلات لذلك ستضل القوبعه قوبعه مهما جملها الأخرون .. تحياتي لك وترى طعم السكري ينسيك هم القوبعه |
استجابه لموضوع احد الاخوان من جمهور الجار
والذي طاب له ان يضرب مثل بمناسبة مباراة الديربي ونتيجتها وهو وفق كثيرا بهذا المثل حيث انه وصف التعاون ( بالصياد ) وناديه الرايد (بالقوبعه ) وهذه العاده التعاون صياد ولو انه هذه المره صاد قوبعه فيعتبر صياد واما القوبعه فهي المسكينه هي وجمهورها اصبحت بيد الصياد وكما يقول صاحبنا مثل السبحه او سلسلة مع القصبي في طاش ماطاش في يد الصياد الماهر الذي حتى القوبعه لاتفوت من امامه والف تحيه وتقدير لجمهور الصياد والف تحيه وتقدير لجمهور القوبعه وكل يعرف قدره وقدر فريقه وجماعته ويصفهم بما يحب ويرى انهم اهل له وتحياتي لكل صياد لايفوت حتى القوبعه هذا موضوع تم حذفه وهنا اظعه بين انظاركم هذا وقد فعلها قبله زميل له من ابناء الجار حينما اتحفنا ( بزقزقة العصافير وهم يتسدحون تحت الاثل ) وتعلمون كلكم من يتسدح تحت الاثل فهذا هم ونحن الذين نطير نزقزق طيور فوق الاثل فهذه نظرتكم لجمهوركم وفريقكم لن تتغير الزمن يسير وانت كما انتم |
أخي الكادي لآ يهمونك هؤلآء خلهم يفرحون بقوبعتهم ههههههههه شر البلية ما يضحك
|
قوبعة مرة وحده !!!
|
[align=center]نعتذر لجماهير الرايد عن هذا اللفظ الجارح ( القوبعة )
فمن غير المعقول أن يأتي لفظ القوبعة بعد ( الونانة ) . كل الاحترام لجماهير الرايد الحبيبة [/align] |
| الساعة الآن 11:44 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة