|
رايكم يهمن الله لايهينكم .
السلام عليكم ورحمة الله وبركاته اسعد الله صباحكم بكل خير ودي اخذ ارأكم قبل ما ابدأ بطريقي خوفا الايكون صحيح او اقترف خطاء فيه كفلت قريب للي في بنك التسليف من غير مايقول اكفلني كفلته لوجه الله لعلمي بحاجته للقرض ورفض كثير من اقاربه الموظفين . الرجل استلم الدراهم من البنك حتى تفجأت بخطاب من مرجعي يطلب مني مراجعة بنك التسليف فعلمت ان صاحبي لم يسدد اي قصد فسددت عنه 8000 ريال في الحال وبعد 3شهور خصمووووا من راتبي 1000ريال لسداد قرضه وكان الامر عادي لاني لم احتج لها والرجل فقير . واخيرا نزل اسمه في البنك العقاري و نزلها على بيته واستلم 300000 ثلاث مئة الف ريال بعدين طلبت من الرجل ان يعطين دراهمي ا للي سددة عنه ويسدد باقي الاشهر القادمة فقال ابشر وابشر وخمس اشهووووووور وهو ابشر حتى ارسلت له بعض الاقارب . لاسترجاع ماسددت عنه . سوالي فكرت اشكيه لكن الشكوى بيكون فيه قطيعة رحم او اتركه حتى يفرج الله . دمتم بخير وسلامة |
إذا كنت محتاج لها جداً، فأرى آن تقول له ذلك وإن لم تشعر آن لديه نيه لذلك فالشكوى هي الطريق الوحيد
|
8000 ياشيخ ماتسوى خلها صدقه عنك وعنك عيالك .......
ماتدري بكرا ربي يرزقك اضعافها |
اقتباس:
انا منب بحاجتها وبغنات الحمد الله بس الان هو صار غني يعني ملك 300000ريال سعدت برايك هنري |
اقتباس:
هي الان وصلت 16 الف ريال بعد الخصم الشهري من راتبي و مشكلتي مابعدها انا كافله بملغ 47000الف يوم كان فقير والله مافكرت اكلمه لو اسدد كامل المبلغ بس الان اصبح غني سعدت بك ميس تلا >> صح ترى مامن عرف eههههه |
يانا مالي خلق اللي مثل هذا لاصار محتاجك يجيك على وجهه ولابغيت حقك هرب
انا انصحك يابعدي عدم الشكوى لانها ماتسوى شكوى على قريب وربما تتطور لقطيعة بين الاقارب لكن لو انا بمحلك كان لاشفته مااعطيه وجه وأبين له غضبي من تصرفاته .. هذا رايي الخاص طبعا |
هلا هلاوين
كان الله في عونك ورد الله مالك يقولون كثر الدق يفك الحديد :) وكما يبدو لي ان قريبك هذا ما ينفع معه الا هذه السياسه فحاول مطالبته بشكل دوري وفي كل مرة يعرض عليك اي مبلغ خذه فمثلا لو عرض عليك (5000) ريال خذها وارجع له بعد يومين !! فلن تطول حقا ولا باطل مع امثاله !! وان حصل تشوف احد يقسط وتقسط انت و تخلي قريبك يكفلك فهذا ازين وافضل حل:) ولا اشور عليك بالشكوى فقد تطول المدة ويكون قد صرف المبلغ الذي معه ! تحيتي لك |
لاتسكت وطلعهن من بين عيونه باي طريقه
سكوتك اكبر غلط لان هالانسان حرام يترك على هالطبع الي زي وجهه |
أطلبه سلفه .. وأظهر له حاجتك للمال بأسرع وقت ..،؛ وأوعدهـ ترد له حقه الأسبوع القادم ..، ثم اسحب عليه .... :) ! وإذا أنت كريم اتركه واحتسبها صدقه عن رضا ..، وبتحصل أجرين الصدقة والصله ..! |
(مطل الغني ظلم، فإذا أتبع أحدكم على مليء فليتبع)
نص الحديث السابق واضح فلا تتردد في المطالبة بحقك بمختلف الوسائل كما خيل لي أن الرقم ثمان مئة وحين معاودة التركيز إذ هي ثمان آلاف والمبلغ مو هين مع الألف الثاني فكان الله في عونك لأن خصمك ذو رحم و بجيح بزود |
كان الله في عونك والله فيه ناس ماينفع معهم المعروف ردية انفسهم ...حاول بكل ماتستطيع لتسترد حقك ...ودام فيه اوراق موثقة بينكم ماراح يلف ويدور ان شاء الله
موفق |
هذي مشكلة الكفالة تلقاه يلاحقك قبل ماتكفله وإذا كفلته لاحقته ملاحق هلاوين إذا تشوف الرجال مليء ولاهو محتاج هالوقت إنشب له نشب ، أغديه يستحي لما يعطيك حلالك ، وإن حصل زود عليهن رضاوة حقت وجع الراس |
أولا: الله يعينك
- وثانيا: التديين مشكلة وخصوصا مع الأقارب - وثالثا: أنت اذا بغيت تدين أحد فحط في بالك انه ماراح يرجعهن حتى لو يحلف لك سواء صار غني والا لما الحين فقير - ورابعا: لا تدين أحد حتى تسأل عن أمانته وثقته واخلاصه لرد الأمانة - خامسا: لازم يكون بينكم ورقت اثبات وهذا مطلب شرعي - سادسا: إذا كنت غني ولا يهمك المال فلا تكرر وتقول أنا دينت وأنا وأنا لأن ذلك يعتبر منه حتى لو جعلتها صدقة له - وسابعا: الحق حق ولا تجزع من قريب وغيرة إن لم تكن راضيا عنه فلا تقف ساكتا ويجب عليك أن تطالبه بذلك - وثامنا: من باب المحبة وصلة الرحم أنك لاترضى له أكل مال الحرام وإلا اكتب ورقة بالتنازل.. حتى تكون حلالا عليه - وعاشرا: اذا قال لك أحد سأرجع لك ما تدينته منك حتى لو هللة فلا تتركه حتى يرجعها لك لأنك اذا لم تطالبه بذلك فقد أكسبته خصلة من خصال المنافقين وأنت لاتحب لأخيك أن تكون فيه من خصال المنافقين - والحادي عشر: لا تتنازل عن حقك مهما كان من كان معه حقك حتى لو كان أخيك لأنه بتنازلك هذا سيجعله نصابا وجشعا وسارقا لأموال الناس لأنه بتنازلك يرى أنه قد كسب ويتخذ هذا الطريق مكسب له - الثاني عشر: في هذه الدنيا لاتأمن أحدا لأنهم يحبون أخذ وجمع المال أكثر مما يدفعون أو ينفقون الا من رحم ربي - والثالثة عشر: لايغرك أنه أصبح تاجرا لأن بعض الأشخاص كلما زاد ماله زاد حبه له - والرابعة عشر: قبل أن تجزم بالشكوى اذهب إليه وتفاهم معه لوقت معين وفي ورقة بينكما وإن لم يستجب فاذهب الى المحكمة وقدم هذه الورقة مع الشكرى وإن قال لك شيء الصلة وما الصلة صك الورقة في وجهه وقل اقرأ هذه الورقة وان كان ليس لديك ورقت اثبات فالوكالة هي أقوى اثبات على أنك تكفلت في دفع المال عن هذا الشخص - تقبل قرقي وشكرا |
حن عليه كل ما شفته ، وقل يابوفلان يوم هم مسكتين وانا مسكت ، لكن الان هم يخذون من راتبي الاقساط ، ترضى لنفسك انت تاخذ الدراهم وانا اسدد عنك .
|
مرحبا هلاوين ......
شف واناا اخوك مادآآم صار بجيح ولاقدرك رح الى ابووه اذا هو موجود وقل له السالفه والشايب بيحل الآمر بينكم وبيرجع لك حقك واذا بتكرر غلطتك وتسكت وتشاور فلان وفلنتان والله ان تسدد كامل القرض مادرى عنك .. اليوم ماينفع صلة قرابه وماادرااك لايهمك اللي يقول خلها صدقه لو هو يقدر صلة الرحم رد حقك وتشكرك بدون ماتروح له لكن هو مبيت النيه وبيجيك بكراا بيقول انا بلش بالعمار ومن هالهرج ومااملك شي .. لذاا لاتترك حقك ولو وصل بك الأمر الى الشكوى .. مو مشكله لو جاا لك وفهمك واعتذر والا قال بقسطها لك والا اي آمر آخر يمكن تهضمه لكن يسحب عينك عينك والله لو آخذهن واتبرع بهن لجمعية خيرية ولا اخليهن لوووه .. وانا ااخوك هذا الزماان زمن المصلحة والمااديات وكلن يدور مصلحته .. |
| الساعة الآن 01:36 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة