الهريفي يخرج ويكذب الرئيس ويرمي التهم على الجميع
 

أهلين

صراحة الهريفي لايعجبني كناقد أما كلاعب فطبعا خدم النصر حتى يعتبر أحد رموزه إن لم يكن الثاني بعد ماجد .


في برنامج كورة خرج فيصل بن تركي وقال ان الهريفي يساومنا على حفل اعتزاله وندمت أن أعطيته وعدا بذلك !!

كان للهريفي حق الرد فطلب من مقدم البرنامج تركي العجمة بأن يرد على اتهامات رئيس النصر , وفعلا خرج ولكن كان خروجه مدويا حيث حيث تحدث لأكثر من عشرين دقيقة كلها تكذيب لرئيس النصر وكذلك تحدث عن أعضاء الشرف والذين ورطوا الرئيس بمدحهم له .

الهريفي كان حديثه جدا قوي نترككم مع الحديث


http://alweeam.com/2011/06/24/%d8%a7...8%d9%84%d8%a7/


الطريف بالموضوع ان الهريفي عندما تحدث قال ان 90% بالمية من حديثي حقيقي أو صحيح ههههه

الانديـه الثانيه في بدايه الموسم .. تتعاقد مع لعيبه اجانب وتشوف شغلها .. وتكسب بطولات
وذولي يتهاوشون وكلن ينصب ع الثاني .. وفي نص الموسم يقولون ( غش تحكيمي حرمنا من البطولات ) ههههه
الا بسئلكم : فهد الهريفي صوته ليه ( ناشف ) تركي العجمه .. مسوي له شيء خلف الكواليس .. ؟

لكن ما اقول الا الــحــمــدللــــه عــلــى نــعــمــة الــهــلال

حق من حقوقة ان يدافع عن نفسه
والامير فيصل بن تركي اخطا عندما تكلم عن الهريفي بغض النطر عن صحة كلامه من عدمها فالنصر ليس بحاجة لزيادة احتقان

الهريفي عندما قال ان كلامه 90 با المائه صحيح لا يقصد انه يكذب في كلامه ولكن ان بعض الجماهير لايعرفون ان كجيلان جاء الى نادي النصر من اجل الترزز والظهور الاعلامي دون دفع شي من الاموال وقال ان الايام ستثبت ذلك للجميع يعني الموضوع ليس بطريف ولا شي ولكن يبدو انك لم تستوعب كلامه ومن الفرحه جيت بسرعه لتكتب هذا الموضوع

مشكله الهريفي انه صريح ويطقها في الوجه ولا يهمه احد مهما كان وهذا لم نتعود عليه في مجتمعنا لاننا تعودنا على المنافقين وكل شي صح وماشي ممتاز يا ريس نحب المطبلين ونرفع من اسهمهم الهريفي انتقد ادارة المنتخب وسلطان بن فهد ومجامله ادارة المنتخب للاعبين الهلال وانتقد ادارة النصر ولاعبينه وادارة النصر شخص محايد يحب يطرح وجهه نظرة ويبين مكامل الخلل في اي مكان وهذا لم نتعود عليه من المحللين

كنصراوي اقول يعطيه العافيه هو الشخص الوحيد الي بين مشاكل النصر ومايحتاجه الفريق من اشياء حتى يرجع الى البطولات اما باقي المحللين النصراويين لا يقدرون ان يبينو اي شي وكل شي عندهم ممتاز والفريق افضل شي بسبب خوفهم من اتصال او ابعاد عن وظائفهم او عن الظهور الاعلامي وهذا حال الكثير من المحللين في السعوديه لاننا نعرف ان اكثر من يتولى رئاسه الانديه هم اصحاب سمو ولا يستطيع احد ان ينتقدهم لانهم بتلفون واحد يستطيعون ابعاد هذا المحلل من الظهور كما فعلو في الهريفي ومنعوة من الظهور عندما انتقد الهلال والمنتخب الهريفي كان كثير الانتقاد لاختيارات كحيلان من لاعبين ومن المدرب وهو صادق ياليت لو كان اكثر محللين النصر من فئه الهريفي حتى لايضللو الجمهور النصراوي عن بعض احتياجات الفريق

الهريفي*****بما يحملة من حقد وحسد ف عندما قال له الامير عبدالرحمن بن سعود انك تدعي الاصابه ارعد وازبد حتى علمة الامير قدرة
وعندما قال الهوريفي اني لاعبي النصر يدخنون بين الشوطين ويسهرون قال
هذا انتقاد ..
عندما كان ياسر افضل لاعب اسيوي عام 2007م وفي احدى المباريات للمنتخب
قال ابن بيشة ياسر مجامل ..

اتمنى من المسيرين في الاعلام عدم جلبه ف والله انه مسخرة ولايعرف كوعه من بوعه ..

يساله تركي العجمى هل ساومت على النصر ..!!
وللحين ماطلع الجواب يلف ويدور لين قال ان رمز من رموز النصر

امنية عيني اشوفه مدير كرة في النصر ف انا اعرف ابن بيشة زين ..

مدري انت كيف فهمته كذااا ماشاء الله عليك

واحد يتحدث بكلام وفي الاخير يقول ان اكثر كلامي صحيح يعني ان بعضه تجني وكذب هذا المفهوم غير كذا ماله حل حتى لو اتيت بعشرين تفسير

فهمت من كلام الهريفي


أنه فعلا ساوم النصر


قبول مهمة مدير الكرة مقابل حفل الاعتزال


مستغلاً ظروفهم وحاجتهم


وبعد رفض ماجد


صح فهمي ولا لا ؟

مع احترامي الشديد لك انك ما فهمت اي شي من كلام الهريفي الرجال جالس يقولك انه خسر بسبب الكورة ترقيات ومراتب في وضيفته بسبب الكورة والحين تبيه يخلي وضيفته ويكون اداري فريق في نادي النصر وهو عارف انه ماراح يستلم راتب من نادي النصر الا بعد ست شهور هذا اذا عطوة راتبه لان لاعبين النصر يجلسون ست شهور او خمسه وهم ما استلمو راتب وهذا ما صرح به القريني والهريفي عارف بكل شي يحدث في النصر ومستحيل يفرط في وضيفته من اجل ماذا الاعب حقق شهرة وماله اي هدف من انه يكون اداري حتى لو كان طموحه حفل الاعتزال والعوائد الماليه هو عارف انه ماراح يجيه شي لانه شاف الي صار لماجد عبدالله حتى الان ما استلم حقوقه الماليه

شاطي الراحة :

هل من المعقول لاعب يحب النصر يساوم عليه
حنا مانقول انه يكره النصر لا الهريفي يموت بالنصر
هو ساله تركي ولا جاوب وش نسمية مساوم ام محب ..

شاطي

الهريفي قاله انا خدمة النصر وراح من عمري الكثير وخسرت ترقيات بوظيفتي
ودفعت من جيبي لاجل النصر ..

وش تسمية هذا محب الي يسوي شي لحبيبه مايمن عليه هذا واجبك
الهريفي ياشاطي ..

مشكلته الغرور حتى قال انني رمز وش دعوا ماردونا ماقالي تراي رمز
اعتقد ان الهريفي من الاعبين الي ماودك يطلع بالاعلام لانه فضحية

حتى كلام الامير فيصل عنه بالاعلام غلط ولا احد يتفق معه الا المتشمتين ..