|
زارنــــــــــــــي خيالــــــــــــك ,,
[c]مساء الود والورد
&& زارنـــــــــــي خيالـــــــــك && --------------- زارني خيالك البارح وقمت اسولف معاه تراه كل ليله يزورني بس البارح له حس ثاني شفت في نبره صوتك معزوفة لها صدى خاص لمحت في نور عيونك بريق من نوع نادر حسيت بقبضة يديك حراره ماهي طبيعية بيني وبينك خفت وفرحت او تبي الصدق انصدمت ..! خفت تكون زيارتك هذه هي الاخيرة وخفت من خوفي اللي خوفني افقدك تعوذت من ابليس وانقلبت على جنبي الثاني طبعا ما انقبلت لوحدي أخذت خيالك معي حضنته قوة وهمست له بشويش تكفى وشفيك .؟ قال تبين السراحـــه .؟ قلت ايوة أكيد .! قال عذبتي صاحب الخيال بالتفكير والصبر ذبحتيه بالبعد والسهر وريته نجوم الظهر بنصف النهار خليته عظم حاف بلا لحم تركتيه يمشي ويكلم حاله سلبتيه عقله وفكره وكل قواه توني بقول معقوله أنـــــــــــا ..؟ صرخ بقووة بوجهي وقال خليني أكمل تكفين وشلون ما حسيتي بفراقك وش سوى فيه ما تدرين كثر انتظاره لمواعيدك كيف أثر فيه ما ذقتي بدموعه مراره وهم ماشفتي بجروحه قرحه ودم ماخفتي من سؤال يوم عظيم قمت على حيلي وحطيت خياله قدامي وقلت اسمع .!! ترى مو صاحب خيالك هو بس اللي يتعذب شفني قدامك كيف ذبحني الغرام علمني وش بيدي ماسويته .؟ مو كفايه اني عايشه امثل مسرحيه وانا فيها كل الاعضاء انا البطل وانا المتهم وانا المخرج وانا الكمبارس صدقني البلا لا مني ولا منه ظروفنا هي اللي مربطتنا بحبال ومثل الاراجوزات تحركنا مره ترفع خيوطنا فوق ومره تنزلنا ومره تربط حبالنا بقوووة ومره تفكفكنا صدقني من كثر ماهي تلعب فينا صرنا دمى محشيه قش من غير شعور ادنى رميه ولو بسيطه من يد طفل تمزقنا ولكم خالص تحياتي عروس الهلاليــــــــه =========== :for12: :for12: :for12: [/c] |
ولكٍ ايضا خالص التحية!!
محاولة جريئة تعبر عن مايجول في النفس!! اتمنى التكرار وأشكرك على مجهودك بجميع المنتديات! وتحياتي الخالصة ابو تركي |
هلا بهالطله والله
ابو تركي ... هلا والله فيك غالي
اسعدني وابهجني ردك تسلم ويسلم لي حضورك واتمنى ان لا تكون هذه زيارتك الاخيره على حروفي المتواضعه تقبل مني اروع واجمل تحيه مغلفه بورد الجوري تحياتي عروس الهلاليه ========= |
[c]الرائعـــــة عروس الهلالية ** * بك أمانه ... جميل منك هذا الوصف عندما يمتزج الصدق .. بروعة الكلمة .. تشعر بجمال المكتوب كلماتك .. بباسطتها ... المتناسقة مع الواقع .. عبرت عنك بصدقك جميل أن يجد المرء مجال رحبا لكي يبث من خلاله مايختلج بخاطره .. عروس الهلالية .... دمت عروسة .. بجمال نظمك .. وروعة تعبيرك بحق .. لقد استمتعت بهذه الخاطرة .. مزيدا من التوفيق والابداع ... تحياتي ... الظـــامي ... :) :) [/c] |
هلا بهالطله والله
الظامي ...... هلا والله فيك مليون مره
الحقيقه احرجتني بعذوبه ردك ورقه اسلوبك وجمال حروفك اتمنى ان اكون عند حسن الظن دوما واشكرك مره اخرى على تعليقك الاكثر من رائع اتمنى ان اكون قد هذا المديح يا غالي تقبل مني ارق واعذب تحيه عروس الهلاليه ============== |
وين الله يطول عمرك
عروس ليش وكيف ومن وين جبتيها ابصراحة مدري من اي نوع من الخواطر
النقاش لا يفسد للود قضية :for8: |
مرااااااااااااحب
هلا ومرحبا اخوي الدمع
بسراحه يا عيوني هي مجرد احاسيس نطقت على صفحات بيضاء تقدر تسميها خاطره من نوع جياش او كلمات من القلب الى القلب مشكور يا عيوني على مرورك الرائع ارجو قبول فائق شكري واحترامي تحياتي عروس الهلاليه ========= |
اشكرك على رحابة صدرك
زارني خيالك
عنوان يشد الانتباه ربما يكون نوع من الابداع الاعلامي لكي تتحصلي على اكبر عدد من القراء فا تحياتي لك واتمنى مزيد من التوفيق اخيتي عروس الهلاليه :for12: |
| الساعة الآن 07:46 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة