|
بنت أختي تطلب منكم الدخول .
صراحة بطت تسبدي وفقعت مرارتي (بنت أختي) على تفكيرها السطحي وتدمير نفسها بسبب أوهام موجوده في الخيال .
سلمكم الله انا استأذنت من بنت أختي علما انها (طالبة طب اسنان) وقلت حنزل الموضوع كنوع من الإستفتاء والأعضاء والعضوات هم اللي يحكمون على تفكيرك ومستوى السذاجه والدلاخة الموجوده لديك ووافقت على ذلك . تقدم لها شاب حليو ووسيم ومكافح ومرتبه (6000) ريال والأهم إنه رجل بمعنى الكلمه وموظف حكومي وعلى المرتبه السادسه ومحافظ على صلواته ومعتدل ومن عائلة محترمه إلى ست الحسن والدلال (بنت اختي) وتفاجأنا إنها ترفضه ولما سألتها : ليش ترفضين مثل هالشاب ؟؟ اجابت بكل غباء .. ابصبر وليش السرعه .يمكن يتقدم لي واحد مهندس أو طبيب :c3:. وش رايكم بتفكيرها ؟؟ |
تفيكيرها غلط ولا تفوته أشويرى عليها
|
صح خلها تصبر ووش محرق رزك انت ..!
|
يحق لها ترفض مو بتصير دكتوره بعدين
|
اقتباس:
الحين ابوها واخوانها وامها مسكتين وراضين بقرارها وانت ووجهك جاااي وتتلقف وتبي تجبرها الا انت وش شهادتك عشان تتكلم مع صاحبات الدراسلا العليا قال راتبه ست الاف هذا ما اشتريبه ولا خبز وبيض لا بنت اختك معها حق ولازم تصبر وانت خلها تاخذ رايها بنفسها وانت دبر نفسك قبل و شكلك ولاحتى متاهل |
[align=center][tabletext="width:70%;"][cell="filter:;"][align=right]* مرحباً ...
حرام عليك تصفها بــ الدلخه .. ! كل أنسان حر بتفكيرهـ عموماً ... شخصياً ارى ان المتقدم لخطبتها ( ok ) ليش ok .. ؟ لان تخصصها ( طب ) ونحن في مجتمعنا مازلت النظره الى هذه المهنه مختلفه والرجل السعودي عندما يقدم على الزواج فــ هو يطمح الى الأستقرار وتخصص ( الطب ) ليس فيه أستقرار كامل مثل باقي المهن وعليه لن يصطف ( الخطاطيب ) على باب ابنة أختك بسبب تخصصها وكلما تقدمت كلما قلت فرصتها انا أعرف ( 2 ) طبيبة أمراض نساء وولاده وطبيبة أسنان واحده وصلت الى سن ( 35 ) والأخرى ( 33 ) ولم يتقدم أحد لخطبتهن بعد ان رفضنا المتقدمين اثناء دراستهن والأن وحدة منهن تزوجت برجل متزوج ... ! والأخرى مازلت واقفه في محطة خريف العمر ( الله يوفقها ويرزقها ) * وفيه نقطه ثانيه ( مهمه ) الرجال من ذوي التخصصات الشاقه او ذات العمل المكثف والطويل مثل الطبيب غالباً ماتجدهم يفتشون عن زوجه متعلمه لكن غير عامله او لديها عمل محدد وساعات دوام لا تؤثر على الحياة الزوجيه فــ من المستحيل أن تجد طبيباً يرغب بزواج من طبيبه .. ! وأنظر الى واقع الأطباء السعوديين بشكل عام وفي بريده بشكل خاص وسوف تلاحظ بأن زوجاتهم ربات بيوت أو مدرسات [/align][/cell][/tabletext][/align] [align=center][tabletext="width:70%;"][cell="filter:;"][align=left]يابنت أخت السمنسي / فكري جيداً قبل ان ترفضي وفي النهاية الرأي لكـ انت وحدكـ والله يوفقك في جميع أمورك[/align][/cell][/tabletext][/align] |
مايندرى وين الخيره ..
يمكن احسن له .. واحسن لها بالتوفيق |
.
. يو :( شلون تتزوج وهي تدرس .؟ دمار وربي.. > تتخيل الوضع .. . . |
ماقصرت حبوبتي محاره كفت ووفت وياريت بعض الأعضاء يتعلمون الذوق إذا بغوا يردون .
عموما أعتقد انو بنت أختك يافتى أخطأت بإتخاذ القرار والسبب انو الرجال مايقاسون بشهاداتهم بل بأخلاقهم ودينهم وخوفهم من الله . عموما الخيرة فيما إختاره الله . |
شف وانا اخوك اعرف بنت تقدم لها مدرس وعيت وقالت ابصبر بمكن يجي احسن منه وفعلا جاها طبيب جراح ووحده ثانيه تقدم لها موظف مساح بالبلديه عيت وقالت ابصبر يمكن يجي احسن منه وفعلا جاها ولد مستشار وموظف بالمرتبة العاشرة ويعمل نائب مدير لدائرة اقليمية ووحده جاها سواق شيول وقالت وع وع ابصبر وجاها دكتور جامعه تخصص علوم فلك
وبنت اختك ماهيب اردى من اللي قلت مادام انك خالها فقل لها تصبر وتصبر وبيجيها طيار مدني كل يوم وهو بدولة . بس اهم شيء تاقف عند عتبة الباب تحرااااااااااااه |
والله شف يالذيب مادامك انك تقول الرجال راعي صلاة ووظيفته ماشاء الله زينه ومن عائله محترمه وراضي بطبيعة عمل بنت اختك
خلاص هذا الرجل اللي يشراء ويدور وماتوقع ان الزواج يبي يعطل دراسته لاكن الاول الاخير الراي لبنت اختك والله الله بالاستخاره تراه ماجعله الله الا للامور اللي زي تسذا والله يكتب اللي به الخير |
اي خلها ترفضه
وش فيها يعني؟؟ البنت وراها دراسه وصغيرة خلها تدرس الحين ولاحقه ع الزواج اذا ماتقدم لها احسسن منه بيتقدم لها مثله ماهي خسرانه شي تحياتي لك يا دكتورةhttp://www.buraydh.com/forum/images/icons/icon7.gif |
ولمآ آلرفض بحجه مؤهلآته !!
ربمآ يآتي إليهآ من هو مهندس وطبيب ولكنه سي آلخلق ومتكبر وتقول وينك يآآبو ست آلآلآف صح كلآمي ولآلآ ؟ |
كم عمرها ....؟ وكم باقي وتتخرج ..؟ |
اقتباس:
تخيلي لو تخطبين لي اللي عمرها 33 صدقيني ماراح تندم وراح تعرف ان قراراتها السابقه كانت صحيحه.. |
| الساعة الآن 01:47 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة