|
"" تأقلم ... جمال ... تحفيز... فلكلور ""
بسم الله عليكم وعلى عاداتكم الزينة لكل مجتمع خصوصيته وعاداته وطرقه مع التاقلم مع البيئة ,,, فسكان الصحرى "اجدادنا" وبحكم ما جتاحهم من تقلبات بيئية متغيرة " حر .. برد .. عجاج .. سموم " اضطرهم لايجاد وسيلة للحماية والتاقلم معها ,, ... فالحاجة ام الاختراع ... اذ اعتمدو وضع قطعة من القماش على الراس تختلف باختلاف المناطق هناك من يلبسها بشكل عمامه ومن يلبسها بشكل اخر,, لايهم اللون او الشكل او النوع " خام حرير صوف قطن ... خيشة " لان المهمة الاساسية هي الوقاية وليس التشخيص وهذه الغطاء تطور مع تطور الناس الى ان وصل الى الشكل الحالي " الشماغ " فاصل الشماغ قطعة خيشة او قطعة خام .. والان اصبح للتجمل والتجنتل والتشخيص ويعتبر من الهوية .. "العقال" اصله لعقل الابل " البعير" بالارجل الامامية ,, وعند خلعه يضعه صاحبه "رجل او امرأة " على الرأس من باب الحفاظ عليه ,,, ثم تطور واصبح من الزي الرسمي للرجال .. "الحناء" "ماتتخضب به النساء للزينة " ,,, بالاصل كان "للعلاج" يوضع في راحة اليد والقدم لازالة الالم والخشونة والشتقات " الشطوب "والتورمات اللتي يتسبب بها العمل ويضعة الرجال والنساء. ثم اصبح للتجمل عند النساء .. " الدحة " وهي اصطفاف الرجال بصفوف متقابله يضربون الارض بارجلهم ويجهرون بصوت موحد " قد لايعجب البعض " ولكن ماسبب ضهورها ؟ انها الحروب .. عند نشوب حرب تكون" الدحة " لشحذ همم الرجال "المقاتلين" ولبث روح الحماسة والاقدام .. وايضا لارهاب العدو وتخويفه حين سماعها .. وتوجد في شمال جزيرة العرب والشام وجزيرة سيناء وشمال افريقيا ... ثم تحولت الى فلكلور شعبي لها عشاقها ومحبيها فكما الشماغ والعقال والحناء تكون الدحة اوجدها ظرف معين ثم اصبحت من" الهوية والتجمل والفلكلور" .. مما سبق ازعم ان لكل عادة او ثقافة اصل ثابت قد يجهلة الكثير ويتهكم عليه دون الرجوع الى اصله ومعرفة تاريخه ومما دعاني لكاتبة هذا الامر ماطرح احد الاخوة الاعزاء عن " الدحة " وصورها بتصوير بعيد عن الواقع وكنت احب ان اضع هذا كرد على الموضوع علما ان الدحة لا تمت لي بصلة لا من قريب ولا من بعيد ولكن احقاق للحق فكما تحب لنفسك لابد ان تحب للناس ... |
الدحه صح انها غريبه عند كثير من الناس ومضحكه عند بعضهم ولاكن مشاهدتهابالنسبة لي ممتعه,,,,,
صراحه معلومات اول مره اسمع عنها يعطيك العافيه. |
يحليله اثر هذا اصلهن !!!!
تصدق عاد ماعمري فكرت اعرف اصولهن واخذتهن كشيء مسلم فيه إلا الحناء اعرف انه وجد للتعافي والشفاء من الشقوق والجفاف وخلافه تشكر على المعلومات المرجعيه وبصراحه حببتن باني ابحث واعرف اصل كثير من الاشياء ولجينا بواقعنا حتى الحين بوقتنا هذا ولاتروح لشي بعيد كثير اشياء نسويهن او نبتدعهن لمواكبة ضرف معين وبالاخير يسلك معنا كشيء مسلم فيه ويكون كهويه لنا تحياتي |
مرحبا بـ زنقا .... فعلاً اي شيء للحاجة اولاً يكون من العرف والشخصية لاحقاً .... بالنسبة للشماغ .... اول من جابه لنا بالشكل وليس اللون هم البريطانيون ايام الإستعمار .... وكان الأصل العمامة .... مثل " الطوارق " بشمال افريقيا .... بس لاحظ ان بعض البدو- اللي بالبر الآن - يستخدم الفروة صيفاً و شتاءً .... لحفظ رطوبة الجسم بالصيف و التدفئة بالشتاء .... سي يو .... يا موسوعة |
اقتباس:
الله يعافيتس بيت مكة يوديتس |
اقتباس:
حياك الله وبياك |
اقتباس:
لكن بالنسبة لمقوله ان الانجليز جابو الشماغ تراه مهيب حقيقية لاتصدق اللي منشور بالنت اللي يقولون كان الشماغ سفرة واللي يقول حطو لكل بلد لون الخ كله كلام ليل وانا اخوك ولكن انه يصنع عندهم فهذا صحيح لان خبرك ماحولك صناعة عندنا اما لبس الفروة فتراه بالنسبة لي معلومة تشكر عليها :) |
زنقا زنقا قريتهم كلهم وشكرا لك يابطل .
|
احسن شي اختراع الشماغ قطعة القماش هذي فكت زنقات يازنقا ! كل العرب مشقيتهم مشكلة الصنادح الا حنا علشان هالشماغ ياناس قدروه حفظ ربي اصله ومنشاه ومن صنعه ! احد مصادر الهيبه والجمال ! ننصحكم بعدم تنزيله لا ليل ولا نهار ياما راحت فيها قلوب علشان هالاختراع لو تعلمون عظيم ! |
اقتباس:
العفوحبيب قليبي وين الختم اليوم :4_16_1[1] |
اقتباس:
الغريب ان زمان اول ماجو المصريين وكانو صلعان ربعنا قالو ايه الصلعة من العلم ههههههههه مايدرون انه من الدلاخة |
معلومات جميله ولاشئ بالحياه بدون اصل ومرجع خآصه الامور المهمه بحياه الناس
تجدها موجوده من الالف السنين ومع ذالك هنآك تعتيم عظيم بطريقه السرد او حفظ الحقوق الاصليه شكرآ زنقآ . |
معلومااات روعهـ بحق ..
شي عارفته قبل و شي جديد علي ! :) زادك الله علم وفضل يارب |
اقتباس:
|
اقتباس:
دعوة طيبة من انسانة طيبة |
| الساعة الآن 04:01 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة