|
بـــلدية الصـــفراء > شقق عزااااب
وش حيلة العطشااان والكاس مكسووور ؟؟؟
انا مواطن ؟ والله اني مواااطن ؟ كيف يقدر يهين رئيس قسم الرخص 9مواطنين ويذلهم عشان > ختم < صباح اليوم كنت ببلدية الصفراء وكان عندي رخصة محل ابي الغيها , ولازم اخلص بدري عشان بمر الاحوال ,ومكتب العمل, والجوازات اشغال الى راسي ,,,,,,,, وجيت بدري وعطيتهم الاوراق قالوا جب رخصة الاصل , , رحت وتمرمطت داخل الخبيب وجبت الاصل ورجعت لبلدية الصفراء وتفاجأت بوجود اكثر من 9 مواطنين واقفين عند رئيس قسم الرخص ؟؟!!! مريت من عندهم لاني مستعجل ومرور واحد واثق انه بيلقى صاحب الختم والتوقيع الموقر , , وتفاجأت المكتب مابه احد ؟؟!! لاحظت : 1- تذمر العديد من المواطنين . 2- تعطلت اشغالي الى الساعه 11.. 3-الموظفين بكل سهولة تسأله وين صاحب الختم او التوقيع نبي نمشي ؟؟؟ يضحك بوجهك والله يبي يجي شوي بس ساعتين ؟؟؟ شوي بس؟ اذا هو فاضي الناس عندهم اشغال ؟ انا عاطل لكن غيري موظف بقطاع حكومي ومستأذن من مديره بالعمل وسمح له يوم واحد يخلص جميع اشغاااله وش ذنبه ؟؟؟؟ اذا تسبب عليه الرئيس الموقر عشان الختم اللي راح يعطونك بسبب الختم>ركبه < الدوائر الثانيه بدون الختم او التوقيع ولا تدخل اوراقك الكمبيوتر بصراحة كنت بجيب لكم صووور من المنظر المؤسف لكن طلب مني احد الاشخاص الذين اعرفهم ببلدية الصفراء ان اتغاضى عنه .. شقق عزااااااااااب اقصد يعني طلعه ورجعه لاحسيب ولارقيب |
بلا شك اخي أن من أهم الأمانه الملقاه على عاتق الموظفين
هي سرعة و تسهيل معاملات الناس ( كما هو توجيهات ولاة الأمر ) وحقيقة الموظف الذي يواجه الجمهور ويتعلق عمله بمصالح الناس يجب أن يكون اكثر حرص و اهتمام ورعاية لمصالحهم و أن يتجنب كل اسباب تعطيلهم وهذا شي لا منّة فيه وحق من حقوق المراجعين . وفقط نتمنى ( إن صح قولك ) أن ماحدث كان عارض وله اسبابه وعذره ., وليس على إستمرار أو عادة لديهم في البلديه ., وإن كان مستمر ومعتاد مثل ذلك التعطيل للناس فنتمنى تدخل المسئول الأكبر ومحاسبة المقصر ونتمنى اختيار الأكفئ من الموظفين ليكون في مواجهة الجمهور والقيام بمصالحهم ونطالب معك اخي بإقاع اقصى العقوبة على المتهاون و المتساهل و المتلاعب مهما كان .., تحياتي .,’ |
العرب مشكلتهم هي انعدام الامانة وبالمملكة خاصة نشاهد هذا الامر بشكل واضح انا موظف واشاهد بام عيني الموظفين لا يتقيدون باعمالهم دائم تجدهم خارجين والى اين؟ ليخلصوا اشغالهم وما هي الاشغال تجده رايح للسوق يتقضى للمنزل طيب عندك العصر او المغرب او العشاء لحد الساعة 12 ما وقفت تشتري الا الحين حتى نحن الموظفين تتاخر بعض معاملاتنا المتعلقة بقسم شؤون الموظفين مثل الاجازة او اي شيء خاص بنا بسبب الموظف وليتهم يذهبون لشيء مهم لا تجده بالمقهى يشيش الله يعين |
اشكركم ع الرد . .
اخوي خالد التويجري . . , , ترى مو مرة ولا مرتين يصير الشئ ذا سواء بالبلدية او غيرها من الدوائر الحكوميه |
أشكرك على موضوعك وحياك الله في هذا القسم و الذي يعتبر همزة وصل بين المواطنين والمسؤل ومهما كان عذر الموظف سواءً خروجه بقصد عمل اوغيره فيجب عليه هو وغيره أن يضع من ينوب عنه فاالمواطن ليس له ذنب أن ينتظر اكثر من الأزم وهذه الملاحظات يجب على المسؤلين الأنتباه لها |
يسلمك ربي ومشكوووووووووووووووور
|
طيب دامه طالع مافيه احد ينوب عنه والله مشكله المفروض فيه احد يناوب عنه
|
الله يعينك يا خوي بلدية الصفراء لها شان ولا يقال وين رحتوا ولا وين جيتو مساحينهم ومراقبينهم ينصرفون الظهر والغلابه ببلدية الديره من نفس الفئه ينطقون الى فوق الساعه ثنتين لان مدير المتابعه اسد علي وفي الحروب نعامه .
|
المفترض انه لايخرج ومكتبه خاليا لابد يجلس احد يمشي الشغل
|
السلام عليكم
بصراحه انا تعاملت مع بلدية الديره وبلدية الصفراء فرق بين السماء والأرض في كل شيء من تعامل أو سرعة انجاز الصفرا ما حولك أحد |
اقتباس:
مثل شريطي السيارات وصاحب المكتب العقاري يبيعون ويشرون العصر والصباح نقل ملكيه وافراغ عند المرور وكتابة العدل والقائمه تطول اهم شي عندهم التوقيع الصبح |
مشكور يالغالي...... تحياتي
|
مشكور يالغالي...... تحياتي...
|
انا اسمع دائما ان رئيس البلدية خالد الجربوع حازم ويضرب بيد من حديد على كل موظف متكاسل ، ولكن هذا المقال اثبت العكس .
|
دائما ندعي الله أن يمن على هذا القطاع أناس تقدر العمل فيه لأن المصلحة عامة لمدينة بريدة
شكرا لك |
| الساعة الآن 03:49 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة