|
العيال لا يدخلون (للبنات)
السلام عليكم
وصبحكن اللة بالخير أقبل الشهر الكريم شهر الصيام والقيام والغفران وتعرفون ان الرجال عند أبطونهم أنا لست طباخة ماهرة ولكن أعتدت ان ادخل المطبخ في ألاجازات ورمضان اللة يشرفة ونبي نتعاون بالطبخات يابنات يعني كل وحدة ممكن تستفسر عن طبخة وما تبخل علينا باللي تعرف المهم انا جربت مرة وطبخت المقلوبة بالدجاج أهلي ذاقوها يقولون أتجنن لا وأبوي يقول طبختس أحسن من امتس وبصراحة اعرف أنة يجامل لاكني أستانست وياللة ما أبي أطول وشمرن يابنات سواعدكن وجتكم المقلوبة المقادير دجاجتين بدون عظم بصلتين مقطعة شرائح حبتين قرنبيط او ما يسمى زهرة متوسطة الحجم اربع حباة بطاطس مقطعة أرباع فلفل اخضر بارد مقطع حلقات حبتين اثنين مكعب ماجي ملعقتين طعام بهارات مخلوطة بهارات - هيل - فلفل اسود - قرفة او دارسين - قرنفل او مسمار ثلاث كاسات ونصف رز بسمتي زيت للقلي الطريقة يقلى كل على حده الدجاج والقرنبيط والبطاطس والبصل والفلفل الأخضر البارد يوضع الجميع بعد القلي في صينية الفرن يسلق الرز في ماء وملح والبهارات كلها حتى ينضج يصفى الرز ثم يضاف على الصينية يذوب الماجي والبهارات في كأس من الماء يصب على الصينية مع مراعاة التوزيع المنتظم تغطى بقصير ثم توضع في الفرن لمدة ساعة تقريبا على حرارة 350 فهرنهيت وبعدها تطلع من الفرن وبالهنا والعافية **ملاحظة** هذة الوجبة تكفي 6 الى 8 أشخاص والحلى بعدين وبالعافية |
ابشرج ياختي اصيلة
اني اعاون والدتي بالبيت وخاصه بالطبخ , لان خواتي الله يوفقهن تزوجن وما بقي احد يعاون الوالده الا انا والمقلوبه مع احترامي كلن يعرفلها مثل طبق البيض لكن بودنا الطبخات الرمضانيه ( الحركات والتكتكه) واخير مشكوره وموضوع جميل وانا سأتابع هذه الصفحة حتى تمدحن امى عند خواتي :D |
انا عندي طبخه
البيض المسلوق هو وضع بيض (عدد البيض على كيفكن) في ماء يغلي وتخلينه ربع ساعه وبعدين تطلعينه وتقشرينه و بعدين على كيفك تبين تحطينه بسندويشه تبيني تقطعينه بصحن على راتك لكن إذا جيتو للطعم اقول لكم وشتاكلون معه عشان تضبط الأكله بيض مسلوق (هذا أساسي) معه كراث معه هبسبوسه مليانه شيره (السكر المذوب) معه ميرنا حار بس على شرط مافيه راحه بينهن والله إن تدعون ....مادري لي ولا علي بس قبل كل شيء إحجزو أسره بالمستشفى مثل ماحصل لأهل الأصيله عقب ماأكلو المقلوبه وأبوه قاله حلو طبخك قبل من الدوخه اللي جته عقب ماأكل تراي أمزح الأصيله بس اهم شيء ظبطي لأهك الأكله اللي قلته لك عشان يطردونك من البيت ====>الرجاء بدون زعل |
هلا وغلااااااااااااااااااااااا
طبق اليوم...........حلى العجازييييييين....... والله مقاديره دايما متوفره لكن الحشو يتعب المقادير: من الفريزر جيبي علبه تمر سكري باكت بسكوت شاي مطحون يضاف اليه ملعقتين طحينيه حليب مركز(نستله) مكسرات للتزيين..ورق زينه الطريقة: تشق التمرة من النصف بحذر وتزال نواتها(عبسته) ويوضع بداخلها البسكوت مع الملعقتين طحينييه .وبعدين نسكر التمره ونحطه بورق تزيين ونصب فوقه حليب مركز(نستله) ونرش المكسراااااات ................ايه ترى تكفي اهل الحاره كله لالا قصدي اعضاء منتدى بريده وبصحتيييييييييييييين والف عافيه محبتكم..... بقايا نزف |
السلام عليكم ورحمة الله وبركاته
الظاهر الطبخات خاصة للبنات لكن اذا صاروا العيال هم الي يبي ياكلون عادي انتدخل اغديكن فهمتن ايه غالي الاثمان الله يهديك ليش تفضح طبخات الشباب السرية اقول بقايا نزف اشهد ان الطبخ مهب لمك الحنجرة الذهبية الله يخليك لوالديك ويخليهم لك وهذا خبرنا بالحريم ( ايقاله شايب) وسلميلي على الجهراء وكل الفريج الاصيلة اقترح الطبخة مثل ما قالت الحنجرة تكون رمضانية عدل كلامي والا مو عدل وهذا مو قع تلاقون فيه الي تبون تحياتي المطنون الطبخ والنفخ |
يعطيك العافيه مطنون على الموقع.......
بس ماحطوا طريقة المطازيز.......... غدينا نتدرب برمضان....... اختك بقايانزف |
طيب يا جماعة الاخت الاصيلة تعبت على هالموضوع
بس ماعنده احد عطونا طبخات واشرحوه |
احسن طبخة.. لكن!! غير مجربة
طبخة سهلة وبسيطة وتدل على اني لاادخل المطبخ إلا اذا صرت ضايع!!
الطبخة هي كالتالي: علبين فلفل (حبحر) طماطم حبتين ( العدد حسب الموجودين) بصل مقطع (مهب مقطع اربع) مقلى ( يفضل مقلى تيفال) عشان ماتنزلق الطبخة منه وقليل من الزيت(ياليت يكون زيت العربي وتفوز بالجائزة وتدعي لي) تضعهم على النار وتحركهم لمدة قليلة.. (لمين تتعب ايدك) وتشتري خبز السلمان(بريال) ويستحسن (الخبزالرهيف) وبالهناءوالعافية * تحذير: انا غير مسئول عن اللي يبزع ويغير او يخطئ في اعداد ماسبق * الرأس بعد الإنتهاء من تناول الأكلة سيكون هكذا::confused: - رمضان كريم-............ دمتم بخير |
:D :D :D :D
|
ليش ماندخل !!!!!
بالهنا والشفا .................. |
أخواني وأخواتي
الحنجرة الذهبية والله ونعم وربي يخليك للوالده والتكتكه جايه انشاألله غالي الاثمان والله ان طبخاتك صعبه ونتائجها تخوف بقايا نزف احلى واسرع حلى والله يكفينا شر العجز المطنون فهمنا فهمنا وأبشر بطبخات رمضان وأشكرك على الطبخ والنفخ المحايد والله أنك بردت تسبدي وانت اللي فهمتني ويكفينا منك التوقيع الرائع تقهو جرب الطبخه وننتظر النتيجه على احر من الثلج اطلاله وين المشاركه وما لك عذر دوري اي شي من بريده سم الله وكل بيمينك وكل مما يليك والله يحييك المحترميييييييييييييييييييييييييين السلام عليكم ورحمة الله وبركاته أشكركم كثيرا على الاضافات الرائعه وكثر الله خيركم يالطبابيخ واللي فيكم يعرف المرقوق بلحم الغنم أو الجمل بس يضبطها 100% الرجاء تزويدي بها لأنني أريد تجربتها وبالتفصيل ولكم خالص تحياتي **الاصيلة** |
آسف يالاصيلة بس مافية حقوق نسخ والا كان مادخلت
[SIZE=5]الظاهر الحريم هالزمن ماوراهن طبخ الله يخلي امينة(الشغالة)
:cool: |
بصراحة مرقوق بلحم الغنم مانعرف حنا يالعيال كيف نسويه .
بس اقولك امي طول الله عمرها تراها تعرف طبختك تمام بامكانك مراسلتها على مسنجرها الخاص ;) ;) ;) |
الله يرجش يالأصيله ، ذبحتينا بهاالرمضان ،، هذى مشاركتش الثانيه عن اكلش بدا بطني يقرقش انا ما افتح الجهاز الا بعد السحور , ( حرام عليش ) , وشبش على الأكل , خلي طبخاتش بعد الرمضان الله يخليش , وبعدين اذا قالولش بعض من شاركش بموضوعش ان مقاديرش زينه ، تراهم ماعندهم ماعند جدتش ، مثلي , ومعهم خواتش اللي شاركنش .
خوذي وصفتي الخرافية :- (1) ملعقتــــن شـــلخ (2) 2 كـــــوب شلولخ (3) اربع حبات شمروخ (4) نصف كيلو الشــرخ ضع المقادير السابقه تحت نصف قالب ثلج تحت درجة بروده ميه تحت الصفر لمدة خمسين سنه , ثم يطلع بعد ذلك اكله بس بلأحلام . اخـــــوش ، اخوكم الصغينون اللي يحبكم كلكم شوقر وملح !! |
بسم الله الرحمن الرحيم
الاخت الاصيله 000 كل هالبلاوي تعرفينه وأنتي غير ماهره !!! ايحاء غامض ! ماالفائده ؟؟ لاأدري !!! أثنين مكعب ماجي !! سمعت ان كثرت الماجي تسبب الفشل الكلوي 000 هذه حقيقه 0 رز بسمتي !! طيب اللي ماعنده الا ابو كاس يصلح ؟ مشكوره اختي 000 انت في كل مكان وحيث تكون يكون الابداع 0 |
| الساعة الآن 05:56 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة