|
شخص يخاف الجميع الذهاب اليه
الطبيب النفسي كلمه أعتقد أن الاغلابيه يخافها أو بالأحرى وبمصطلحنا نحن من العيب الذهاب لهذا الشخص لانه بنظر الجميع لا يذهب لهذا الشخص الا الامن يحتاج لتنويم ومتابعه من قبل هذا الطبيب أوعلاج طويل المدى بالدول العربيه جميعها والغربيه الأغلبيه لديهم طبيب نفسي يزورونه بين الفينه والأخرى لانه الشخص الوحيد الذي تأمن أنه لن يكشف أسرارك تتكلم معه وأنت مرتاح يعطيك أستشارات وحلول لمشكلاتك متى تنتهي ثقافة العيب عندنا تجاه هذا النوع من الطب لماذا الخوف من هذا الطبيب مع أننا نستطيع أن نثق به تمام الثقه |
هذاك منول الحين روحي شوفي السراوات بعيادات ميدي كير على الدكتورين السبيعي والتويجري ..! بالعكس الطب النفسي صار من اهتمامات الطبقه المترفه تروح الوحده وتدفع لها الكشفيه الف ريال علشان تنبطح عندهم وتقول وربي تاعبني الارق :/ مااواطن القطاوه يادكتور :/ فيه شي تاعبني .. اممم يمكن ذكريات تحرشات طفوله يادكتور :/ :( |
موضوع كلاسيك ،، |
صدقتي ياقتلتل هذاك اول يخافون من طاري الطبيب النفسي
الحين البنات يخططون عليه خاصه اذا كان سعودي مزيون بالدوام عندي وحده تقول بعد عناء قدرت اقرب موعدي عند الدكتور الفلاني طبعا طبيب نفسي سعودي قلت وش فيك ؟ قالت مافيني الا العافية بس بجلس معه واخذ واعطي لحالي وابن ابوه يقولي شي انا عند طبيب قلت لها اذا رحتي لموعدك احجزيلي موعد عنده الله يعافيك :c7: قالت الله يرحم حالك فلم هندي الدخله عليه لازم تشيك علي طبيبة عامه وتشوف هل حالتي تستدعي الدخول له ولا لا قلت ويوم دخلتي عليها ؟ شلون اقنعتيها ان حالتك تستدعي ! قالت مت من الصياح عندها اقولها اني مضطهده ببيتنا ومرت ابوي مكسرة عصى المكنسة على ظهري .. واتعاطفت معاي وقالت خلاص ترى موعدك السبت الجاي هه الصدق ان الأطباء النفسيين مسترزقين هه عكس أول يهشّـوون .. :c7: |
اقتباس:
يختي ذي تخطط على طبيب بمستشفيات الحكومه ! هم اللي كود الواحد يخرب برستيجه بالعصيان والخيازرين علشان يشوفهم :29_1_6[1] قوليله تدن الألف وتاخذ موعد عاجل عند ميدي كير بطريق الملك عبدالله وتدخل بكل برستيج وأوبهه :| |
اقتباس:
هذي اللي قلت لك عنها راعية القهوة المحكورة الخالية من أي خلطة ماتبي تدن الألف ويجيها الطبيب بكل سهولة ويسر تقول ماله طعم تبي اللي تدخل عليه بالتشفق وبالحسرة .. تقول اذا دخلت اعجز اطلع عشاني ادري اني مانب داخله الا بعد شهرين هه هذي مثل اللي مبلية باللصاتك هه |
الطب النفسي كالجسدي ويحتاج الى طبيب متمرس ومتعمق بالنفس وخاصه بمحيط مجتمعه
اقتباس:
وافشاء السر يعاقب عليه القانون هنُآ لو تم تصوير شخص عاري من قبل دكتور ونشره حكم عليه النظام سجن 5 سنوات يخلص سنتين ونص ورمضان من السنه الثالثه يجيه عفو ملكي !!!!! النقطه الاهم من يعالج الطبيب النفسي ؟! والعلم صيغه متداوله ولايمكن ان يتحول الى علاج او ماده حياويه الا بالقرآن ومن المعروف ان الطب النفسي تمررسو به الغرب فقط و العرب مجرد باحثين عن الماده او يريدون العمل كاوظيفه ويقولون ( يامكفن الموتى من يكفنك ) شكرآ لك الورده |
^^^
اخوي نجداوي وبعد هنا الاطباء مايتخرجون الا بعد القسم ومن ظمنها حفظ الاسرار حاليا ما اشوف انه فيه خجل من الذهاب للطبيب النفسي ع الاقل بالمجتمع الي انا فيه |
اقتباس:
موب جايين طلبا لاستشاره أو علاج ومستحيل نقارن أنتشار هذا الطب مثل ماهو منتشر بالدول العربيه والغربيه |
اقتباس:
ردك تأكيدا لردي على قتاله الذهب لغرض معين وليس طلبا للعلاج |
[frame="1 80"] متى تنتهي ثقافة العيب عندنا تجاه هذا النوع من الطب لماذا الخوف من هذا الطبيب مع أننا نستطيع أن نثق به تمام الثقه [/frame] صراحة اذا اخذنا اعتبار لثقافة العيب رغم حاجتنا فلا نستحق العيش |
[frame="1 80"]
فيه شي تاعبني .. اممم يمكن ذكريات تحرشات طفوله يادكتور :/ [/frame] اي خدمة ترااي جاهز لان عندي خبرة ليست بالقصيرة خاصة بالتحرشااات |
اقتباس:
أخوي نجدوي الطب النفسي وجد منذ القدم منذ مايقرب عشرة قرون لدى المصريين القدامى الي هم الفراعنه قبل مايعرف باوروبا بفتره طويله ووجد أيضا لدى العلماء المسلميين أمثال الرازي وأبن سيناء الذين عرفو ببحوثهم بمجال النفس البشريه وللمعلوميه هذا الطب لم يكتشف بأوروبا الا عن طريق أسبانيا بعد الفتح الأسلامي لهذه الدوله ونشر المسلمين هذا العلم بها أوروبا لما كان هذا العلم ينتشر عند العرب والمسلمين كان هم يحرقون المرضى لاعتقادهم أن الشياطين تلبستهم المسلمين سبقو الاوروبين بعدة قرون في هذا المجال عذرا للاطاله ولكنني أحببت التوضيح |
اصلن طلعت لنا امراااض نفسية م الله بها عليم ...والاشد انه م بعد يلقون علاجه
الشيزوفرانيا والتوحد و الذهان ..وو الله المستعان بس :! ع ‘العمون روآد العيآدآت النفسية ع صنفين نآس جاية آترزز ... ونآس لا صدز عندهم عارض او مرض .. لما كنت اروح التخصصي ...كنت اشوف ناس واجد ...رجال ونساء واطفال ومراهقين ..وعالم ثااااااااااااني .... مرآ شفت اصدقا ابوي ...ب المشفى النفسي ..حتى اني اتوقع واحد منهم كان مهندس قالي ابوي : شفتي هاذاك ...يجي كل فترة ياخذ ابرة علاجوه ويمشي ... عاد لا قعدت ب صالات انتظار النسا ...اشوف العجب .. والا صالة العاب الصغار بالمشفى..http://www.buraydh.com/forum/images/icons/icon9.gif! طبعا بعضهم يجيون عندهم رهاب ...او توتر ..يمكن هذول الاغلبية ع فكرآ آغلب الدخاترة النفسيين هم مرضى نفسيين ....والدليل انه أكبر دكتور نفسي آجنبي >نسيت اسموه ..تسان مريض نفسي .. الا انه اتوقع المجتمع مرا تطور ب الماضوع هذاي .@ وردآ شكرن |
المُجتمع اللي حولي مآ أرى فيهُم أحد يرى أنهُ عيب |
| الساعة الآن 01:07 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة