|
هل يصلح العطار ماأفسده الدهرر .. !!
السلام عليكم ورحمة الله ........
صراحة مادعاني لكتابة هذا الموضوع ........ أنني كنت عند صالون الحلاقة بأنتظار دوري عند الحلاق ولفت نظري ذلك الرجل وقد غطت ملامح الشيب وكست راسه وعملت عوامل التعرية فعايلها في وجهه الهرم ..... وبينما كنت آطالع الصحيفة تطرق الى مسمعي صوت ذلك الشايب الذي يريد التجديد وطريقة شرحه للمغربي الحلاق كيف يريد أن تكون طريقة تسريحة شعره ولون الصبغة وطريقة تحديد الشنب والسكسوكه وهي لها لون محدد والشعر بلون آخر وطبعا الحلاق يلح عليه لزيادة السعر بالبخار واللصقات على الخشم وصنفرة الوجه وتدليك الوجه بجانب كم نوع من الكريمات وغيرها ...... المهم كان هناك واحد من الزبائن بااين أنه عياار ويحب المزااح قال له يابوفلان عسااه دااريه المره لاتحسبك بتعرس عليه بس قال يارجال خله تدري بايدينه ورجلينه خل نعيش حياتنا ماباقي بالعمر كثر اللي مضى .... آنتهى .... وايضا طرت ببالي ايضا ماتفعله بعض كبيرات السن من النساء والذهاب الى المشاغل وتغطية عوامل السن بأيدي الفلبينات المتواجدات بالمشاغل ... وصبغ الشعر آشقر تكواازي على قولتهن وتشقير وتحديد وبوياات وتجديد وكأنها عروس بهذه الليله .. رأيكم ..... هل يصلح العطار ماأفســــــــــــــــــــــــــده الدهر ؟؟؟؟؟؟؟؟ مع هؤلاء .... أم يعتبر ذلك طبيعي في هذا الزمن الآغبر ...!!!!!!! أو يذهبون الى مطارحهم ويتذكرون البيت الذي يقول ألا ليت الشباب يعود يوما فأخبره بمافعل المشيب ..... تحيتي .... |
انت بس لو تكمل موضوعك الأول .... ! و لا تصير مثل واحد من العيال معيي يعلمنا " بسوق الخضار " .... ........ بالنسبة لموضوعك .... يجب ان يهتم بشكله و اناقته اللي تناسب عمره .... والتجديد يؤثر بجمال الروح و إقبالها على الحياة .... حتى غسيل السيارة تؤثر على الحالة النفسية .... سي يو .... |
.
. حنّا مو مدهورنا إلا أمثالنا المعتّه .. :) والله العطار يصلح , والمراكز الصحية تصلح , وأخصائيات التجميل يصلحن .. أنا لو أحط لون الروج نفسه كل يوم مت من االملل .. شلون شايب يشوف شكله هو هو ماتغير .. ؟ لا والله خله يجدد شبابه و يصير فريش على حسب سنّه .. ونفس الحكي بالنسبة للمرأة .. :) . . |
اقتباس:
اذا اهتم بشكله ونظافته واناقته حتى لو كان عمره فوق50 احسن من اللي عمره 20 وموب مهتم بشكله .. اممم قريب لي ماشاء الله ماتفرق بينه وبين عياله الشباب اكشخ منهم ,, |
اقتباس:
الموضوع الآول وااضح المعالم بس وين اللي يفهمه مضبوط ...هع ماعليك حق سوق الخضار مستحيل تمسك له طرف ..... والآيام كفيلة بظهور الجزء الثالث .... |
وهل كبار السن منتهيي الصلاحيه؟!!
نستكثر عليهم سكسوكه وصبغة شعر!!! |
ههههههه موب مسألة انهم يرجعون الـ شبابهم
هم فقط يريدون التغيير , ! ههه مثل امي الله يحفظه ماتقول انه بهالعمر ههههههه > مكآفحة شيخوخه درجه أولى , لكَ ودي |
اقتباس:
هو محق باللي يسويه .... طيب ليه آآجل ليه مايخلونهم حريمهم على كيفهم ويخلونهم يتعطرون ويكفووون السؤال وش عندك ؟؟ |
بالعكس يازين اللي يهتم ويكشخ ان شاءالله لو عمره 90
البلا لا جاك صغير وأنوااع الحوسه والهراديس |
أيامنا هذي صار العطار يواكب الموضة ويضبط كل حوسة الدهر المهم تضبيط الشكل ، وهندسة الهندام والكشخة ، شي حلو ومطلوب مادامت تتوافق مع العمر يعجبني لاشفت الواحد كل ماتقدم فيه العمر ، زان شكله واحلو ، مع التزامن مع سنين عمره ومثله الحريم تلقاهن بعمر الأربعين ووحدة منهن كأنها عجوز بالستين ، والثانية كأنها بعمر بناتها |
أنا مع التغيير لكن بأعتدال حتى لو وصل عمره لستين سنه
البلا بالي يزيدون الكيله شويتين لاشفت بعض هالحريم لا بستن جنز وكعب ولون الشعر ثلجي ومن ضيق البلوزه البطن ناطن مترين لقدام لا وعمرها متعدي الخمسين الي مثل هالأشكال ماتحترم سنها ولا عياله الي صار عندهم عيال |
لا اطلاقا ..
لا يصلح العطار ما افسد الدهر ... وهذي دايما اقولها اذا دخلت فندق مسوين له ترميم وبويات جديده وديكور جديد لو تبتل تزين باااااين عمر المبنى انه كبير ..! وهو الشايب والعجوز تبتل الرقبه متعرفطه لو صبغ الشعر وحدد اللحيه اشكرك |
آشكركم جميعا على ردودكم الجميلة ......
ويمكن أنا ااقصد مو بالتزيين والا النظافه يمكن مثل ماآوردت العضوه الوردة الجريحة المقصد هو .... يجيك شايب عمره فوق الخمسين وبيسوي نفسه مثل ابو 25 بطريقة الحلاقه وغيرها مثل اللبس والشعر وغيرها ونفس الوضع تجيك عجييز وتلبس سبور على قولتهم .... يعني آآحسسسها كبيرة بحقهم ..... |
اقتباس:
خابرته تركواز مو تكواز << ضحكه مكبوته اقتباس:
كل شيء يبي وليه .. :) |
تركوااز والا فووشي والا مدري وشوو انتم والوانكم يالحريم هههههههه
تراا بمصر والدول المتقدمه على قولتهم يشببون اللي ما ينتشبب ويبنتون اللي ماتنتبنت ههههههه |
| الساعة الآن 01:45 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة