|
بريدة وشلة الحرامية
كثرت السرقات في مدينة بريدة الله يستر علينا من الجاي , بصراحة ما ني عارف ايش السبب ؟ صارت السرقات ظاهرة تهدد حياة سكان بريدة الغالية , السرقات يا كافي صارت بالقوة , كلكم علم بسرقة صيدلية عادل بحي سلطانة الغربي تحت تهديد السلاح المصري يا حلالي سلم أمره لله واللص ضف معه الخزنة وهرب , الخبر قريته بصحيفة عاجل , بريدة تحتضر تحتضر فمن ينقذها من سطوة وجبروت اللصوص اللي ما لقوا احد يأدبهم , وصحيح قالوا : من أمن العقوبة أساء الأدب .
للأسف الشديد صار الواحد منا يخاف على بيته وعياله من شلة الحرامية اللي غزت الديرة وعثت فيها فساداً في ظل غياب الأمن نعم غياب الأمن اللي مهب داري عن الحرامية . يا أخوان من ينقذنا من براثن شلة الحرامية ؟ لله المشتكى والله المستعان !؟ |
بالفعل السرقات تغتال الأمن في بريدة .. اين المسئولين عن التحركات لمنع الظاهرة فاصبحنا نخاف على منازلنا وممتلكاتنا من عبث السارقين
اين العقوبات الرادعة .. ياليتنا من الادعاء العام سالمين .. باعتقادي هي سبب تفشي السرقات بسبب مماطلاتها وقراراتها الغريبة فيالاحكام ضد الجناة |
الحين المسؤولين وينهم عساهم النفره ولا عشان الرويتب مضمون بالمخبآت خلاًص يعني ؟! وراهم مايتحركون , مهيب معقولة الصراحة هالأمور الحاصلة , المفروض نحط له حد ,عسى اللي يسرق ايدهن للقطع قولوا آمين ربي وأنا سالوه , وعسى اللي انطلت بلوزتي حقت العيد القطع اللي يقطعه إن شاء الله , تخيلوا هالبلوزة اللي معي صايرة آخر بلوزة بالمحل ولا بوه غيره وفرحتن اني لاقيه شيء يجوزلي ومير تلقط من, عسى اللي القطه الهم ربي وأنا سآلوه, بس اذا هي فقيرة بحل , الحين الواحد ما يأمن ولا على نفسوه يخاف يسرق ,
|
هيئة التحقيق والادعاء العام اظنها تتحمل جزء كبير من المسئولية .......
والله يستر على المسلمين |
للأسـف موضــوع السرقات فشى واستشـرى
وكل جهة تلقي باللائمـة على الجهـة الأخـرى وكأن البـلد خلي من المسؤولين الذين يتحمـلون مسؤوليـة عملهـم ووطنهـم وشعبـهم .. الغريب أننــا نسـمع أحيانا عن سرقة بيت مسؤول فمباشـرة يقبض على المجرم ويعاقب مباشـرة !!!!!!!!! |
الله يستر علينا وعلى المسلمين
|
الــــــــــــــووواســـــطه
لادخل السجن طلع الله يكفيناااا شرررررررررهم تقبل مروري تووبلس /الررررررياااااااان |
بما ان المطالبات تتزايد والتحركات من الجهات الامنيه قليله جدآ حتى لو الاجتهاد منظور له بعين الاعتبار الجرائم تتوسع بشكل ملوحظ والتغيير ايضا يجب ان يصبح ملحوظآ قوات الطوارئ الخاصه مهام عملهم يجب ان يتواجد الساحه خاصه بهذه الفتره ف ضرب اوكار المجرمين حل يخفف من تشتت الفكر الامني من شرطه ومباحث وغيرها وايضا يمتص اغلب القضايا المشتركه ك السرقه وغيرها المال عديل الروح ولايمكن لشخص منهوب ان ينسى ف هذه التصرفات تعدي على الامن القومي اذا فعلا لم تتعاون الجهات مع بعضها احترامي . |
،،
من امن العقوبه اساء الادب ،، |
فعلا وضع غريب ولا يسكت عنه...
اين المرور والدوريات لو كان لهم حضور فعلي بمداخل الاحياء ووسطها لما استطاع المجرم الدخول والخروج بسهوله... المفروض يفتحون عيونهم اكثر من كذا ولا بد من تخصيص دوريات للاحياء تكون عارفه مين يدخل ومين يطلع مو بس بالشوارع العامه.. وغير هذا كله اي سارق تثبت عليه الجريمه لا ينتظر فيها قضاء بل يبت في الحكم فورا اقصد الحكم الشرعي للسارق... |
لأن حاميها حراميها :)
|
فقط تقام حدود الله في أي معتدي وستعيشون بأمن وسلام .
|
بحاجه الى ضربه امنية صارمه لهؤلاء اللصوص
|
حقيقة شي مؤسف من سرقة السيارات إلى سرقة البيوت الشقق حتى توقفنا عند سرقة الصيدليات والمراكز التجاريه إلى متى؟
إلى متى و الحرامي يقبض عليه في الصباح ونشاهده في الليل يتسكع ولاكأنه فعل شي ؟ كل هذه الامور وهذه الاسئله ستقف حينما يتخذ اجراء صارم كما قال اخي بندر الحمر ضربه تنهي هذه المشاكل كلها . تقبل مروري مع خالص تحياتي وتقديري |
الحل
حمل السلاع والدفاع عن النفس و العرض و المال ... لحين ( تفعيل ) الحدود الشرعية وإعادتها للمجتمع لينعم بالأمن و الأمان كما كان ., تحياتي .,’ |
| الساعة الآن 05:53 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة