|
هنّك ....
هنّك = ياويلك = ياحزنك = ياعزيلك = يعني بتشوف شي ماشفته هنّك ... حقيقة لا أعرف مما اشتقت تلك الكلمة ! كل ما أعرفه أنها أداة تهديد ووعيد أختص بها قومنا دون غيرهم .. بالمناسبة : أصل كلمة ( ريال ) اسباني .. ومعناه ( ملكي ) وكان الريال يطلق على البيزو الاسباني وقد استعمل العرب الريال منذ القرن السابع عشر .. وتحياتي لمشجعي ريال مدريد الاسباني ... نعود لـ هنّك والتي ينطقها أهل منطقتنا مثل غيرها من المفردات الغريبه والتي قد تكون اشتقت من كلمة أخرى أو استوردت من لغة خارجية مثل .. طشت ! فلا تتعجب أن خاطبك أحدهم وقال لك : ( أنت الحقن وانا قدام ) .. فلكل اهل منطقة ألفاظ ومعاني وطريقة نطق للكلمات تميزهم عن غيرهم من المناطق الأخرى قد يكون بعضها يدعوا للاستهزاء وقد يكون العكس وبعضها يكون وقعه على النفس كما النسمات وبعضها .. ماتستصيغه ولا بواسطه ..! أنتم من خلال الكلمات والمفردات وطريقة النطق هل تستطيعون تحديد هوية المنطقة للمتحدث ؟؟ أم أن الإمتزاج بين المناطق قد أضاع هويتها ؟؟ |
غالباً ما اميز المتكلم من نمطه + لهجته
لان حتى الاطباع وطريقة اللبس غالباً ماتساعدنا على اطلاق احكامنا دون ان ينطق المتكلم بحرف تحياتي |
اهلاً رحال :)
جميلةٌ هي (بعض) المفردات التي نَذْكُرها في حياتنا بالفعل استسغناها رُغْمًا عنا اممم قبل قليلاً احد افراد العائله يبحث عن غِطاء الطامس ويقول بصوتٍ عالي وييييييين (الطباقه) حقت الطامس ؟؟؟ هه من المستحيل ان انطقها وشي طباقه ؟ نعود في عائلتنا شبابها يستخدم مفردة (لقعه) اي لا بمعنى آخر والكثير الكثير من تلك الكلمات الغريبه + شيء طبيعي ان احدد الشخص من حديثة للكلمات وصياغتها وربما من شكله ايضًا :) ,’ |
اقتباس:
وبعيده عنــا! التسطيح اللفظي هو سيد الموقف في الكثير من مفرداتنا التي نرددها (كموروث)متعاقب لكن هناك (لهجه) بيضاء هي التي تجمع بين كل المجتمعات المناطقيه. |
اقتباس:
حبيت اعدل المعلومه بس ,,, لقعه =سااده =أحسن بس طالعه من قلب خخ |
اقتباس:
|
اقتباس:
وحتى في إختلاف المنازل يختلف المعنى ايضًا :) + زر >> سمعتها واتوقع بأنها ساده :) |
يوووه يارحال اموت عليهن ذولي .. امس مااغبط السلطان وانا بوسط مبيعة البقل بحايل واسمع من هالكلمات اللي مفعولها بداخلي كنه شمة العود الازرق ! وانا اصاوخ على لهجه افتقدها واعشق اهلها حسيت بيد امي تقولي اروجي .. انهجي .. سبقناتس للسياره :) ياطعمهن وياطعم اللي يقولهن وربي مافكرت استبدلهن بكلمات السحا اللي يتميلحن فيهن هاليومين ! . . وانت تحاكيها تقولك اوكيه بدل سم وابشر :( المشكله الوجه مايأهل لأوكيه :/ آه بس على من جاب عشرين عايله شماليه بحينا تسان مااسمع الا ياعزوتي وياطربتي :) ولتهاوشنا تجي هآآآآبو هالصلايب :( . . فاقدتهم :( |
اقتباس:
لاتعتقد اجزم ,,,:( هذا اللي ببالي لكن مستحيه اقتبسه وجابك الله ,,,, |
الله يعينك يا انتظرتك
اممممممممممم ياقدمها (هنك ) من زمان ماسمعتها حنا نقول (ياويلك ) |
اتوقع ان اختلاط الاجناس ماااضاع هويتنا ولكن اثر واادخل فيها الكثير
|
ياخي الاعتزاز باللهجة ايا كانت يدل على الثقة بالنفس
والعزة والكرامة ولايحمي تسبدك الا اذا شفت الاغبياء وهم يقولون شو خيو خيتو بدي بدك الخ مايدرون ان اهل اللهجة الاصلية يستحقرونهم ليششش ؟ لان مافيه احد يحترمك وانت ماحترمت بلدك او لهجتك او غيره اذكر يوما ما كان فيه دختور باكستاني يتمهزاء بممرض سعودي لانه لابس افرنجي ويقول انتم لبسكم ثوب ليش تلبس افرنجي السعودي وجهه احمر واصفر ماعرف يرد ولكن لحسن حظه كان فيه دختور بريطاني موجود فقال للباكستاني وانت ليش لابس افرجني ؟؟ وانتم لبسكم نسافة << نسافة من عندي القصد بما معناه نهايتوه الاعتزاز سواء بالوطن او اللهجة او اللبس دليل على الثقة والعزة والكرامة ومع الاسف شغالين ناس من ظمنهم طروش البحر على نشر الفرقه بين المجتمع |
الكلمات موروثات وتختلف من عائله لاخرى... لكن فيه كلمات مالها داعي ويوجد مرادفات وبدائل ارقى منها .. ( أنت الحقن وانا ابتناك قدام ) .. قل نحتريك اهون.... |
المشكلة بعض الكلمات تستخدمها مناطق عديده بالمملكة..
ولكن المعنى يختلف من منطقه لاخرى... فيصير سوء فهم كبير.. ومما يحيرني ويدهشني اني اشوفكم ياهل نجد تسمون شقحى.. وش يعني هالاسم..؟! لان في منطقتي له معنى لايسر ولايبهج احد..خخخ |
ههههههههههه ي حبيلنا وي حبيل لهجتنا
صح انه بدت تختفي هالأيام ماتسمعه إلا على اللسان جداتنا وامهاتنا ) = إيه طبعاً على طول اعرف الوآحد من لهجته وبالذات الحجآزي والقصيمي والحايلي على طول يعرفون , لكَ ودي |
| الساعة الآن 02:23 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة