مجرد سؤال ضروري مهم لي
 

السلام عليكم ياحبايب من كل الاجناس

بكل اختصار وماابي اطول عليكم ,

المهم انا عندي سؤال شخصي واتمنى الاجابه الشافيه

انا صراحه ياجماعة الخير متزوجه ولا اني متزوجه بنفس الوقت

مدري فهمتو هالعباره والا لأ

المهم راح اوضح اكثر انا متزوجه بس انا عايشه في بيت ابويه

صاير لي اكثر من سنتين

وزوجي الله يجزاه خير تاركني ولا هو سأل عني ومقصر

علي بكل حقوقي ماعندي اولاد منه

صراحه لو نبي نوصل له نقدر بس

الله يهديه ماني قادره اتوصل معه الى حل

لا اننا رجعنا لبعض ولا اللي هو مخليني اروح في حال سبيلي

صراحه ياناس تعبت وانا ابي الطلاق بس طبعا طالب مني مبلغ مالي كبير بالنسبه لي ,

ولااخفي عليكم بغيت ادبر لي مصروف مالقيت قدامي الا

الضمان الاجتماعي هم اللي ممكن يساعدون للي في مثل حالتي

بس هل ياترى اقدر اقدم على الضمان من دون ما يطلبون مني شي

مااقدر اجيبه الا عن طريق زوجي اللي( هاجرني )يعني شنو هم يطلبون غير

الوثائق الرسميه ؟؟

الرجا الرد على تساؤلاتي ومساعدتي بجميع المعلومات الممكنه

وربي يجزاه خبر اللي يرد ويساعدني .

حبيبتي شجون اقول لك ان الضمان الاجتماعي مايساعدون المتزوجات المهجورات بحجه انهن متزوجات هم يساعدون الارمله والمطلقه واليتيمه اما انتي ياحبيبتي فعليك بقيام الليل فانه سلاح فتاك جربي ولن تندمي

اختي شجون اوصيك لاتطلبي الطلاق ولكن اذهبي للمحكمه واخبري القاضي بما حصل بينك وزوجك ومدة الهجر لانك لو طلبتي انتي الطلاق اكيد بيطالب بمبلغ من المال ولربما الصلح خير ان يصلح القاضي بينكم اسأل الله ان يكتب مافيه خير وخيره

روحي للمحكمه واطلب اما النفقه او الطلاق لان الشيخ يجبره على النفقه او الطلاق

اما الضمان مايساعدك بهالحالة

اذكر حاله مشابهه طلبوا منها ورقة من المحكمه بشهادة رجلين تثبت هجر الزوج وتعليقها ..

بس للأسف بعد كذا مدري هل قبلوها او لا ..

اختى ما لك الا تسألي الضمان نفسه او اتصلي عليهم

ربي يوفقك ويعينك

الله يعينـــك
الضمان للمطلقـــة
معليش ليش مخليـــك
أنتي تبغينـــه وهـــو يبغـــاك
ولا لا
عالعمـــوم أوصيـــك بالإستغفـــار والصدقـــة بنية ماتبين وبتيســـر أمورك بـــإذن الله
الله يهديكم ويحنن قلوبكـــم لبعـــض

الله يفرج همكـ أختي وكل مهموم
ويغنيكـ بربــكـ عن كل ما سواه
.

اختي كلمي الشيخ غبدالعزيز المقبل ........ تراه خبير بالامور هذي........ وبعدين اختي حاولي ا=تلجئ للمحكمه بعدالله اختي مثلك وانحلت مشكلته وتطلقت بدون ماتدفع

الله يفرج همك وهم كل مسلم

بالنسبه لستفسارك ماعندي خلفيه عن الضمان


وبالنسبه لوضعك حطيه امام الواقع واجبريه عن طريق المحاكم مب الدعوى خذني جيتك قيقهيه على قولتهم اشتكيه قولي لشيخ انا اريده وهو هجرني سنتين وطلبت الطلاق اجبرني على دفع مبلغ فوق طاقتي ولم يعاشرني ولى مره واحده فقط معلقني لا الى هاولاء ولى الى هاولاء لا انا تزوجت ومشيت بدربي ولى هو عاشرني ومجلسني عند اهلي والمحكمه تعرف تتصرف