|
طلقني وتزوج أختي بدلاً مني
بسم الله الرحمن الرحيم
(لو علمت المرأة المتزوجه بمرارة العنوسة لقالت لزوجها طلقني وتزوج اختي العانس بدلاً مني ) هذا عنوان لمقال كتبته إحدى النساء في إحدى الصحف قبل عدة سنوات وتحت هذا العنوان بدأت مقالها بسرد قصتها وتقول ( كنت في الصغر أفكر كيف أن الشريعة الإسلامية لم تعدل بين المرأة والرجل وإلا كيف تسمح بالتعدد للرجل دون المرأة وكنت أحارب التعدد لكن الله سبحانه وتعالى أمهلني حتى فاتني قطار الزواج وجلست وحيده بعد وفاة والديَّ وذقت مرارة العنوسه عندها علمت ان الله سبحانه وتعالى لم يشرعه الا لحكمة ونصيحتي لكل إمرأة متزوجه أن لاتمنع زوجها من التعدد وتحتسب الأجر من الله تعالى وتفكر في أخواتها (العوانس) فلو علمت المرأة المتزوجه بمرارة العنوسه لوصل بها الأمر إلى أن تقول لزوجها طلقني وتزوج اختي العانس بدلاً مني. سؤالي للنساء هل تؤيدونها أم لا ؟؟؟ لو أن المرأة كاتبة هذا المقال تزوجت هل ستقول لزوجها ماتود أن تقوله النساء لأزواجهم (طلقني وتزوج اختي العانس بدلاً مني)؟؟؟ ام أنها ترجع وتحارب التعدد ؟؟؟؟؟؟ ننتظركم .. |
اممممم يمكن لو لي اخت كاان قدرت اجااوب
|
والله ماندري عنها لكن لو هي متعلمه وعندها وظيفه وزيادة على الوظيفه تعمل لها عمل تطوعي تحتسب فيه الاجر ما جلست تتبكبك تبي رجل من زين هالرجال عاد وان اخذت رجل معدد راح تكون الثانيه في كل شيء مو بس بالزواج مالها اي كرت بالحياة يعني ماراح يكون فيه عدل استغرب من تمسك الحريم بالزواج سبحان الله مع ان الرجل العربي فاشل بالحياة الزوجيه الا ان النساء العربيات قاتلين انفسهم على الزواج اكثر من النساء الغربيات مع ان الرجل الغربي رجل رومانسي ولا فيه مجال للمقارنه بينه وبين العربي نجد ان المراه الغربيه تعيش حياتها وتعمل ومخلصه وحريصه على العمل وان وجدت شريك مناسب لها تجلعه في المرتبه الثانيه من حياتها اما المراهـ العربيه اذا تزوجت نست العالم كله بس تفكر بزوجها وكيف ترضيه واذا ماتزوجت جلست تصيح ليل مع نهار تبي رجل بينما الرجل عايش حياته بالطول والعرض وينظر للمراة انها كائن حي للاشباع والتكاثر فقط ياعزيزاتي الحياة ليست رجل الحياة ليست رجل الحياة ليس رجل السلام عليكم :14[1]: |
الحمد لله اكيدلا لن ترضا المره بتعداد ولكن يجب ان يكون هناك تنزل
|
لا يوجد امرأه تتمنى ان يتزوج زوجها باخرى وان كانت ثمله بالتقصير!!
قديماً يقولون الرجل شريك العقل.. وزمان قبل ليس بمثل زماننا الحالي الملي بالفتن والنساء حول الرجال بكل مكان فمابالك بزمان الان هل تتوقع بان امرأه تطلب من زوجها الزواج باخرى في ظل تلك المغريات؟؟ ربما اذا كانت لا تملك اعطاءه حقوقه لمرض او غيره. |
الحيين ابي افهم ليش المره معتبره الزووج كل شي بالحيااة واذا ماتزووجت خلااص
تسوود الدنيااا بعيووونه وتعيش حااله الهم ياكاافي تراا الرجاال مو كل شي بالحيااة |
سوالك للنساء بس ابجاوب من منظور كثيرمن شباب هالوقت .
فيه مثل نقول كثيرا (جزيت خيرا * وجوزت بكرا) المتزوجين يقولون ادع لي بالاولى ولاتكمل الباقي . عساه بحمله تثور مانبي ثانيات وشلون تبي لحريم يرضن . ههههه |
اقتباس:
!!! غريبه !!! |
[align=center][tabletext="width:70%;"][cell="filter:;"][align=center]المشكله الوقت هذا الزوجه الثانيه تدخل ع الاولى شاده حيله ماترتاح لحد ماتتخلص من زوجته الاولى هي وعياله عشان كذا لايعرس الا اللي قلبه جامد ويقدر يعدل ومايمشي عليه لعب الحريم لانه مو منطقي ننقذ وحده من العنوسه ويتشتت عشان حضرته بيت كامل [/align][/cell][/tabletext][/align]
|
ذكرتيني بهذا المقال بحدث ماضي قديم مضحك ايام المراهقه .. بعدما ارتيت الحجاب شاور زوج احدى شقيقاتي شقيقتي بطلاقها والزواج بي وصارت تكرهني دون سبب سنوات وانا ماعندي علم الا لما كبرت وشبيت خبرتني اختي.... ولا زالت مانست السالفه مع زوجها..! عن سؤالك لا ما اتنازل بالتأكيد عن زوجي يتزوج اختي ..!! لاسباب صعب احصرها بسطرين اقتباس:
..لالا ظلمتي بناتنا يا ايثار.... اختي ايثار... لا تقارني المراة الغربيه بالعربيه السعوديه من هالناحيه...؟ المرأة الغربيه لادين يردع ولا اخلاق تعف ولا مراقبه ولا محاسبه عليها الغربيه تعيش حياة المتزوجات عندنا بيت ورجل وابناء دون زواج ..! وهذا عندهم اكثر من الزواج ... ولما تمر سنوات طويله وهم ما افترقوا اقتنعوا عندها انهم مناسبين لبعض واعلنوا خطوبتهم وزواجهم ... وعيالهم حاضرين الزواج ..! اما السعوديه فهي في سجن الا مع طاعة الله ورضا والدينه تكون سعيدة والا كان بسجن ما يعلمه الا الله ببيت اهله جالسه... ما تطلع الا معهم.. ولا تدخل الا معهم.. ولا تسافر الا معهم ومقيدة بعادات وتقاليد تمنعه من الخروج مثل عزايم صديقاته او زواجاتهن ..وهن بنات مثله .. و المجتمع كل حاجه محرمه عليه ..ماعنده طلعه الا لدوامه واللي غير موظفه وش بتسوي عاد..!! تلومينه لاتمنت تتزوج..؟ وتكون اكثر حريه رجل واحد فقط مسؤول عنها غير الحاجه الغريزيه للرجل ..وغريزة الامومه .الغريزتين اللي ما تقدري تنكرينهن ابدا. ...والاستقرار والمكانه الاجتماعيه اللي راح تكون فيها بعد الزواج ....المتزوجه ارفع شان من الالاف الموظفات بسبب فقط ارتباطه برجل ..!...وعدي واغلطي من مزايا الارتباط برجل يا ايثار..! موفقه |
اللهم ياحي ياقيوم لاتجعــــــــــل في قلب زوجي أنثى غيري
واجعلني أجمل وأحب نساء الأرض عنده اللهم اجعله لي كما أريد من غير شر قولوا آمين .... < غيرتي شديدة رحماك يارب |
يقولون وحده توفي زوجه وكانت حزينه تبكي واللي حوله من الحريم يهدونه ويقولون ادعيله بالرحمه
شوي سكتت عن الصياح قالت ايه مدامه ماعرس الله يرحمه كيف تبي تقول لزوجه طلقن وتزوج اختي؟؟؟ |
لاتعليق
بس اقول ,,,,لن يصبنا الا ماكتبه الله لنا........ ومايحس بنار الارجل واطيها |
اقتباس:
اما عاد يطلقها و ويتزوج غيرها ما جريت الطلاق الطلاق اشد الم من العنوسة ترا بعض الكاتبات مو صادقات حبر على ورق لو جا الجد ما توافق ومستحيل وحدة تقول كذا اما العنوسة قدر ومكتوب للبعض انهن يعشنا من غير زواج وكل يرضا بنصيبة وحظة وتعيش الحياة ترا العمر مو طويل |
بعض الردود لم يفهموا مقصدها من قول: (طلقني وتزوج أختي بدلا عني)
هي قالتها بصيغة المبالغة ولإيصال الفكرة وألم العنوسة |
| الساعة الآن 05:01 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة