بطاريه جوالك تفضى بسرعه "هنا شويه نصائح"
 

السلام عليكم ورحمه الله وبركاته

أكثر شي يعانون منه المستخدمين الجدد للنظام هو البطارية !
وبسرعة تلاقيهم يبحثون بالنت عن حلول أو يكتبون عن هالمشكلة ,

أسباب كثيرة تخلي البطارية تخلص بوقت قياسي منها :
# المستخدم الجديد بالعادة جايب العيد
بمعنى تلاقيه فاتح البلوتوث والـ GPS ونور الجهاز ع أعلى شي و أول الأيام كلها بس يحمل من هالبرامج والألعاب بشكل خيالي
بحكم إنه جديد ويبي يجرب كل شي وتلاقيه مايفك الجهاز الا وقت النوم وفوق هذا يستفسر ليه تخلص بسرعة
#وفيه شغلة ثانية لازم تعرفونها البطارية بعد عدة شهور من الإستخدام تتحسن وتصير تجلس معاك وقت أطول ف اصبر عليها

هنا حلول ممكن تساعد البطارية تجلس وقت أطول :
1- الضبط > الشبكة اللاسلكية والشبكة > شبكات الهواتف المحمولة > نمط الشبكة خلوه " GSM "
2- الضبط > الشاشة > السطوع حاولوا تخلونه ع أقل شي دائماً ..
3 - الضبط > الشاشة > وضع الشاشة > اختاروا فيلم ..
4- الضبط > الشاشة > مهلة الشاشة > الأفضل اختيار "30 ثانية" يعني اذا مرت 30 ثانية وأنت مااستخدمت الشاشة تسكر تلقائيا وبمجرد ماتضغط ع زر الهوم تشتغل
5 - الضبط > الحسابات والمزامنة > شيلوا الصح عند "بيانات الخلفية" ولاتحطون صح عنده إلا إذا احتجتوا الماركت تحملون تطبيق أو تحدثونه حطوا صح وأول ماتخلصون ارجعوا شيلو ..
6- لما تخلصون من تصفح النت أو من برنامج أو لعبة روحوا لـ مدير المهام > التطبيقات النشطة > إنهاء الكل ..
7- لما تكون بمكان بعيد عن الشبكة أو عن المودم اعرف إن البطارية تصرف أكثر لأنه يحاول يشبك أكثر من مرة
8- سكروا الـ GPS , Bluetooth ,WiFi أول ماتخلصون منهم , مثلاً بتنامون سكروا الواي فاي واذا صحيتوا افتحوه لاتخلونهم مفتوحين وأنتم نايمين ..
9- الخلفيات المتحركة تصرف من البطارية بشكل كبير حاول دائما تحط خلفية ثابتة ..
10- الخلفيات السوداء أو اللي تميل للسواد تصرف أقل من الخلفيات الملونة حتى لو كانت ثابتة ..
11- اللي يقلل عمر البطارية إنك تخليها تشحن وتوصل 100% وماتفصلها وتجلس ساعات وهي فُـل

بالنهاية أجمع العلماء ع أكثر 3 أمور تصرف البطارية بشكل هائل :
سطوع الشاشة ، استخدام 3G بكثرة ، استخدام المزامنة في التطبيقات بكثرة

مشكور على المعلومه

بس وشو نوع الجوال اللي تتكلم عنه؟

يعطيك العافيه

يعطيك الف العافيه