|
حجابنا خارج المملكه !!!
صباح التعب والطفش والصياح وارهاق الاختبارات
ياربي خلصهن على خير ومايجمر كبدي الا الفواصل بين الاختبارات ياليتهن جميع ونجدع الهم بسرعه :36_1_4[1]< خلصينا وش عندك ابدا الموضوع مباشره.. عندما تذهبون في رحلة خارجيه لدوله اوربيه او احدى الدول الخارجيه وخصوصا لما تكونين بدول اوروبا راح تكونين ملفته للانظار بالعبايه السوداء عندها ... ماذا سيكون حجابك؟؟؟؟؟؟ نقاب- برقع - لثام - حجاب< قصدي كشف الوجه-----------------الخ؟؟؟؟؟ وماهي عبايتك؟؟؟ كتف--ربط--اسلاميه-بالطو----------------الخ بكل اختصار صفي شكل حجابك هناك بكل مصداقيه---------- انتظــــــــــــــــــــــــــركــــــــــــم |
حبيبتي...
أنا هنا كما أناهناك وحشمتي تلازمني في كل مكان ولله الحمد ولا اشعربالخجل باي مكان اتواجد فيه خارجاً.. عبائتي ونقابي معي بكل زمان ومكان واشعر بقمه الفخر والارتياح بارتداهما. دمتِ بخير |
ربنا بالخارج والداخل سواء
فالواجب الحجاب مطلقاً في الخارج والداخل، لأنهم هناك رجال كما أن في الداخل رجال فالواجب التستر والحجاب عن الجميع ولا تبالون، لا ينبغي أن تبالوا باستنكارهم هم يأتون إلى بلادكم إلى بلاد المسلمين بزيهم ولا يبالون، فالمسلم أولى بأن يحافظ على زيه الشرعي ولا يبالي بأعداء الله -فهم كفرة الله- ولا باستنكارهم. وعن لفت الانتباه لاتبالين اعتزي وافتخري بحجابك.. |
الموضوع موجه الى الفتيات ولكن راح اجيب لانه سافرت انا وامي
لاحد الدول الاوربيه وراح اقولك كيف كان لبسها اول شي الحجاب هو من ركائز الاسلام ولايمكن انه احد يتركه وتزامنا مع الظروف والضغوط على الحجاب بشكل عام لابد انه يصير فيه مرونه خخخخاي وطبعا لبست عبايه كانه ثوب مدري وش اسمها على اكتف اتوقع ولفت الحجاب على راسها ولبست نظرات شمسيه كبيره كانها كفرات سياره مسكره وجهها كله وحطت على الجزء اللي تحت النظرات مناديل وجلست ماسكه هالمناديل على وجهها وعيونها عليها نظرات وحلت الازمه الين وصلنا السكن وقضينا شغلتنا ورجعنا خخخخاي |
اقتباس:
نفس الي ببالي بالطو ونظاره شمسيه كبيره ومثل ماقالت شهد لامر سعودي تلثمنا خخخ:d |
وراكم تهاوشتوا ؟؟ مانبي نشوف ردود زي كذا بين اعضاء مميزين
ويرتقون بكل كلمه يقلونها |
حجابي كل يوم شكل :)
المهم انه ساتر ..! لكن / كنت آخذه معاي عباية كتف لونها أسود وصابني بيوم من الأيام واحنا بواشنطن عناد :) ولا غرابة لأنه مايتأخر العناد عن زيارتي وأحب أجرب وأغامر ،، المصيبة يوم العناد هذا صادف زيارة البيت الأبيض :) ترددت بتأخير العناد بلبس الأسود ليوم ثاني لكن العناد عاندني وقال ماتغيري رأيك :) قلت تم :) أنا لها ..! فزرت البيت الأبيض وترى اوباما يسلم عليكم لأنه كان عنده اجتماع يومها والأبواب مفتوحه والكل يدخل بدون كلافه :) المهم / بديت بالتصوير بكل مكان من أمام وخلف وحديقة البيت الأبيض والناس شكلها صورتني بدل البيت الابيض وجاني كم سؤال وش أنتي من لحيه ؟:) قلت سعودية وافتخر سبب العناد هو نقاش بين عقلي وقلبي أقول ليه مانفتخر بلبسنا وحجابنا..؟ ليه نغير الشكل واللون والا مانلبس ابد ونمشي على طريقتهم.. ! راح ألبسها حتى يعرفونها ويبحثون عنها وعن السبب في لبسها ومن هالقبيل <- واقفه عليك :) قالت لي وحده من زميلاتي بعد ذا اليوم : أشك انك شربتي من القوارير اللي يسار البوفيه قبل نطلع ..!:) : |
أنتي قلتي بصراحه والصراحه لما كنا نسافر مع الوالد ماكنانلبس عبايات وبعدين تزوجت وأنا تقريبا في ال17وماكنت البس عبايه من اربع سنوات من الله علي بالهدايه وصرت البس بالطو ونظاره وأحط منديل يغطي
|
ولاتحسبن الله عافلاً
عما يفعله الظالمون الايه ان عن الظالمو واضاً الله لايغفل فالانتباه ياأخواتي ومايدريك ان يومك واخر ساعه لك في تلك البقعه لأن الله >ذكر في كتابه قال تعالى ( إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ "[ لقمان:34] والشاهد من هذه الآية قوله تعالى : " وَمَا تَدْرِي نَفْسٌ بِأَيِّ أَرْضٍ تَمُوتُ " بمعنى لو اتاك ملك الموت وانتي بغير حجابك حجاب الاسلام والستر والعفاف اتقولين يالله كنت في اوربا وليس بالسعوديه . . ؟ اختي الغاليه انتي عفيفه وطاهره بحجابك الكامل ولاتنظري لمن يعصي وطبقي ما نزل من الكتاب والسنه وفقك الباري اخوك محمد العتيبي |
الحجاب ليس بالشكل .... وانما بالستر فإذا كان ساتر فهو المطلوب .... مثلاً .... بالطو طويل وطرحة بيضاء او بيج .... مور ذان انوف .... سي يو .... اقتباس:
|
الدوافع و الاعتقاد بداخل الفتاة هي من تحدد ..
مخزي ان ارتدي ما يخالف قناعتي و ايماني لمجرد ان التزامي بديني معيب او يفشل |
وبصورة أخرى ولعلها اوضح ..
السفر إما أحد أمرين سفر حاجة وضرورة وسفر متعه وتسليه .. أما الضرورة والحاجة فقد يضطر فيها الانسان للتساهل في بعض الأمور التي يحتاج معها للتنازل لتسير أموره كما يريد .. واما السفر للمتعه والتسليه فهل تلك الرحلة ضرورية ليتخلى الانسان عن تعاليم دينه لمجرد شهوه في نفسه .. وما هي تلك الاسباب التي تجعل المرأة تتخلى عن حجابها بينما نجد الكثير منهن بنفس الوقت والزمان والمكان بكامل حجابهن ولم يعترضهن عارض ولم يبدين اي امتعاض او خوف .. ليست المسألة مسألة عباءة سوداء او بيضاء ولا نقاب او لثام بقدر ما هو ضعف في الشخصية و ضعف في فخرنا واعتزازنا بديننا .. ولو استشعرت المرأة حقا فضل الحجاب و قيمته فلن تجبرها الظروف مهما كبرت على التخلي عنه .. لأنها عبادة تتقرب الى الله بلبسها .. لا عادة نتخلى عنها اذا خرجنا عن اسوار المنطقة التى اعتدنا عليها |
يااختي سمر سجلت دخولي بس عشان ارد عليك وانبهك
الا الحجاب تفرطين به انا اسافر برى المملكه وحجابي ماغيره اياً كان واما عن لفت الانتباه عادي خليهم يناظرونك بيديهم ورجليهم بالعكس فخر لك انك متمسكه بدينك تصدقين مره ذهبت لاحد الدول وكنت متستره بعبايتي وانا امشي بالشارع مااشوف الا فلاشات على عيني جالسين يصورون شكلي خاصة الاوربين وبالعكس معتزه ومفتخره بحجابي وبديني .. وانا مايقهرن الا السعوديات الي جادعات عبايتهن هناك وقسم مره وحده لابسه بنطال وحاطه مكياج كامل ومطلعه شعرها وفجأه اسمعه تكلم على اخته وقسم بالله من دون مبالغه كلامه قصمنجي 100 % ومن الخبوب بعد هي واضح على شكله انه عربيه بس توقعت لبنانيه ولا سوريه للاسف يابناتنا شي يجرح القلب .. انا ودي اعرف وشلون اهلهم راضين عليهن بالطريقه ذي وين الغيره على بناتهم ؟ حتى اذكر وانا بماليزيا شفت ممثل كبيييير ومعروف ومشهوووور مع عائلته وقسم ودي مصورتهم لكم تشوفون اشكالهم قسم ولا ظفر طالع من زوجته وبناته الا القفازات والعبايات الراس ياالله ممثل وعاشر بنات الفسق ومارضاه على بناته اتمنى انكم تتعضو وتفيقو من سباتكم العميق !!! |
اقتباس:
مااجمل عزتك بحجابك اختي .. |
موضوع جد قيم .. ويلامس واقع كثير من الناس.. فكثيراً من الناس يتمسكون بمبادئهم وبقيمهم الإسلامية وعاداتهم داخل بلادهم .. وما أن تأتيهم فرصة سفر إلا ونجد العكس تماماً .. // فالبعض يلبس العباءه لأجل اسكات الناس والناظرين والا الأغلبيه يرون انها ليست من الاسلام وهذا من عدة نقاشات سمعتها فهو فقط لتلبية رغبة المجتمع ليس للعبادة وليس للعاده الموضوع باب واسع من النقاش وأترك البقية لمن يأتي بعدي |
| الساعة الآن 02:31 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة