|
لو حاربنا الفساد في بريدهـ ،سيموووت رجالها جوعــآ
بدون سلام ومقدمات
اللي ابي اقوله لكم الحين انتم كل اسبوع والثاني فاتحين لنا مهرجان ومعرض زهور وطيور وتصوير وصرف اموال ودعم ومدح وهياط وطبعآ مو لله عشان تدخلون ارباح مو هذي المشكله المشكله انكم بالسابق كنت تدعون وتطالبون الملك بمحاربة الفساد الاداري وما الا ذلك والحين اشوف الملك خصص وزارة لمحاربة الفساد لكن ماشوف واحد منكم تحرك او سوى شيء لو مركز تجاري او ملاهي او مستشفى او اي شيء لصالح ارض بريدهـ يبي ينقل او يفتح بعنيزة !لبس الواحد منك بشته ولا ردهـ الا امير المنطقه يهايط قدامه *اما موت بخطاء طبي وتكرار الاخطاء ماحد منك حرك ساكن لو جاء واحد نزل موضوع تهجمتو عليه وين الدليل ؟ *استغلال يوم اليتيم ماشفنا واحد منك سوا لهم شيء او اخذ حقهم *النهب والسرقه اللي تصير بالجمعيات الخيريه ماحد منك تحرك لها *معاملة مدير الضمان للمحتاجين ماصدقتوها ولا حاولتو تبحثون عن الحقيقه *الفساد الحاصل فى جامعة القصيم كل ماطرحنا مشكله قلتو وين الدليل ؟ ولو قدمنا الدليل ماشوف واحد منكم قام بواجبه انتم عالم تحبون ارض بريدهـ لانكم تغرفون من وراها ذهب مو لله عشان كذا ساكتين ولا حاولتو تعدلون الوضع ، لانكم لو نبشتو على بعض وكل واحد كشف اوراق الثاني راح تنكشف اوراقكم ، فكل واحد حافظ سر الثاني عشان الثاني برضه يحفظ سرهـ اسمعوني // ماراح اعقب على ردودكم لاني ادري كلها دعدعه ونصب ونفاق , وان شاء الله يارب كل واحد ساكت عن الحق وعارف الخطا وين! ان شاء الله يصير له مثل ماصار للعالم اللي يموت لهم احد بسبب خطا طبي عشان يحس شاطرين من ورا المحمول تهايطون وتهاوشون لكن واحد منك راح يجلد المدير لين يعرف ان الله حق ؟ طيب مسوين فيها مؤدبين لاتجلدونه قولو له تبي تشتغل زي العالم والا شلناك ، واكيد يبي يخاف لانكم فعلا تقدرون تشيلونه مو قادرين على مدير مستشفى نايم بمكتبه الله لا يردهـ والله راح ياخذ حق كل مظلوم ومسكين ويتيم اذا مو بالدنيا بالاخرهـ |
وين الدليل أنهم ماتحركوا ..<< :36_2_1[1]
اشغلتموها طرح جميل فيه كثير من عناصر الحق و الواقعيه ...., لكن اختي لم تحددي إلى من توجهي كلامك ... هل هو للأعضاء هنا بالمنتدى ؟ هل هو لرجالات بريده ووجهاءها ؟ هل هو للمجلس البلدي ؟ هل هو للغيورين على بريده من عامة الشعب ؟ هل هو لمجلس المنطقه ؟ هل هو لجهات لم اوفق بذكرها اعلاه ؟ هل هو ( لكل ماسبق ) ؟ ونعم اختي الفساد موجود ومنتشر بدوائر بريدة الحكوميه مثلها مثل باقي مدن المملكه . ونعم اختي ( كثير ) من المسئولين لا يرغبون لهيئة الفساد ان تعمل بحق . ونعم اختي الكريمه ( كلاً يدّعي وصلاً بليلى ...... ) ونعم اختي المصالح بين المسئولين متبادله وفقط نتمنى ان لا نصل لمرحلة ( شد لي واقطع لك ) .,؟! حقيقة اتمنى أن تعمل هيئة الفساد بأسرع وقت ممكن واتمنى ان تكون ( بريدة ) هي البداية وهي محل التجربة الأولى للهيئة ( كما تعودنا ) بكل تنظيم جديد يتم إستحداثه على مستوى المملكه . اقتباس:
وحقيقة تمنيت ان لم تُضيفي هذه العباره وحتى لا يصد الجميع عن طرحك الهادف . تحياتي .,’ |
يعطيك آلف عآآفييهـ ع آلطرح
أنا معك مستشفى آلتخصصي . مذبحه . أطرحي موضوع أستبيان عن فشل العمليات ,, بآنتظـــــآرجديدك دمت بخييـــر |
اقتباس:
الدليل انهم ماتحركو زيادة عدد الموتى الدليل انهم ماتحركو الاهمال فى جامعة القصيم وانا من طالباتهم شوف اذا طيور ودجاج ملون تصورونه وتنزلونه هنا وتخصصون له قسم خاص لو يصير فيه حركه بسيطه او تعديل اكيد راح ينزل هنا مافيش حاقه بتستخبا واسمعني لو فيه تحركات كان صار فيه تغيير وواضح انه ماراح يصير فيه لاتحركات ولا تغير الدليل ردك لي بـ(اتمنى)لو قلت (ارجو) قلنا فيه امل اقصد بكلامي لكل ماسبق واخص رجالات بريدهـ اللي نصهم نصابين اخدمني واخدمك تصدق فيه موظف فى ادارة التعليم يوقع ورقة للمدارس الاهليه عشان يتم قبول الطالبه فيها ويتحمل مسئولية تأخيرها بطلب النقل مقابل ان له نسبه من دخل المدرسه الاهليه وعادي لو تصير البنت جايه تطلب نقل قبل اسبوع من الاختبارات النهائيه هذا مايبي له تكسير راس ؟ ماكفاهـ الراتب اللي ياخذهـ وين الامانه والولاء للوطن بنت غايبه ترم كامل وقبل الاختبار بأسبوع تطلب نقل وتقبل وتنجح وهي ماتعرف وين الله حاطه مايحتاج اشرح لك عن موظفين التعليم عاد تعرف موظف التعليم بخيل وطماع ولو احط بفيش كهرب خمس ميه قسم يأخذها عادي لو يموت شكرا لك |
اقتباس:
ما اعرف طريقة الاستبيان لكن حتى لو طرحنا استبيان وبعدين ؟ ماعندك احد !! انا لو انا ولد كان دخلت عليه بشيول وشلته من مكتبه بحقت الشيول ورميته بأقرب زباله واتحمل اللي يجيني ماعندي مشكله اهم شيء اخليه مضحكه للعالم وقبل اسوى الحركه استدعي جميع المصورين ونخصص قسم بأسم (((مهرجان الزباله للنصابين :4_16_1[1]))) |
بـــارك الله فيك ...طرح رآآآئع
ونبدء بالبلديه والصحه اهم قطاعين فاااااسدين بالتوفيق |
اشغلتموها
اقتباس:
ومحاربة الفساد لا يعني مطلقاً أن ننتقص من احد أو نقلل عمل العاملين . كما سميتيه انتِ ( طيور ودجاج ملون ) وتلك نظرتك للعمل لا تعليق ..؟! نحن وكل من قام به اعطوه اسم ( البيئة و الغذاء ) وتلك بيئتنا وذاك غذاءنا ومن يعمل لصلاحهما وفق مجاله وتخصصه فهو بالطريق الصحيح . وخصصنا له قسم لأنه يجب تقدير جهود المجتهدين ويجب علينا دعم ومساندة كل مامن شأنه رقي وتطور مجتمعنا ..., اقتباس:
لكن ( احترام ) الأخرين واجب وتقدير المسئول واجب فوجود الفساد لا يعني مطلقاً أن ( نتطاول ) بالكلام على أحد مهما كان حتى لو هو معلوم أنه من ( المفسدين ) الذين نحاربهم ., الرجاء معقود بالتمني وبدون التمني لن يتحقق لنا المرجو ....., اقتباس:
بل ماخفي اعظم وخاصة فيما يخص ( المدارس الخاصه ) بجميع تصنيفاتها ..؟! اقتباس:
والشكر لكِ ..., وإن كنت اتمنى منك اختيار الكلمات الأفضل فلديك فكر متفتح ولديك نظرة ثاقبه واسلوبك في الطرح ممتاز كفكرة وحوار وفقط بعض الكلمات تسيئ اكثر مما تنفع وتخدم وبكل تأكيد انتِ تبحثين عن الصواب وعن تصحيح الأوضاع وتبحثين عن الحق وتحاربين الفساد وكل ماسبق يتحقق بالكلمة الأفضل و الرأي الأقوى والأحترام المتبادل .. ولك الشكر . تحياتي .,’ |
اميرة البحار شكرا لك اقتباس:
الله يعطيكم العافيه ماقلنا شيء جهودكم محفوظه عند اللي معجبهم الوضع لكن انا بصراحه ما اعجبني كل مهرجاناتكم مع احترام لكم هو صحيح تصويرك حلو وتصوير ولدك احلى واحلى والاخوان بعد لكن المهرجانات احسها مالها طعم فى ظل وجود الفساد انتم بقسم البيئه تنزلون مواضيع ناس مبسوطه هى وعيالها بالمهرجان وقسم الخاص ينزل لنا وفاة اب بسبب خطا طبي عائله تطلع تحظر مهرجانكم وعائله عندهم عزاء اي مهرجان كيف تحسون بالفرحه وغيركم مقهور لانه توفى له غالي بسبب خطا طبي والجهود الجبارهـ حقتكم ليه ما تستخدم لمحاربة الفساد ؟ شكرا لك ع المتابعه وع النصيحه |
من المعروف أن كل مسؤول مؤتمن سيحاسب على كل صغيرة وكبيرة وسيأخذ جزاءه .. ولكن نحن ( المغلوب على أمرنا ) عندما نرى الفساد والإستغلال ونصمت .. هل سنحاسب على صمتنا ..؟! لاتقولوا بالإمكان النصح أو التبليغ فهناك من القوم من بيده ( تغييب شمسك) ومثل ماقال راشد الماجد .. ابعد عن الشر وغنيله ,,, |
اقتباس:
اكيد راح نحاسب خاصه اذا كان لنا سلطه او واسطه اوطريقة نقدر من خلالها نحارب الفساد لكن المشكله اننا مانصمت وبس انتظرتك المشكله اننا نتمصلح معهم يعني نشجعهم بمقابل تمشي امورنا من خلالهم ! مممممم راشد الماجد غير رايه وقال بعدها (مابنكسر صابر لو فرصتي تمضي, والحظ لو عاثر بصنع انا حظي, ولو تنثر احلامي برجع ارتبها ،ولوتصعب ايامي بعيييش وما احسبها ) يعني لاتسكت وتحمل اللي يجيك منهم <<< فسرتها على كيف امي :p شكرا لك ع المداخله |
بآختصار ..
مثل مافيه ناس تساعد على الفسادوتسعى للفساد .. هناك رجال ولاكن قله تساعد لاصلاح الفساد .. ولاكن هناك من فيهم الامل .. ونقول ونحسن الظن بهم .. يعني لو لاحظنا .. المناطق في المملكة العربيه السعوديه تسعى للاصلاح والاتجاه الى الاصلاح الاداري في جميع الدوائر .. الا منطقتنا .. الناس تتطور للاحسن .. ونحن من الاحسن للاسوء .. مثال :- مستشفى التخصصي .. واكبر دليل الاخطاء الطبيه الحاصله الان .. معقوله الى الان لم يجدوا حل لها .. الكلام كثير .. ولاكن لاحياة لمن تنادي .. بالختام .. اشكرك على اتاحة الفرصه لتعبير .. تـ تحياتي |
اقتباس:
اقتباس:
على كذا اختي المفروض ماتاكلين لأن فيه ناس مرضى مايقدرون ياكلون والمفروض ماتنامين لأن فيه ناس مرضى مايقدرون ينامون والمفروض الناس يبطلون افراح لان فيه ناس عندها حزن والمفروض مانطلع من بيوتنا ولانعيش حياتنا لأن فيه ( فساد ) بدوائرنا الحكوميه اختي في الخاص خبر وفاة بسبب خطأ طبي وفي التهاني تهنئة بنجاح عملية جراحيه ... وفي نفس مستشفى المتوفى وفي التهاني تهنئة بمولود ... وفي التهاني تهنئة بخروج مريض من المستشفى ذاته وهذي سنّة الحياة ... والعمل على محاربة الفساد لا يعني مطلقاً أن لا نعمل على نشر جهود المجتهدون وعمل العاملين ..... اشكرك على إطراء تصويري و تصوير إبني . تحياتي .,’ |
اقتباس:
ياليت يكون بهذا المنتدى قسم وباسم (تحت المجهر) خاص بالقطاع الحكومي في مدينتي الحبيبة ونذكر فيه السلبيات التي تحصل . |
السلام عليكم ورحمة الله وبركاته من حصل له خطاء طبي ومات عزيز لديه أو تسبب له بعاهة أو أعاقه هوا فقط من يملك الحق برفع دعوى. والمطالبة بالحق ومعاقبة المسئول عن هذا الشيء . والاستدلال بالأخطاء السابقة لهم ومن المفترض أن المواطنين يتكاتفون مع بعض ليكون صوتهم مسموع وليصل سريعاً إلى المسئولين. لا أن يتبرءا الكل ويقول سوفا نجد حقنا أمام الله . نسوا أن الساكت عن الحق شيطان أخرس . فقد تخلى الكل عن حقوقهم . وحقوق غيرهم. نسوا أن من أخطى بحقهم سيخطي بحق غيرهم إلى أن وضعوا حداً لتلك المهازل ويستمر مسلسل الأخطاء حتى يتكاتف الجميع ويؤمنوا بحق أعان الله الجميع نوره الجمعة |
" الله يُمْهِل ولا يُهمِل " فَ كُل إِنسان إِيّن كَان مَسؤول عَنْ ذَاتَه , وأخيراً أقول إحترامي للحرامي شكراً على غيرتك الوطنية جزِيل الشكر والوِد |
| الساعة الآن 07:07 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة