|
سأقف مع الرايد في محنة الــــ(( نقيييييطه )) !!!!! مناشداً المطوع @!@
سأقف مع الرايد في محنة الــــ(( نقيييييطه )) !!!!! مناشداً شيخهم المطوع @!@ $ ياشيخ الرايد صاحب أفضل نادي محافظ على النقيييييطه $ أيرضيك الوضع المزري !!!!! أيرضيك التدهور الفعلي !!!!! أيرضيك التخبط العشوائي !!!!! أيرضيك التشتت الذهني !!!!! أيرضيك الضياع القهري !!!!! فقل لي بربك أترضيك هذه النقييييييييييييييييطه متذيلين الترتيب بالمؤخره مع الأشقاء أبناء الأنصار وهل وصل الطموح لديكم لحد هذه النقييييطه (( اليتيمه )) فأين (( الوعود )) وأين (( البشارات )) وأين (( الهزات )) وأين (( التصبيرات )) فماذا أنت فاعل وناديك أصبح (( محطة تزود بالنقييييطات )) وناديك بنقيطته مثبت بالوتد النقطي ؟ فهل ستقف موقف المتفرج لحين الهبوط المتوقع من قبل جميع الرياضيين المحايدين (( إن شاء الله )) أم أنه بمقدورك أن تنتشل نقيطتكم وتصبح نقاطاً تنجيكم من الهبوط مع الوضع الصعب في المواجهات القادمة! فياشيخ الرايد ها أنا الكرينكوف التعاوني لن أقف مكتوف الأيدي ولن أصمت كحال البعض ولن أحابي ولن أجامل ولن أبخل بالنصح حسب الخبرة الرياضية والأمور بالأصل لاتحتاج للخبرة ولكن يتطلب ماهو موضح أدناه :- أولاً : يتطلب إعادة التشكيل الإداري وجلب أصحاب التخصص مع إعطائهم الصلاحيات الكامله بالتشاور وليس بالتشكيل (( الصوري )) كما يعرفه الجميع وما اللجنة الفنية عنا ببعيد وبالأمس القريب! ثانياً : الحزم والشدة وعدم الدلال وإعطاء كل ذي حق حقه ! ثالثاُ : الإهتمام بالفريق والضرب عرض الحائط للمشوشين وعدم تفسير تصاريحهم سواءً كانت حقيقيه أم غير ذلك فلن يفيدك المدابتس وراء تصاريحهم فخلفهم لن تجنى النقيطات ! رابعاً : محاولة الإقلال من الظهور الإعلامي فالإعلام سيبحث عنك حينما تكون في الجعبه نقاط وليست نقييييييطه ! خامساً : أفعل مابوسعك أن تفعله لأجل أن لايكون الهبوط في رئاستك فليس مع كل هبطه سيصدر قرار ! && رصاصة من الكرينكوف && & نبارك للأشقاء تفوق عدد الأهداف على نقييييطتهم وهنا نقول لازال للوقت بقيه فبمقدور هذه النقييييطه أن تتكاثر ولكن ياحسره من لايرحم في الطريق ينتظرهم على أحر من الجمر لكي يتزود كما تزود الآخرون <<< (( وش حيثهم )) ! & فاضت مشاعرهم فيضان تجاه شيخهم المطوع فبعد هذه المستويات الهزيله والنتائج السيئه المؤديه للدرجة الأولى دغري (( إن شاء الله )) بدأ بعضاً وأشدد على بعض الريداويين بإنتقاد شيخهم بالتخبطات والإعوجاجات وضياع (( النقيطات )) وقل السنع والدبرة ! & لسان حال الريداوي يقول :- وش لون أتعيد وأذبح الشاة وأنا مذبوح بنقيييطة مالها مداوي ! && من كاتم الصوت للكرينكوف && أهدي أغنية عزازي لمدرب الرايد القادم ابوسويح (( يمديك ترجع )) !!!!! |
هلا بالكرنكوف
مابليد حيله (( مشكلة)) الدور الاول ينتهي بنقطة والدور الثاني بنقطه يعني (( نقطتين )) تضم لأولويات ولد الحسون (( اول نادي سعودي يهبط بنقطتين )) هع بقي سبع مباريات من العيار الثقيل اولها الزعيم الهلال واخرها الزعيم التعاوني (( مشكلتين)) لذلك يالحبيب لا تحاول مفبش فايده بنووووب |
الاغريبه مالاحضتو شي رئيسهم فهد محمدالمطوع زي ناديهم تكتبه مافيه الانقطه واحده وش سالفة هاالتوئمه ارجو من الورديين ان يردو علي با الايضاح لاني عجزت افهمها /درغاااام
|
الحمدلله اني اشجع رائد ... لاتخيلت اني ممكن اشجع تعاون او القدر سايقني للتشجيع التعاون كوش جلدي ياربيه مادري شلون صابرين عليه تعه.. قاملكم الحظ هالسنه وصجيتونا لو انتم مثل الرائد مكسر روسكم الخمسين السنه الماضيه وش سويتو.. والسؤال الثاني لو عندكم نص مشجعي الرائد واحبايه وش سويتو.. لو عندكم مشجعي الرائد من ارقى فأة المجتمع مركزا وش سويتوبنا ..
|
اه يا خوفي يهبط الرايد
ونفقد ست نقاط |
اقتباس:
|
عشقي التعاون
اقتباس:
أولاً : ألف مبروك لنادي هجر الفوز على الرائد 0 ما تدري ليش يكوش راسك من شي اسمه ( التعاون ) لأن ( التعاون ) صاير كابوس لكم من الكبير حتى الصغير بنادي الرائد ، من سنين تحسبون له ألف حساب , والحمد لله انه ما عندنا مثل مشجعين الرائد اللي أغلبيتهم عرابجة 0 هههههههه أنتم ارقى فئة بالمجتمع ههههه وغيركم جاي من الصنادق 0 هههههه |
عشقي التعاون
اقتباس:
قصدك النقطة اللي على حرف الفاء هههههه حلوة 0 |
نصائح بالصميم أرجو ان تصل لشيخ الرايد فهد المطوع حتى يتفادى هبوطاً سيسجل بإسمه رغم الملايين التي للأسف وضعت بفريق لا يستحقها
وبنفس الوقت أتمنى أن لا تصل ( عقاباً ) للمطهبلين من قم الرايد . الكرينكوف : يبدو ان الرايديين تعودوا على ( قرارات الفزعة ) ولذلك يحاولون كتابة التاريخ بتسجيل انفسهم أول فريق بالدنيا يبقى بقرارين هع هع |
اقتباس:
طيب ليش مغطي وجهك بالصورة مستحي من النقيطة هع |
يمدحون أم فريح (الله يطول عمره ) اللي تعالج بالمغتصبه تكشف عليهم وتعطيهم علاج أغدي نقيطتهم تكبر شوي ..
|
انا اقل شخص يرد على مواضيعك
بس حبيت اقول لك شي اتمنى نهاية الدور الاول نشوفك في المنتدى انت وباقي جماهيرك وراح ارهن رهن نهاية الدور الاول مانشوفك ولا نشوف لكم ولا موضوع |
اقتباس:
كأنك تتكلم عني أو تعرفني |
الله يالدنيا أولا: التاريخ يتكلم عن نفسه...راجعو تاريخ لقاءات الفريقين ثانيا: مااذكر اني دخلت منتدى الرائد وشاهدت موضوعا يسيئ لنادي التعاون ويسيئ لرجالاته... واذكر اني من دون قصد دخلت منتدى التعاون فوجدت مقالات لا يمكن ان تكون من شخص رياضي وعاقل من تلفظ وقذف واساءه لرجال لهم سمعتهم بغض النظر عن ميولهم الكروي حتى انني تكلمت مع صديق لي من جماهير التعاون وفتحنا منتديات كلا الفريقين لكي اثبت له صحة كلامي وبعد ذلك بأقل من شهر صدر القرار بتغريم التعاون لما يتضمنه المنتدى من اساءات وتهجمات لاتمت للرياضه بصله. والآن تتحولون لمنتدى بريدة!!! على حسب كلامك الحمدلله ان الكيان نور دوري الكبار بتسببه بزيادة الانديه ولم يشوه صورة المنطقه والكره السعوديه ولم يصدر بحقه قـــرار لتلاعبه بالنتائج.. واتمنى ان تكون جماهير التعاون اكثر احترافيه ولهم حق النقد الهادف لادارة ناديهم فقط.. لاكن لا نسمح بالتطاول على الكيان ورجالاته فالرائد بتاريخه الذهبي مدرسة يتعلم منها الغير ولكل جواد كبوه وكبوتنا كبوه مؤقته وتذكرون هبوطنا للارياف وانتم بالاولى وبعدها صعدنا الدرجات الى ان صعدنا للممتاز وانتم بالأولى تراوحون.. وعودنا الرائد انه بعد كل كبوه يعود عودة الكبار.. ويكفي قول الشاعر الكبير احمد الناصر: كان ودك تعرف الرائد حقيقه حطه بموقف صعب وتستريح وخل عدوانه توقف في طريقه يمرض الرائد ولاكن مايطيح أشهد انه يقلب الدنيا حريقه لانجرح يازين فزات الجريح المعادي نشف الرحمن ريقه من يلومه قامت دموعه تطيح كم تبعنا واحد واهمل فريقه من بدا الدوري وهو نفخ وفحيح والنهايه شاهدوا كل الخليقه كيف سرنا صح بالدرب الصحيح ......... القادم احلى انشاء الله وش رايكم بالرد ماكأنه برج مياه بريدة هههه |
حشو كلام فالرائد سيعود وسيلتهم فريقك وسترى
ان المثل الي يقول قدم ....... سينطبق عليكم فالرائد فريق كبير ولا تهزه خساره او خسارتين فما زال المشوار طويل |
| الساعة الآن 12:39 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة