|
هل يمكن أن يُباع القصمان بـ " سوق الخضـرة " ؟
بسم الله الرحمن الرحيم .. السلآم عليكم ورحمة الله وبركآته . . حيّا الله الجميــع . . . يُقآل : خير الكـلآم ما قـل و دل ! ندخل بالموضوع مباشرة . ما تلاحظون إن بعض القصمان ,, بهم حرارة مهب طبيعيه , نشبههم بالفلفل الأحمر الحار = إذا كان معصصب قووّوّهـ وواصلتن معه ، ونشبهه بالفلفل الأخضر الحار = إذا كان نصف عصبيه ،! يعني شي ملحووظ وبشـده رجال القصيم : بهم حرارة الدنيا ,, واللي يقهر إنه أحياناً تكون على غير سنع ! وهُنا المصيبه ! ليش ماتكون حرارة على سنع ، يمكن نلقى منهو حار على سنع ، وهذي مجموعة نآدره جداً ! لكن الغالب على غير سنع .. نسأل الله الســلآمة والعآفيه .. أردت أعرف من خلآل ما ترون وتشاهدون ... ماهو سبب نشأة هذه الحرارة عند القصمان ؟ وكيف يمكننا التغلب على هذه الظاهره الرعناء ؟ شكرا لكم ! ملآحظه / الله سبحانه يعلم بنيتي عن هذا الموضوع ، القصمان أهلي وناسي , وربعي وديرتي ,, ولا أرضى أحد يسبهم أو يتكلم عليهم . . . لكن أردت معرفة إذا كان هناك من يعاني من هذا الداء ,, وكيف يمكننا التخلص منـه .. وأي تهجم علي لن أرد عليه . . . لأن مقصدي من الموضوع واضح ! شكراً مرة أخــرى . . . . السـلآم عليكم . . . أختكم : أنسـآم الصبآآح ،، |
لاتجي وحده مفحطه الحين تقول وش سبب عنوان الموضوع
المقصد انهم : حباحر الحباحر تباع بسوق الخضره .. |
اجل نحنا نخرج منها:) |
تعقدت من ( سوق الخضرهـ ):)..، الحرارهـ ماتختص بمدينه معينه او بلد معين ..، لكن القصمان فيهم زيادة ( سعسقه ) و كثيراً ما يكون الرجل مشغووول الله يعظم أجرهـ ويحتمي بسرعه يخاف تتعطل أشغاله المهمه ..!! لهذا تم استبدالهم بهنود واندونيسيين ..،؛:) <-- لايكون أنا اللي بجي مفحطه ؟:e5: تحيتي ..،؛ |
اقتباس:
غرزتي بسبب تفحيطك :4_1_1[1]: الا تعالي ايش تطلع السعسقه:) |
جبل السكر ، أهلاً أختي الفاضله ، حيآتس الله .. منورينا أهل المدينه :) يهلا وغلآلآ .. حيآك .. .. ،، وضوح ، حياتس الله هلا وغلآلآ والله يختي اللي أشوفه أن -- القصمان يحبي لهم -- يتميزون بـ " الحراره " أكثر من غيرهم ^_* مير الله يعين .. أسعدني تواجدتس .. حياتس البآريء .. .. شكراً لكن . . . . السـلآم عليكم . . . |
جيتي على الجرح ,, ودي مره أشوف قصيمي بارد و رايق دايم معصبين و شايلين الدنيا كلها فوق روسهم ! اللهـ ياجرنا بس حنا لو بنعصب عفسونا و ما تحملوا منا اي شي بس هم عآدي جدآ يطفسونك و يرجعون و لا كأنهم سوو شي .. لا و اللي يقهر لا قالوا أنتي حرمهـ تسكتين لما نعصب ولا ترادين اللهـ لا يهينك إذا جازمهـ ع البيع ! .. .. عندي 100 حبحر للبيع و بأي سعر حتى لو مجانآ ما عندك مشكلهـ :) |
انسام
على اي اساس قلتي القصمان فيهم حرارة هذا طبع بكل ديرة مو خاص للقصمان بس يمكن يمكن اذا ملزمه فهي السناعه هي سبب الحرارة |
ليش ماتكون حرارة على سنع ، يمكن نلقى منهو حار على سنع ، وهذي مجموعة نآدره جداً !
باالعكس القصمان كثير اللي حرارته على سنع ماشاءالله ماهو سبب نشأة هذه الحرارة عند القصمان ؟ صراحه الحراره صفه موجوده في اي انسان على وجه الارض بس تختلف من شخص الى شخص0 وكيف يمكننا التغلب على هذه الظاهره الرعناء ؟ على التعود اتوقع شوي شوي0 بس ترى الحراره الحمدالله اهون من العصبيه0 |
الحرارة نوعين : طبيعيه ومكتسبه .فالطبيعية تكون هالحرارة متوارثه من أجداده وهذا الله يعين عليه .بس عني شخصيا أحاول بقدر المستطاع تجنبهم وعدم الإحتكاك فيهم ووسعي صدرك معاه أو حتتعبي .
النوع الآخر وهي الحرارة المكتسبة وهذه نتيجة تعاطي المخدرات ويكون الشخص المتعاطي لحظتها قد فقد جرعته ويكون في حالة عصبية عنيفة وهذا النوع خطير جدا وعدواني وشرس ويجب الإبتعاد عنه . تقبلي وجهة نظري |
اشوااااااااااا مير
هونتي علي :) احسبه بس اللي عندي :) :) يــ ع ــطــيــك الـــف عـــــــافــيــــــه |
هوارة معليش يالغاليهـ لو تدخلت , صحيح الحرارة بكل ديرة و ما أحد ينكر هالشي بس بالقصيم بزياده .. يعني كبيرهم و صغيرهم بالعكس .. حرارتهم دايم على غير سنع لو على سنع ما تكلمنا و قلنا شي :) . . أخت الفهد قولي نادر اللي حرارتهـ على سنع بهذي آجي معك و آنا مغمضهـ :) فيهـ ما ننكر بس نادر جدآ تقولين يمكننا التغلب على التعود شوي شوي ! طيب ليهـ حنا اللي دايم نتعود غصب عنا و نتحملهم و هم اللي مايتحملون منا ذره ! يعني باللهـ لو عصبتي على واحد منهم مره بيقول مو مشكلهـ أعديها و أتعود عليها ~> آتحدى :) وش الفرق بين الحراره و العصبيهـ ؟ و لو كان فيهـ .. بكلا الإثنين يمهنون كترك خخ |
اقتباس:
هههههههههههههههههههه يحبيلتس والله بصراحه مت من الضحك على 100 حبحر للبيع وحتى لو مجاناً .. حسيت إننا نعاني صدق ، الله يرحم ضعفنا ! أجل أنا لو أببيع وااااووتس كم بيصيير عندي الله يخلف بس .. يمكن تقولين 200 - 300 تسذا .. بعدين ،، والله إنتس صادقه هذي مشكله ، إنهم يعصبون وهم الغلطانين أحياناً ، ولا يبونتس ترادينهم ! طيب : خلونا نتفاهم بهدوء عشان نعرف نحل المشكله أو المصيبه اللي وقعت (( مع إني أبصم لتس بالعشره مابه لا مشكله ولا مصيبه )) بس هم تسذا يكبرون المواضيع على لا شيء ! يلله عيش أكتر تشوف أكتر .. الله يعين .. واأنا جآهزه معتس بخصوص البيع .. الوعد : سسسـوق الخضرة .. هلا والله أخفي غلآتك ,, أشكر مرورك وتعليقك اللي كان بالصميم ! الله يحفظكِ ويستر عليكِ .. |
أكيد لا ..
لأن ممنوع بيع وشراء الأوادم >> مصدق الاخ .. المهم الحرارة أحيانا ميزة في الانسان وهذا نادر تجده في النساء اللواتي يتصفن بالبروده و بعض اللامبالاة .. الرجل يريد الانضباط بينما بعض النساء لا تعرف معنى هالكلمة الا النادر .. لذا برودة النساء سبب في حرارة الرجال .. الرجل يهتم بالوقت و الموعد .. بينما بعض النساء لا تعرف كيف تدير الوقت و تلتزم به .. لذا ومن خلال كل ما سبق فهل يلام الحبحر إن نفث بعضا من حرارته لعل وعسى أن تذوب تلك الثلجة وتتلحلح و تتحرك .. مراسل : سوق قصيمي دوت كم |
هوارة .. ياخالتي الحبيبه والغاليه .. مافيه أساس قلت عليه إن القصمان فيهم حرارة لأن هذا الأساس : موجود قبل ننولد انا وأنتي ؟! وأي سناعه تحتسين قل وندر نجد حرارة بسناعه ؟ و صدقتِ مهب بالقصمان بس الحراره تتواجد بهم أكثر ، أشكرتس ، أخت الفهد . . . هلا بتس وراتس مشتبه ياحبيلتس روقينا روقينا خبري بتس بارده بس تجيتس أوقات وتطعطعين والمشكله على غير سنع الله يهديتس بس تبين اذكرتس ؟ المهم ، لا ياحبيبيتي وش بالتعود شوي شوي ؟؟ تستهبلين أنتي ؟ ليش حنا اللي دايم مطلوب منا نتعود ونصبر ؟؟ أنا مع أختي أخفي غلاتك ، كفت ووفت بردها عليتس .. حياتس الله ،، أخت فهودي . . . سمر العبدالله ، ، حياتس الله .. آممم ممكن طبيعيه ومكتسبه .. والطبيعيه نشوفها بشكل كبير طيب ليش أوسع صدري انا .. وأبلش به ليش هو مايحاول يغير من نفسه ؟ لأن بطريقته هذي يكره الناس فيه وينفرهم منه ! نسأل الله السلآمة والعافيه .. |
| الساعة الآن 03:22 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة