|
هل تقبل بأن تتزوج بمطلقة ؟؟؟
السلام عليكم ورحمه الله
موضوع مهم ويهم المرأه الخليجية بالذات بحكم مجتمعنا وعاداتنا وتقاليدنا الصعبه ؟؟ هل من حق المرأه المطلقه او الارمله بان تتزوج وتعيش حياتها كأي امرأه اخرى.... وهل لها الاحقيه في اختيار شريك دربها سواء كان متزوج أو مطلق او متوفاه زوجته اولم يتزوج مطلقا. هل تقبل ايها الرجل الزواج بمطلقه او ارمله .. هل تقبل بمطلقه وعندها اولاد من طليقها ؟؟؟؟ وهل تتوقع بأنك راح تكون سعيد معها . هل ستعامل اولادها بمحبه وعطف الاب؟اوبمعامله عابرة لاطفال فقط وهل الزواج من المطلقه الموظفه وعندها اولاد افضل وايسر؟ والسؤال للمرأه هل تتزوجين برجل مطلق وعنده اطفال؟ اورجل متوفيه زوجته وعنده اولاد. او رجل كبير بالسن ومعدد . ارجو الاجابه من المرأه والرجل لكم ودي وتقديري |
اقتباس:
|
الجواب نعم ولو فصلت فيه لتهمت بماليس فيني والأمر يرجع للنفوس والفرص ومعرفة مميزات تلك المطلقة ومتوقع أن يقال نعم ويقال لا و أميل إلى أن ( لا ) لا تقل عند الشباب 80% ونعم لا تقل عن 95% عند المتزوجين .. زواج ( ثاني ) الطلاق ليس ذنب الأنثى ، والبيئة الأسرية هي المدان الأكبر وهناك رجال ( لن ينجحوا في الحياة الزوجية ) وخيارهم فقط رفع مستوى التضحية والتنازل عما أعتاده ، والتعايش وفق طبيعته وستظل الحياة الزوجية هي أقل محطاته أهتمام ! فهناك ( أنثى ) لن تجد في الحياة الزوجية مطلبها ( لسببها ) !! فهي تفتقد مقومات حقيقية لتحقق ذلك . قبل أيام قلائل حدثني صديقي عن المقومات التي تمتلكها أخته المطلقة ومنها الجمال والسنع والفكر والطموح و الثقة وقوة الرأي و .............، وأخبرني بزواجها قريباً قرأت فيما بين السطور ( طلاقها ) واتوقع أن يحدث ذلك كنت صريحاً وصادقاً و ألمحت لذلك الخطر ( الهادئ ) فكان ماتوقعت فطلقت وقلت لشاب تأخر زواجة عن المعتاد أحسن أنك ماتزوجت لحد الآن وأخبرته أن هناك مشكلة عنده سيطلق لو تزوج فقال : هي سبب تأخري بالزواج ! قلت : حفظ الله عليك سعادة قلبك من ألم تبعان فشل تجربة زواج ومن الخسارة المادية !! |
بهالديره ودتس تعرسين بس علشان تتطلقين ويقوم سوقتس خويتي كأي فتاة تقدم لها الشباب الملحط واللي يلقب البنت السعوديه بأم ركبه سودا جاها ولد ابو صالح الموظف بالوطنيه راتبه الفين ونوص ورافع خشمه على سمارها ماجازله :/ وجاها ولد ام عزيز اللي ابوه طاح بتسليب ومات موظف بالشئون الاسلاميه طلب منها تترك وظيفتها تماما لان الوظيفه فساد للحرمه يبيها تتجاعف هي وياه مر الحياة بهالخمستلاف اللي هو ياخذ كل شهر وعيت وخلته جاها المدرس الوسيم بس انه عصل وسكسوكته مايله :| وتزوجته وحضرنا كلنا ياصديقاتها زواجها ورقصنا وغنينا وبعدها بثمانيه شهور قالت تطلقت :( وقام حظها وسوقها كل ماقالت لي جاني فلان اللي بالمكان الفلاني طارت عيوني ناس اكفاء من يحصله يمر من عند سيارتهم مو عاد يعرس عليهم :| مسايير على الكيف ودراهم وبيوت وسواويق وسفر ودلع هنيالكن يالمطلقات والمسيار مع الهبال يتحول لخدمه دائمه ياللي توحون :) |
تنكح المرأه لثلاث
أعتقد أن المطلقه الواعية والفاهمه لم تنتهي حياتها بل بدأت مرحلة جديدة بتفكير أعمق وإختيار ادق . وشخصياً لا أرى أي إشكالية في الزواج من مطقلة |
بالله وش تحسين بوه وانتِ تسألين هالسؤال
يعني المطلقه ماهي مرهـ العالم تفكر تصنع ذرة وحنا حدنا المطلقه والعانس وغيرووا |
No WAy :)
|
اقبل بحالتين
اذا كان زواج ثاني او كنت كبير بالعمر , ^..^ |
اقتباس:
اقتباس:
اقتباس:
والله انك خطييرة وتعرفين تنعشين المواضيع ماشاء الله تبارك الله |
النظره للمطلقه الحيين مو زي اوول لاااا الحيين عادي
اناا اعرف ثنتيين مطلقاات وتزوجن رجاال ماكد تزوجو ومشالله رجاال بكل معنى الكلمه متوظفيين وعايله محترمه واخلاق يعني الحيين الناس تطوروو ماصاار يهمهم مطلقه او لااا اهم شي تكوون بمواصفااتهم اللي يبوون |
اللحين ..
الشيبان يطقون بنات بالــ18 واللي معه ذر عيال مايبيه الآ البنات العذارى .. يعني اللي يبي يتزوج مخباتك تحكمك .. واللي مامعوش مايلزموش رآآح وقت آول .. والمطلقه يمكن تفضل عند كثير من الرجال بألف مره عن البنت يعني هي رغبات .. لكن يمكن اللي لها عيال سوقها شوي ظاايح .. الله يستر على الجميع ويوفقهم .. لكن مازالت العادات والتقاليد باقيه .. بنظرة الشعب للمطلقه . والآرملة لأنها بنظرهم حياتها تنتهي مع أول زوج .. للأسف .. هذا هو الواقع .. !!!!! |
ماالمانع من الزواج بالمطلقه ياأنتِ ؟ |
لا ما اقبل لا بشاب ولا مطلق ولا ارمل ولا معدد ولا كبير بالسن اقبل اني اعيش بدون زواج اكمل دراستي واتوظف واعيش حياتي بالطول والعرض بدون رجل يتحكم فيني وان وان وان شفت نفسي افكر بالزواج ماراح يكون عربي السلام عليكم :for6: |
المطلقه بدون بزران هذي قويصره
|
لامشكلة فالطلاق لايعني الفشل
ويعجبني الرجل أو المرأة الذين يتخذون خطوة وموقف جرىء للبحث عن حياة أجمل وافضل ... الشيبان الحين فرحين يقولون الله يبارك في هالشباب كسرو لنا خشوم البنات يتزوجه وبعد اسبوع يطلقه وتكون فرصة جاهزة ومستسلمه لنا !! انا ارى ان الفتاة المطلقة يجب الا تستعجل في الزواج ولا تنظر لنفسها بأنها بائرة بل تصبر وتتريث فربما يكون القادم وما يخبيه القدر أجمل |
| الساعة الآن 02:00 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة