|
عندما تختلف المهام والمواقف بين الزوجين
يقول الشاعر الفارس ناصر الشغار : هجي عن الرديان ياعنق الأشبوب=وأدري ترى الرديان حقرين الابيات ليا أخطى دروب المرجلة كل سبسوب=لاقايلً عطني ولاقايلً هات وأرميه مثل اللي رمى سهلة الثوب=وأرميه مثل اللي رمى ميتً مات وسبب الابيات ان الشاعر شاهد زوجه تفوقت على زوجها في قوة شخصيتها وموقفها !! عندما تختلف الأدوار في البيت الواحد بين الزوج والزوجه وتصبح هذه الزوجه هي (الكل بالكل ) هل تسير الأمور بشكلها الطبيعي ؟ وهل ستتولد فكرة الشاعر لدى هذه الزوجه وتبحث عن زوج آخر؟ كل الأمنيات أن تستمر الموازين معتدله والمهام بشكلها الطبيعي في كل بيت ينشد حياة زوجية هانئه :) |
تسير بشكل طبيعي اذا كانت تعطي ولاتاخذ والقصد بالاخذ هو الازعاج وتكرار السنفونيه المحليه انا جبت وانا حطيت !! وكل الامور بالحياه الزوجيه معتمده على التنازلات ك شق اول والامر المهم شخصيه الرجل وقيادته ب تسييير امور زوجته بالحكمه وعدم التضييق عليها الا عند مرحله الخطر او الحاجه وبما ان مكان الشعراء عالي بنص الموضوع يقول الشاعر واستقصدتها ل جانب المراءه الحنانه الزنانه أنت ياللي ممتحني وش بلاك=هي دفاشة غلطتك وإلا جهل كل يوم أرجع وأبين لك خطا ك=وإن خذيت شوي ماتصبر تزل قلت لك .. الخ القصيده واتوقع انها اشهر من علم وللمعلوميه المراءه الان الكل بالكل بلا منازع لان جانب العمل او الوظيفه ساهم بشكل كبير للحد من جبروت الرجل لذالك بما ان الوضع مناصفه يجب البحث عن الوزنيات الحيثيه للتغطيه اوقات المناوره احترامي . |
من حكمة وآيه الله عز وجل في الأزواج (زوج و زوجه) أن الوزنيه فيما بينهما مختلفه ولابد أن ترجح كفه على الآخرى
حتى في عرف الحكماء ومن خلال تجاربهم الحياتيه : إذا الرجل دندون ياخذ له حرمه خبله وإذا المرأه دندونه تاخذ لها واحد خبل وكل واحد منا يعرف نصيبه من نفسه |
اقتباس:
|
.
. . اقتباس:
|
أثبتت كثير من المواقف والأحداث أن تولي الزوجة مهام المنزل نجاحها
لكن هذا لايعني أن تتولى كل شيء وتكون صاحبة الرأي الأخير لأن مهما كان فالمرأة عاطفية وقد يعصف بها حدث عابر ! |
من حكمة الله ان جعل تركيب المرأة يختلف عن الرجل والعكس لان في ذلك فوائد وحكم كثيره مثال الرجل في الغالب لايرضي بقوة زوجته وفي نفس الوقت المرأة لاترضى ضعف زوجها ولولا اختلاف التركيب بينهم ماجتمعوا في بيت واحد بل في غرفة واحده . على هذا اقول المرأة مستحيل تقوم بدور الرجل والرجل مستحيل يقوم بدرور المرأة فهم منظومه كل واحد مكمل للثاني . شكرا لك جلوي |
ياساتر الزوجه هي الكل بالكل وش يصير البيت ؟
أكيد ( بيت مشاكل ) 000 والله أذا شفت رجل راكبته مرة 00 يطيح من عيني !! بس بعضهم مهب كله ضعف شخصيه ( فقد يكون غرقان لشوشته بحبه ) ومايقدر يقول لا 000 عاد بنات حواء ياويل اللي يضعف قدامهم ( مافيش رحمه ) !! البيت اللي تكون فيه ( الحرمه ) هي الكل بالكل بصراحه مهب بيت أعتقد ( مشغل نسائي ) تحياتي ابو شهد موضوع يلامس الجرح ! |
فيه فلوس عند الزوجه الرجل مستعد يتنازل عن رجولته وعن مهماه وتربيته للبيت لكن الخوف هو ان تجمع لبيت وقصر كبير يجمعهم عن شقه صغيره ويخدعها ويتزوج عليها بفلوسها وهذي ماتكون الا عند الزوجه اللي طيبه جدا كم توصف الطيبه بهذا الوقت بالغباء الا وش صار على موضوعي ليه قفلته |
نعم ستسير ولكن ليس على ما يرام ! سيكون هناك مطبات هوائية ستقلق الطرفين لأن كل ميسر لما خلق له جلوي كل عام وأنت بخير |
نجداوي
لاتسلم لبنات حواء وتعطيهن السيطره ترانا نخسر الكثير:( حلووووو تحريف الأبيات وجاي في الصميم :) شكراً لك |
ونه خفيفه
طيب وش معنى دندون ؟ وينك يابلزاك تشوف اللي مايفهمها أطلقها صعيدي :) |
بلزاك كل عام وانت بخير
نسيت احط في بداية الموضوع ؛ (للناطقين النبطيه :)) عاد المصاروه يعرفون كل شيء اذا ودهم بس مشكلتهم (الرجال ) يقولون الشعب السعودي (جبت الرقال وخذ الرقال) وانا مش عارف يعني ايه الرقال !؟ يسعدني حضورك ياباشا |
اقتباس:
دندون = سنع +طحطوح +اجودي +عليه العلم +كفو ..ألخ وإلك أن تختار تنويه تراني ونة خفية مو خفيفه الله يرضا عليكم ماسمعت الشاعر إلي يقول : (أو ونة وسط الضماير خفية ) |
عزيزي... الحياة مشاركة بين الطرفين والكل يعي مهامه فيها .. جميل ان يلتزم الاثنين في اداء المهام على اكمل وجهة بروح الحب والود والتعاون لبناء مملكة ناجحة الا هناللك البعض من " الازواج" في ظل عالم "الاستراحات" والشله اؤكل غالبية المهام لتلك الزوجة المسكينة بدء من تبضع حاجيات المنزل نزولا عند متابعه الابناء وقضاء مشاويرهم ومتطلباتهم نزولا للذهاب بهم للمستشفى عند الحاجه اصبحت كل المهام على عاتق المسكينة فاصبحت الام والاب والزوجة والزوج في آن واحد وهناللك للاسف من الزوجات من اوكلت بعض مهامها الزوجية من متابعه للابناء والاهتمام بالمنزل للزوج المغلوب على امرة لتكون على اهبة الاستعداد لمشوايرها الخاصة مع باقي الشلة!! واقع مشاهد بمجتنعاتنا للاسف... |
| الساعة الآن 01:01 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة