|
ولا صار لاعب مشهور !! كوبه وستين كوبه بشهرته .
سلطان المالكي - سبق: علمت "سبق" من مصادرها الخاصة، أنه قُبض على مهاجم شهير في أحد الأندية الكبيرة بالمنطقة الغربية، ظهر أمس الأحد, وذلك بعد أن تلقى مركز هيئة الأمر بالمعروف والنهي عن المنكر بحي الصحيفة، معلومات عن اصطحاب اللاعب لطالبة جامعية إلى أحد الفنادق, وإعادتها للجامعة بعد الظهر .
وذكرت المعلومات أن رجال مركز الهيئة راقبوا اللاعب عن بُعد, وضُبط بطريقة محكمة دون إثارة شوشرة أو القبض عليه أمام الناس, بحكم أن اللاعب مشهور. وأضافت المصادر: تم القبض على اللاعب وإركابه في سيارة الهيئة, واعترف مباشرة بأفعاله, فيما تم عمل محضر بالواقعة, وأحيلا إلى مركز شرطة الكندرة بجدة لاتخاذ الإجراءات الخاصة معهما . التعليق بنامل قلم صريح العالية الجودة أول شيء مبطي عنكم وأقول سلام عليكم أخواني عكفان الشوارب واخواتي موزعات الجدايل على اليمين والشمال وأشكر اللي تعاونوا مع الهيئة وواقعوا باللاعب من غير مشهور بلا هباب بلا نيله منيله وشهرة على الكوبه الناس حفظوا القرآن وسعوا على الآمل والآيتام وغيرهم اخترع كاسحات الألغام وطائرات الأف 53 القاذفة المستعصية على الرادار وغيره وغيره وهذا وش كبره وشهرته بمطارد كوره مدحيه هواء يطرمبه ام عروة هو صحيح مشهور بس على مقياس دميجة الفكر التعبان ساعة صينية الا ثلاثة أرباع ومثل مافرحت بالكبسة عليه عساه من هذا الحال وأردى هو ومن مشى على طريقه ألا أنه اصابني الهزاز المزمن يوم قريت وتم الامر بسريه لانه لاعب مشهور !! يعني لو كان غير مشهور وضعيف وياكل عشاه البس كان الامر تم قدام اللي يسوى واللي مايسوى . القانون قانون على الجميع ،اطرح خبيث السلم فاسد الممشى وجره مع شوشته وركبه بالجمس ولا تسمي عليه سواء شهرة على الكوبة أو شهرة على سنع . وختاما حسبي الله علي كل من آذى المسلمين ببناتهم وضيع شقى ام قضت عمرها تمشط شعر بنيتها وتردد اشوفك يانظر عيني في بيت رجلك واشوف اعيالك يتراكظون عندي ويادونني جدتي جدتي .. واخرتها وبدم بارد خبيث يجي ملعون الصلايب ويهدم آمالها ويحرق قلبها الله يحرق قلب كل ظالم . [/size] |
أعتقد مثل هذه الأخبار لم تعد تغري قراءتها وأصبحت غير مستساغة لأنها تعطي انطباع للمجتمع غير صحي ولذلك فتركها أولى من تناقلها والبحث فيها واللاعب كغيره من أفراد المجتمع له ماعليهم وعليه مالهم
|
اقتباس:
طيب وراك معصب !! ياحليلك نطيت بي !! ترفق على نفسك ياحبة عيني ترى ماعندنا بالمجلس الا امرؤ القيس واحد عسى الله يخليه للمجلس ولعين نرجيه . |
ايوالله والكوبه وستين كوبه <<ماتدري وش الكوبه تسمع به ولاتعرفه.. الله يستر من ازدحااام انضمام اعيالنا لنوادي لدام الدعوه به شهره وتستير .... :( |
جده
الله يستر علينا وعليهم بس قبل فتره كنت بمؤتمر بجده بنات جده انفسهن يقولن بنات جامعتنا فلتانات , فليش يوم انهم عارفين انهم كذا يجيبوهم للمؤتمر ويخلوهم يفلتوا فيه !!! <-- طراه الهيئه سوت بفندق المؤتمر زي ماسوت مع اللاعب الي تقول عنه ولقت له رزق بغرف الفندق , هم يجون باسم المؤتمر , ثم يبلطعون فيه ... طبعاً كان بصمت زي ماتفضل الخبر لان سياسة الهيئة عدم التشهير والله يثيبهم ويخليهم لنا وانا مع عدم التشهير لان له محاسن كثيره تحياتي |
اقتباس:
SIZE="4"]الظاهر الشمته قريبه من ( نم بس نم ) حقت طاش ماطاش :a16[1]: وقريبه من ( أقول مالت بس ) وفيه خويتها الروح بالروح كلمة ( الهشلة) مالها تفسير دقيق شكل موضوعي السكرة بيقلب لتفسير كلام الاولين ياحبة عيني هم . [/SIZE] |
اقتباس:
كلنا مع الستر بس من غير عشانه مشهور نبيها للستر نفسه وبسسسسسسسس مشكورة ع مرورك 1 |
اقتباس:
اقلب منا منا لعلي افهم شي بس ماش ولاكلمه ,,, :) |
اقتباس:
فديكا تداخلت اسلاك البواجي مع بعض وصار الهرج فيه تقطيع اعيد مرة ثانية بشكل مبسط بعد ماصفت المكينة والله يعين بس الكوبة معناها ( مالت بس ) وقيل معناها ( من الخيبة خاب يخيب ) خويتها الثانية ( الهشلة ) لاطرت عليهم قالوا ( قم اشتغل يامن الهشلة) هذي لم اجد لمعناها تفسير دقيق ويوم اقول ( ياحبة عيني يالاولين) اقصد انهم هم اللي اخترعوا هذه المفردات الحلوة. |
اقتباس:
شكلك مالبست النظارات |
الذين يشاهدون محتوى الموضوع الآن : 20 ( الأعضاء 3 والزوار 17)
القلم الصريح , امرؤ القيس , همه نحو القمه والله يانا مو سهل كل هذولاء زوار لمقالي الاوبه شكلي بنافس الكتاب العرب الكبار هههههههههههه |
اقتباس:
هههههههههههههههه نغمة كلامك ياحبة عيني واضح فيها التوتر تعلمنا هذا بالفراسة اذا قالت حذام فصدقوها .. فان القول ماقلت حذام |
اقتباس:
اهااا زاد خوبلت بي ... :) |
ماتعجنن هالاخباررر
|
قلم صريح
طبقه المجتمع تحولت من الانغلاق الديني الى الانحلال الاخلاقي ألأآآآآ ديني وانتظر خلال السنوات القادمه سترى مالم كان بالخيال تحياتي . |
| الساعة الآن 11:26 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة