|
الاعضاء والعضوآآت مابين هآآآك وهآآآك
أهلين وسهلين ومرحبتين بالاعضاآآء الكرام ندش بالعميق ... تعبنآآآ من التلميح ~ آلرجال إلا مارحم الله مآآتت رجولتهم بالنت والمنتديآت وأيضآ النسآء ضآعت حياءهن المعهود والمعروف عنهن /////// بجد في عضو هنآ من متآبعتي لموآضيعه وردوده آحسه رجل عآقل وآحسه مثقف تصدقين يآأسماء إني حبيته ونفسي آتعرف عليه لجل يتزوجني آسماء / أقول هجدي مآفي شي إسمه زوآج عن طريق نت هي / بس تصدقين صاحبتي فلانه تزوجت عن طريق المنتدى الفلاني وحيآتهم مآشيه زي ماتتمنين آسماء / مدري وربي لكن نصيحتي لاتثقين بالرجآآل هي/ يؤؤؤه بتعرف عليه لجل أعطيه عنوآآن بيتنا ويخطبني ونتزوج غير كذا مآآبي آآتكلم معاه آسماء / سوي اللي تبي تسوين إنتي كبيره وعاآآقله إنتهى ,,, ماقراءتوه ياساده ليست وهميه بل هي حقيقيه تحصل بعاآآلم المنتديآآت ومآآشابهه سؤالي / هل مثل هذه الزواجآآـت تستمر آآم تفشل ؟ شامخه~ |
؟؟؟؟؟؟؟؟؟؟؟؟؟؟؟
يآليت نسمع آرآء الأعضآآآء |
,
, اممم كونها تستمر ..أتمنى أقابل أحد تزوج بهذي الطريقة من شان أسألهم ..! واللي راسلته يضمن انه ما كد أرسلت لأحد أُعجبت به من قبله ..! ~ تُذكر لي سالفة قريبة من ذي . لكن العضو أُعجب بالعضوة .. وقال لأخته تسجل وتسوي علاقة معاها وتتعرف عليها أكثر ..لأن في منتدى أنا مسجلة فيه بعض العضوات يتواعدون ويروحون للملآهي أو غيره فـ تعرفت على العضوة أكثر وذكرت لأخوه كل اللي تعرفه عنها وتزوجه , < الطريقة هذي أكثر آمان = ) .. ,., |
والله على حسب شك الزوج,, بعض الازواج ماعندهم شك بعد فترة الزواج , يعني ممكن يدخل الشيطان براسه ويوسوس له وينتهي الزواج لكن أعرف لي رجال ممكن تمشي معهم زواجات النت ويعيشون حياة طبيعيه النت مثل الخطابه ياتصيب ياتخيب , وأكثر اللي تخيب معه من يعرف النت والمنتديات وتنجع مع من يجهل المنتديات ويكون له واحد يخطب له يعرف وحدهـ بالمنتدى |
زواج فاشل لايمكن يتم زواج عن طريق التعرف بمنتدى
لان كل حدا يرسم لنفسه شخصية معينة و قد تكون زائفة ولو تم الزواح راح تكون فيه مشاكل بحياتهم لان يبي يسترجع ردها ع فلان وعلان .. |
والله ان حصل اطخم وولد ناس وفاهم ويعرفلي يالبيه لوانا متعرفه عليه بطابور تميس ! ماابي زواج تقليدي اشوف التقليدين عاضين الارض وطردي ورا المسايير والمسافير وفاتخه عقولهم على انهم يتنقون اللي يبونها نقوه والعاقل من اتعظ بغيره وشوله اصبر لين يفتخ عقلي واعض الارض من اولها ابي على وطيه ثابته :) واللي تبي معي ترفع يدها :) |
بحياتنا الواقعيه
نرى النفاق والتزييف ونرى الاقنعه الجميله التي تخفي بشاعتهم فمابالك بالنت!! هذا اولا ثانيا الزواج سواء كان من النت او غيره..مانقدر نقول انه راح يفشل او ينجح لانه بيرجع لمصداقية الطرفين |
زواجاتنا فاشله وهي تقليديه وشلون عن طريق النت
حدهم شهرين وبعدين يتطلقون <<متشائمه لاحد ياخذ رأيه |
بالنسبة لي فـ المبدأ هذا مرفوض ..
البنت لها عاطفة ربما دعتها للميل الى فلان من الناس في المنتدى لاسلوبه وطريقة تعامله .. والمؤسف ان المنتديات لا تبرز شخصية العضو كاملة .. فالكيبورد وحده غير كاف للكشف عن من خلفه .. بإمكاني كرجل ان انافق واظهر بطريقة توحي للمتلقي اني اكثر الناس نضجا وعقلانية مع ان واقعي ربما كان عكس ذلك تماما . وبالعموم متى ماذهب صخب الزواج فستأتي المسائلات .. لم الرد على فلان والضحك مع علان .. لذا ارى مسألة البعد عن هذا النوع من الزيجات اسلم .. والله اعلم . |
والله ما اعرف واحد فكر انه يتزوج عن طريق النت او حتى تزوج
لاكن سمعت قصه قبل سنتين عن زواج شاب من فتاة بالاحساء عن طريق النت الصراحه ودي اشوف الحساوي هذا واسأله عن حياته هو متوفق والا لا واذا لقيته ان شاء الله اردلكم خبر وهذا وعد مني |
اقتباس:
ومازال زواجها مستمرا والآن لها طفل ومع ذالك لا اثق بهذا الزواج ولا تعجبني فكرته سواء مواقع مخصصة او فيها مشائخ او عن طريق وسيط بين المعجب والمعجبة خارج الموضوع .. وش قصدك تعبنا من التلميح؟ |
نفسي أعرف أحد تزوج عن طريق النت ؟ هل نجح زواجه ولالا ؟ نفس تساؤلاتي |
اقتباس:
ياعين حيي راسمين راسمين الله لايعوق بشر ! بالواقع تراتس تاخذين واحد ماتعرفين عنه الا اسم امه وابوه ووين ويشتغل والباقي كله رسم وتلوين بألوان خشبيه .. وش تحسبين ؟ حتى الشوفه تلاوين :( ومكالمات بعد الملكه كلها تصنع ومجاملات حتى انتس ياحيي ترسمين لنفسك انتس حبيتيه ومتي بحبه ودفنوك بدباديبوه :( واذاجت الفكره وراحت السكره قلتي تباً لكل الوان الدنيا وسحقاً ياأخضر واحمر واصفر يااساسيات الالوان والكوارث !! |
اقتباس:
بالأول كنت أستغرب وأشجب وأستنكر .. أما الآن .. النت صار زيه زي الأم لمن تخطب لولدها زي الأخت تخطب لأخوها .. + الأمر ليس على إطلاقه .. [overline][overline]يعني إذا كانوا عاقلين .. ومتفهمين .. ليه لأ ؟؟![/overline][/overline] خصوصاً إن الحروف , أصدق تعبيراً عن المرء من حاله ولسانه .. :) + ماعندي أسمع رأي مخالف .. :) |
اقتباس:
|
| الساعة الآن 11:43 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة