|
يازين عيون حليمة بولند .. يازين طلة طالب بن كنعان" والنتيجة كبينا العشاء!!
مساء الخير ع الكل....
عارفة أني كثّرت عليكم بس يالله تحملوني جازت لي الجلسة بينكم ... موضوعي اليوم عن الغيرة ..! فهل غيرة الرجل كغيرة المرأة ؟ يعتقد بعض الرجال ـ هداهم الله ـ بأن المرأة كائن بلا شعور ولا إحساس ولا عواطف ! فتجده دائما يتحدث ويتكلم دون مراعاة للطرف الأخر ..! وهو لا يعرف بأن زوجته تغضب كما يغضب ، وتصيبها الغيرة كما تصيبه إن لم تكن أكثر مادعاني لكتابة هذه الكلمات هي حكاية حدثت لأحد قريباتي.. تحدثني فتقول : أن زوجي دائما يمدح الجميلات اللاتي يظهرنا عبر شاشة التلفاز ، فأحاول تارة أن أتجاهل وتارة أقوم عن المكان الذي يجلس به ، وتارة أقول له : " وش دخلك به " ولم تجدي كل الطرق التي عملتها معه ، فمرة يمتدح عيون " حليمة بولند " وأخرى يشيد بجسم " هيفاء وهبي " ، وأنا أحاول ـ والكلام لقريبتي ـ أن أعديها بطريقتي الخاصة والتي لم تجدي . تقول : وذات مرة جلسنا سوياً على وجبة العشاء وإذ بقناة العربية تأتي بنشرة التاسعة مساءً والذي يقدم هذه النشرة هما " طالب بن كنعان ، وزينة يازجي " وحين طلت زينة يازجي مارس زوجي ذات الأسلوب فقال : " والله يابشرتها صافية" بعدها حاولت أن أغير التكتيك الدفاعي التي مارسته ـ طبعاً التكتيك الدفاعي جايبته معي من قسم الرياضة ـ ههههه المهم تقول حاولت أن أغير الطريقة التي أفعلها حينما يمتدح امرأة أمامي ، وليتني لم أفعل !! فحينما ظهر طالب بن كنعان قلت : " والله ياهو شخصية بعد وذا جمال رجولي" تقول أنا لم أقصد طالب بذاته فهو لايهمني ، ولكن هي رسالة لزوجي لكي يشعر بما أشعر . ولكن ماذا حدث بعد هذا ..؟؟ حدث النون وما يعلمون ،غضب الزوج ، ورفع صوته ، واحمرت وجنتيه ، وبدأت أعينه تتقد ناراً ، وبدأ يمطر علي بسيل من الكلمات الجارحة . وبالنهاية ماذا حدث ؟؟ أسبوع كامل لم كلمها !! والعشاء لم يؤكل ..! لاخراب بن كنعان! أخيراً : هل ماعملته هذه الزوجة صحيح ؟؟ هل ما عمله الزوج منطقي ؟؟ أليس للمرأة شعور داخلي كما هو موجود بداخل الرجل؟؟ نترك الإجابة لكم .... |
هدي اهانه بطريقة غير مباشره مااقول الا الله يعينهم على انفسهم كلاهما الزوج والزوجه انظرو ماذا فعلت بهم (توافه الأمور) تحيتي لقلمك الحيلو ياحيلوه:d |
اقتباس:
عين العقل ,, ماينفع الا تجاريه بنفس الاسلوب هو بيقوم الدنيا ويقعده بس ماعليه اتحمل اهم شي احسسه و اغيضه مثل ماأغاضن ,,,, |
[frame="1 80"]
مساء الخير ع الكل.... عارفة أني كثّرت عليكم بس يالله تحملوني جازت لي الجلسة بينكم ... [/frame] مثلك مثل اي عضووو بالمنتدى يعني مو كل موضوع تحملوني على بالك ان القسم حكر على فلان وعلنتااان على العموم نخش بموضوعك كلنا ندري أن الحريم مثل الرجال تماما لهن نظرة بالرجال مثل ماللرجال لهم نظرة بالحريم بس يبقى أن البعض يعلن نظرته واعجابه حتى لو كان أمام نصفه الآخر وهو ما أمقته تماما |
ياحي الله الزعيمه دائم متميزه بمواضيعك ي بنت الهلال
الزوجه معه حق باللي سوتوه بزوجه والله غريبين هالرجال يحسبون المره ماتغار مايدرون انه اشد غيره من الرجل الله يعظم اجركن ويصبركن ع جالكن والله انك ترحمن |
اقتباس:
تحياتي .. بالفعل معظم الأمور من مستصغر الشرر تحياتي ياحلوة. |
[quote=فديكا التميمي;5001945]
عين العقل ,, ماينفع الا تجاريه بنفس الاسلوب هو بيقوم الدنيا ويقعده بس ماعليه اتحمل اهم شي احسسه و اغيضه مثل ماأغاضن ,,,, حياك فديكا ... بس ترى السالفة بها زعل ، وكبت عشاء هههه والتروي أحيانا مطلوب ، واحيانا يكون فعلها " عين العقل " كما أشرتي يسلموااا |
اقتباس:
حياك ..امرؤ أدري أني مثلي مثل غيري ..بس يقال عندي ذرابة شوي . وتعرف بقسم الرياضة ماهنا أكثر من هوشاتي ومخالفاتي قلت بهذا القسم أظهر بوجه غير واغير التكتيك بس والله يا أنت جاااف ما تفوت شيء هههه هلا بك وشرفتني ..بس لا يكون هذا الموضوع من فئة ابو ريالين |
اقتباس:
حياك أخي عاشق .. أمين .. أسعدني مرورك |
|
اقتباس:
أهلا غاليتي .. دائما مداخلاتك ظريفة أو بالصميم ... تحياتي لك .. بس ماراد الله أنها تمدح سعود أنتي صادقة خربانه خربانه هههه |
امممممممممممم تصررف الزووجه عيين العقل
بلعكس اشجعه على هالخطوه ماينفع الا كيذااا بالرجااال |
مستغربه من هالحرمه وشلون قدرت تتحمل يجرحها بهالشكل الغبي
من كلامك أنه يوميا يجرحها وهي ساكته وتوها تنطق لو أني بمكانها كان من أول مابدا يمدح ويوصف رديتها له بالمثل لانه مثل هالأمور ماينفع فيها الا تردينها حار بحار ولا بتنفقع مرارتك وأذا زعل خليه يزعل يعني له وجه يزعل وهو الي من الأول يجرحها ولا وساكته هذولا هم شهباننا شيييييييييييين وقوي عين بعد يحبون يهينون الحرمه بكل الطرق الممكنه موضوعك أكثر من رائع تحياتي العطره لكي |
. زوجها مايعلب الا بتكتيك هجومي وانا من رايي انه تلعب تكتيك دفاع وتعتمد على الهجمه المرتده العقل نعمه ! والاتزان بالامور هو عين العقل اذا كان زوجها مايقبل الدفاع ولا عنده روح رياضيه المفروض تكون اعقل منه ولا تجاريه بالهجوم يعني زوجها عديم احساس ولا يقبل انصاف الحلول ياهو يتكلم او يزعل والحقران يقطع المصران تحقره احسن له وتفتك من زعله وتعرف انه ماعنده الا الهمق ولا راح يطولهن والنتيجه توصلها بلنتيات والحظ يعلب دور فيها |
لا غلط انه تمدح رجال قدامه اكيد يبي يزعل وزين اللي ماصفقه بالصحن ...
اممم رائي تحقره ولايهمه ولاتغار تكون واثقه من نفسه واذا جت وحده حلوه بالتلفزيون تناديه يشوفه لاتفوته خليه يتعذب ويتحسر اذا ماشافه عنده يبي يشوفه من وراه خليها تشوف وش عنده |
| الساعة الآن 01:04 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة