|
من صاحب الفضل الزوج او ابو الزوجة.
السلام عليكم ورحمة الله وبركاته اسعد المولى مساء الجميع الكل يستحق الشكر اذا هو قام بالمسووليه بس من الاحق الزوج او ابو الزوجة الاب يقول انا زوجتك بنتي لثقتي فيك . والزوج يقول تزوجتها حتى استرها لك . من صاحب الفضل بعد الله على الاخر مع ذكر السبب >> سوال اختبار ههه. للي فهم زين الله يزوجه تسانه ماتزوج . وللي مافهم ممممممم تدري الله يزوجه بعد مانبي ندعي على احد. >>مستجاب الدعوة تحياتي لكم . |
الفضل لله أولا واخرا وكل له فضل الأب والزوج والزوجة بعد اقتباس:
أو تدري ... أنا شكلي حساسة وأحس انها تجرح عموما .. بالتوفيق ياأستاذ |
المشاركة الأصلية كتبت بواسطة ابو ميار http://www.buraydh.com/forum/tl4s-bo...s/viewpost.gif
http://www.buraydh.com/forum/clear.gif السلام عليكم ورحمة الله وبركاته وعليكم السلام ورحمة الله وبركاته اقتباس:
يانا بعد دوني ولا دون هالكلمه ((حتى استرها)) ليش وش مسويه البنت عشان يستر عليه كلمه بصراحه متى شفته تنرفزت حنا يالحرم ارقى واسمى من اننا نشبه بالعيب حتى يستر علينا بعدين اتوقع لو زوج يقول لابو زوجته هالكلام فهو انسان مايستحق البنت لانه قليل ادب ومايستحي على وجهه وعلى كلام الاب بانه زوج البنت له لثقته فيه فلاغبار عليه لان اي اب ماضنتي بيزوج بنته الا للي يشوف بنظره انه يستحق درته الي ماتوصف بثمن تحياتي |
اقتباس:
ربما يتفق معك غيرك فيها لكن من وجهة نظري القاصرة ان الستر لايعني ان المستور معاب او منتقص ربما يكون الستر لشي جميل حتى يكمل جمال بهذا الستر . فالرجل يستتر بزوجتة والزوجة تستر بزوجها تحياتي لك زمن الغرباء |
اقتباس:
موضوع طرح للنقاش فلايستحق ان تغضبي عليه ومن حقك على ان اطلب حذف الموضوع اذا هو لايرضيكم . والله اي موضوع انزله ويكدر على عضو اني اتمنى احذفه . ارجع لردك اسعدك مولاك من قال ان الستر لايكون الا لقبيح او مذموم والادل على ذلك ستر المرأة لوجهها عن الرجال هل هذا الستر يعني انها قبيحه اوغير مرغوب فيها بل سترها اكراما لها وحفاظا عليها . فالزوج لم يقبل بها الاهو راضي عنها كما رضي الاب بالزوج تحياتي لك بريداويه العفو |
اقتباس:
ولاحظ انو مو بس انا اللي ماأعجبتني الكلمة وان كنت لم تقصد المضايقة وعشان أوضح الصورة ... حنا يالبنات دايما نسمعها من المجتمع بطريقة مو مقبولة كأن البنت ماعندها كرامة ولا ستر ولا قيمة الا بالزواج زي ماقالت الاخت بريداوية وبنفس الوقت المجتمع دايما يحسس البنت ان انتي المستفيدة من الزواج وحتى بعض الازواج اذا بدا يخاطب زوجته كأنه ( مانن )عليها بالزواج وماكأنه هو مستفيد كمان!! عشان كذا اذاقيلت الكلمة هذي تقع موقع حساس بنفوس _ بعض _ البنات .. موفق ومسدد .. |
المشاركة الأصلية كتبت بواسطة ابو ميار http://www.buraydh.com/forum/tl4s-bo...s/viewpost.gif
http://www.buraydh.com/forum/clear.gif اولا بريداوية اسم الله عليك الرحمن الرحيم موضوع طرح للنقاش فلايستحق ان تغضبي عليه ومن حقك على ان اطلب حذف الموضوع اذا هو لايرضيكم . والله اي موضوع انزله ويكدر على عضو اني اتمنى احذفه . ارجع لردك اسعدك مولاك من قال ان الستر لايكون الا لقبيح او مذموم والادل على ذلك ستر المرأة لوجهها عن الرجال هل هذا الستر يعني انها قبيحه اوغير مرغوب فيها بل سترها اكراما لها وحفاظا عليها . فالزوج لم يقبل بها الاهو راضي عنها كما رضي الاب بالزوج تحياتي لك بريداويه العفو ردي وغضبي نابع من المجتمع وليس من موضوعك كثير اسمعه بصيغه التحقير مثله مثل (ظل راقل ولا ظل حيطه) احيان ظل الحيطه ارحم من رجل بلا ظل وهو عاله عليك ومحسوب عليك ان عندك رجل يعولك وزي ماقالت اخت زمن ربما انت قصدك خير لكن غيرك هي مجرد رسم آخر من رسوم (وئد البنات) بشكل آخر فتلقاهم يحطون من قدر الحريم الي هن امهمتهم واخواتهم وبناتهم وزوجاتهم صحيح مالي احتكاك بهالفئه الجاهله (ولله الحمد) لكن غيرتي على بنات جنسي لابد ان تثور ومن هالمنطلق كان ردي وعلى حذف الموضوع رضى الناس غايه لاتدرك ولو اخذنا برضى الكل كان محد كتب وسكرت المنتديات بالضبه والمفتاح تحياتي |
اقتباس:
لا والله ما قصدي ان البنت مالها كرامه الا بزواجها بالعكس البنت مكرمه معززة عند اهلها قبل زوجها . والزواج كتبة ونصيب كمن جميلة صاحبة دين وخلق لم يحالفها الحظ . فلا يحكم بالزواج على عز ولا مهانه للبنت . صحيح الزواج حق مشاع بالفرح والكدر بين الزوجين فلا فضل الجنس على الجنس الاخر. تحياتي لك زمن الغرباء لكن بالزواج تحصل |
الفضل لله
اقتباس:
\ الفضل لله ثم الفضل لوالد البنت الي ستر الرجل وبعده عن بنات الحرام والفتنه |
الفضل لها وحدها بعد الله سبحانه
ابو ميار ماتلاحظ بموضوعك هذا معلّي شأن الرجل كثيييييييييييييييير ,, |
ابو ميار انت ايش رايك طيب ...!!
والله لو انا الوالد كان اقرب شي لي اصبخه به ..اقال يسترها قال ..؟؟ يعني حتى الاحترام والكلام الذرب مافي ..ياربي الى متى كذا ...هذا اللي يبي مدرسه من اول وجديد يالله يالله عشان يتربى التعبان ,,, يااخي هذا اللي مايستحي اذا ماهو عارف قدر بنت الناااس لايوطوط على البيبان ويخلي البنات للي يستاهلهن من الرجال لان الاهل ماراح يفرطون ببناتهم لواحد زي هذا بحجة انه يستر عليهن .. والوالد هذا اكيد بنته اغلى ماعنده وكلامه ماعليه خلاف ..... بس فيه بشر حتى لسانهم متبري منهم ...والله هالبنت والابو اللي لهم فضل على هالاشهب اللي كلام مايعرف يتكلم .. |
والزوج يقول تزوجتها حتى استرها لك .
هههههههههههههه حلوه حتى استرها لك شف ياخوي ترا البنت مستوره ومتربيه ببيت اهله يعني موب بحاجت من يستره هذي وحده الشي الثاني لو هالكلمه تصلح تنقال كان قالته البنت اولى من الولد قبلت بك لكي استرك عن البلاوي ومشكوريين يالرجال اللي ماتتزوجون الاعشان ستر البنت واخذ اجره هع تقل هو موب بحاجته هو تقبل مروري ابوميار بس ترا موضوعك استفزازي |
قال الله تعالى(هن لباسٌ لكم وأنتم لباسٌ لهن )
ربما شاع بين الناس الشق الأول من الآية , لأنّ المرأة بحاجة إلى هذا المعنى (الستـر) أكثر من الرجل ، والصحيح أن الرجل يستر المرأة ، والمرأة تستر الرجل . فالمرأة لها حاجات روحية وجسدية تقضيها بالحلال مع زوجها فبذلك يكون الرجل قد سترها . والرجل كذلك له حاجات روحية وجسدية يقضيها بالحلال مع زوجه فبذلك تكون المرأة قد سترته المرأة ضعيفة وفي حاجة إلى ولي ينفق عليها ويقوم على شأنها ، والوالدان والإخوة لن يدوموا لها طويلاً ، فالزواج للمرأة يمثل لها كياناً مستقلاً مستقراً . |
لا فضل لاحد على احد هي سنة الله بالخلق وكلها توفيق من العزيز الكريم
|
الفضل لله بس
|
| الساعة الآن 05:00 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة