حرام عليكم ياروضة ايوان المعرفة انتم والحكير
 

والله حرام دفعنا 30 ريال رسوم الرحلة شاملة اللعب والوجبة ويرجعون اولادنا على لحم بطونهم السالفة يااخوان انة الروضة قامت برحلة للحكير والظاهر انهم اختلفوا مع ادارة الحكير على السعر يقول ولدي انهم بعد ماخلصوا لعب جلسوا ينتظروا الاكل وجابت العاملة الي في الحكير عربة فيها الوجبات تخيلوا الاكل قدام الصغار وهم ياقلبي جوعانين يقول بعدين عيت لاتعطينا رجعته قلت له طيب ليش قال ببراءة وقطع قلبي بكلمتة عشان ماعندنا عشرات كثير وابلتنا تخاصمت مع الحرمة صراحة قمة الاستخفاف يعني مفروض انكم ماتسوون رحلة الا بعد ما تتفقون انتم والزفت الحكير مو تحطون اطفالنا في هذا الموقف والله ان ولدي مافطر في البيت يقول بافطر مع اصحابي في الرحلة ياليتكم اخذتم لهم على الاقل عصيرات من بنده مو مشكلة احنا بندفع . على العموم الروضة كويسة ومااقول فيها الا كل خير لكنها خربتها على نهاية العام .اعذروني على الاطالة ماكتبت الا من الحرة الي فيني على الحكير حسبي الله ونعم الوكيل عليهم .

الله يهديهم ..

ايه والله صااادقه انا ولدي بنفس الروضه ونفس سالفة ولدك رفض يفطر اوياخذ معه شي قالي هم بيشترون لنا برجر مثل اخر مره؟؟؟!!!!!!ولما رجع من الروضه حالته حاله والله صوته بالكاد يطلع استغربت وسألته افطرتم قال لا !!!فيه وحده سودانيه جابت كيكه والابله قالت مايبون..وحنا ماقلنا..يااااااعمري ياوليدي مافهمت السالفه وماعطيتها اهتمام..بغيت ادق عليهم اتأكد بس قلت لاا يمكن ولدي يصرفني لانه مايبي ياكل..
ملاحظه:الكلام هذا لايفسد للود قضيه لان الروضه محترمه من ادارة ومعلمات
وملاحظه ثانيه ولدي اليوم رجع 10 ريال حقت الرحله.>>يعني حق الوجبه
آسفه عالاطاله

والله صحيح انا ابني رجع جوعان واعرفت انه الحكير ما جاب وجبات الغداء للاولاد وجاب بدل منها عصير وكيك كله على بعض ما يجي ب 2 ريال، والمعلمات ما وافقوا على هالكلام وطلبوا الوجبة الي تيجي مع الرحلة هرفي وببسي وهدية اطفال أو يرجعون قيمة الوجبة علشان المعلمات يشترون الوجبات للاطفال، لكن الحكير عية وصار يهاوش المعلمات ويقول دا الفطور وما في غيره وما في فلوس كمان، بس المعلمات اصروا على طلب حق الاطفال وبعد مجادلات كثير وتطاول عاملة الحكير على المعلمات رجعت عشر ريال لكل طفل بس المشكل ما كان في وقت للمعلمات انهم يوفروا وجبة للاطفال لان عددهم كبير

وهاي الروضة والكل بحكي انها روضة متميزة والمعلمات فيها ما شاء الله عليهم يدرسون صدق والاطفال يحبونهم واسلوبهم مرة حلو حتى معنا، بس هالحكير يبغى ينصب على الروضة والاطفال ويوخذ ثمن وجبة الاكل