|
عسولي ينتحل شخصية بنت !!!
كانت مجرد فكره وقلت ودي اطبقها واشوف من خلالها من هو (الضحية والجلاد) ومن هو سبب المشاكل هل هو الشاب المغزلجي أم البنت .
فكرتي تلخصت بأن أقوم بتقمص شخصية فتاة متبرجه وشخصية أخرى لفتاة محافظة ومحترمة وأرصد من خلالها ردود الفعل . خرجت كأني عريسه في ليلة زفافها والكحل مدعوج بعيينات عسولي وريحة العطر الفرنسي تفوح والنقاب الوسيع ملعلع وجوال الآي فون بيدي اليمين والشنطه الكتافية على الكتف الأيسر والحذاء الأسباني الفاخر (طبعا اللي مسوي لي مكياج أختي هي مساعدي الرئيسي في الموضوع ). خرجت عصرا الساعه الرابعه وقلبي يدق دق أخاف انكشف مع إن أختي معطتني بروفات بالحوش . مرت سياره فيها رجل اربعيني ومعه كومة بزران وامهم على باب يمين ويجي عسولي ويعطيه نظره قاتله وجلس يبحلق فيني ويهدي السياره ولسان حاله يقول (آآآآآه لو مامعي هالكديش كان رجعت لك ياقمر) . طلعت على الشارع الرئيسي وأنا أمشي واتمغنج وتمر بجنبي سياره هوندا اكورد فيها شباب اثنين ويمشون جنبي شوي شوي ويجدعون ورقه علي ويقول لي السواق : هلا يالغلا فديت هالزول .طبعا أنا ساكت وامشي وانقذني منهم محل للخضار كان فيه رجال وهجوا . بصراحه انا خفت اتمادى وانكشف واروح وطي وقررت ارجع وأنا راجع مر راعي هايلوكس بزر شكله بأول ثانوي ويمر جنبي ويشغل اغنية راشد الماجد (دنيا حظوظ دنيا حظوظ ) ويلبق جنبي ولد النيص وانا امشي وامشي ويوم شفته لزقه وبايعها وآخذ حصاة وعلطول يهج ويفحط علي . المهم وشلون اوصل لبيتنا من غير مايشوفن احد لأن الوضع شكله يبي يطلع من سيطرتي والحمدلله وازبن ببقاله وادخل واجلس حوالي خمس دقايق وآخذ خبز وحاجات بسيطه واطلع والحمدلله انطلقت لبيتنا من غير مالفت انتباه احد . التجربة الثانية كانت لفتاة متحشمه ولابسه عبايه إسلامية وغطوه إسلامية وقررت الخروج من بكره وقسم بالله طلعت واخذت لفه كامله والله ثم والله ماتعرض لي أحد لاعربجي ولا شباب ولاغيرهم ورجعت لبيتنا بسلام . طلعت بنتيجة إن الشباب (ضحايا ) والبنت هي (الجلاد ) . وصدق رسولنا الكريم يوم يحذرنا منهن . ومو غريب إنهن أكثر أهل النار من النساء . |
لاحول ولاقوة إلا بالله..
بصراحة اللي سويته شي خطير جدا وأصلا شي معروف إن المحتشمة المحترمة بشكلها مايتعرض لها احد لأن لها هيبة طيب ماخفت أخي من الحديث: (لعن الله المتشبهين من الرجال بالنساء) ماخفت لاقدر الله يسير لك شيئ حادث وتموت على هذا الحال؟ |
استغفر الله من جدك انت مسوي كذا !!
الله يخلف على امن جابك ندري بدون ما تكلف على نفسك وتسوي تجارب |
سرآحه صدقتك قووه
وكثر اني صدقتك صرت افكر اسوي زيك ! (= |
اقتباس:
اهلا وسهلا ..... تجربة مثيرة .... هههه طبعا بالنسبة لي النتيجة معروفة .... وهي كما استنتجت انت .. بس السؤال ..... ليش قلت رجال في محل خضار ...؟ يعني هالرجال ما ينطبق عليهم السابق من التعرض ..؟ |
آكيد النتيجه وآضحه
في آنــآ وآنــآ بنت لا شفت وحده موسعه النقآب وحآطه كحل وكآشفه عيونه آبطول وآنآ آشوفه >>بتكون ملفت للأنتبآهـ آو يمكن ننظر لهآ نظره شفقه فرق ع اللي مصغره نقآبهآ ومآ تتفتحه آي وقت |
ودي ادري شلون جتك الجرءه انك تسوي كذا؟
ههههههههههههههههههههه ياحبيله اختك اجل هي اللي شخمطت بوجهك هههههههههههه سلملي عليه |
وماذا استفدت من تجربتك هذه ؟
هل زدت رصيد حسناتك ؟ أم انقصته ؟ تحياتي لك |
( لعن آلرسول الله صلى الله عليه وسلم الرجل يلبس لبس المرأة ) هَ آلدليل كـآفي .. وتقـولون آلبنت ليه تشجـع آلكوره ، فيه تشبه بَ آلرجـآآل .,!!!! أنــت آلبـآ آ آدي .,!!
آلرسول آللهم صلي وسلم عليه قـآل آن آكثر آهل آلنار من آلنسـآء موب لآنهن فتنه .,!! بل أولئك آللآتي يكفُرن ( أي يجحدنَ حقَّ آلزوج ) .,!! فَ لآتفسر وآنت مـآتدري .,! :) وآلمـره آلجـآيه خل أختك تتقـمص شخصيـة آلرجل عشـآن نشوف أيكم يظــبط :c7: |
تبطي .. وتبطي ..وتبطي ثالثه على النظره القتاله :12[1]: وياحيي انا شادتنبك الظهر في حال تعرضولي شهبان المجلس اقول عسولي المفتول ابو كتوف بيفكن غمضي ياقتاله ودرعمي بالهوشات واثرك يجي منك تصير ابو عيون قتاله !! روحوا الحمشين ,, اللي بعدووو ..! |
وما الجديد الذى أضافته تجربتك المثيرة هذه الحقيقة نعلمها جميعا دون ماتكلف نفسك عناء التجربة والمخاطر التي كنت ستتعرض لها لا قدر الله لكن ماذا لو غض الشباب طرفهم كما أمرهم الله تعالى من سبع سموات (قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ) في الآية الكريمة آمر للمؤمنين بغض البصر وحفظ الفرج وكلاهما مرتبط ببعضهما أجزم يقينا لو تمثل لها الرجال والنساء لم تجد هناك إمرأة متبرجة وغير محتشمة بحجابها لأنها لن تجد من يلتفت لها فالقضية ليست قضية جلاد وضحية القضية بعد عن الدين وعدم الالتزام بما أمر به الله تعالى في كتابه العزيز من كلا الطرفين ( رجال ونساء ) |
معقوله تسوي كل ذا :g6:
النتيجه متوقعه بدون هاتعب المحتشه والمتستره ربي صاينه وحافظه والكل يحترمه الله يهدي الحال |
سواليف تالي الليل ...
|
حلوم ليل يمحاها النهاري ههه
طيب ماجربت ترقم تشوف يدقون عليك والا لا :) :) الناس تسوي تجارب كيميائية وانت الله يخلف تدرس شي مدروس ومنتهي موضوعه !! يــ ع ــطــيــك الـــف عـــــــافــيــــــه |
اقتباس:
اللهم لاتواخذنا بمافعل الجهلاء ( لم استطع ان اطلق عليك سفيه يرعاك الله لذلك اكتفيت ب الجااهل) هدااااااااك الرحمن , |
| الساعة الآن 03:08 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة