|
رأيكم يهمني
السلام عليكم
اخواني وأخواتي الاعزاء طالبكم المشوره والرأي السديد أنا موظف بمستشفى عام وما أخفي عليكم أن اغلب الموظفين عندنا بالمستشفى لهم علاقه مع الممرضات والموظفات السعوديات ومن بينهم زملائي بنفس القسم !!!! أغلبهم متعرف على بنت أو بنتين ويمكن أكثر والحال نفسه ينطبق على البنات كل واحد عندنا صار يعرف ان فلانه صديقة فلان وفلانه تعرف ان فلانه تحب فلان !! والله من كثر ما أسمع وأشوف صرت ما أثق بالبنات أبد ابد تخيلوا أحد زملائي يشكي لي معاناته مع البنت اللي رفضت تمسح رقمه بعد ماعرف انها ملكت وزواجها راح يكون قريب << تقول أحبك وما أقدر انساك !!! باختصار المشكله قبل ما أعمل المستشفى هذا واشوف هـ البلاوي كنت متقدم لخطبه بنت تدرس في احدى المجالات الصحية طبعاً الخطبه غير رسميه فقط اختي كلمت البنت وأمها واهلها موافقين مبدئياً والان أنا متردد خصوصاً أن زملائي بالعمل يقولون مستحيل نتزوج من بنت تعمل بالمستشفى واذا ناقشتهم وحاولت اقنعهم ذكروا لي قصص بعض البنات اللي اشكالهن توحي انهن عاقلات وملتزمات ولهن علاقه مع بعض زملائهم !! |
واقع العلاقات المحرمه يصعد بمؤشرات خطيره للأسف
والعمل في هذا المجال فرصه لمن تسول له نفسه السير في هذا الطريق الخاطيء ، لكن هذا لاينفي وجود فتيات فاضلات متمسكات بحجابهن وبسترهن . التربية والبيت جزء مهم في إختيار شريكة الحياة فأحرص على التأكد منهما |
اقتباس:
فعلا لو خليت لعدمت لكن المشكله ان الشكليات ليست مقياس على حسن أو سوء بعض الفتياة يلتزمن بالحجاب نتيجة ضغوط الاهل والا لو كانت المسألها بيدها لرمت حجابها عند بوابة المستشفى |
مرحبا يالغالي......اصابع يدينك مو وحده في الشريفه وفيه اللعابه حتى في المجال والمجالات الاخرى.....ولكن هنا اقف واقول لك مادآم عقلك مشبع بكلمة يقولون وتشوف بعينك والشك موجود وبيستمر بعد الزوآج....نصيحة اخت لاخوها لاتتزوجها ابحث عن زوجة غيرها واعتذر بطريقتك افضل لك ولها لان سوف يدمر الشك حياتك المستقبليه وينقص سعادتك لو انها فاضله متمسكه بحجابها......وربي يوفق الجميع للي فيه الخير....
|
إذا أحببت أن تأخذ بمشورة أخيك، فألأفضل أن تناقش الموضوع، خارج هذا المكان، عند أهل الاختصاص، ولك الشكر، موفق إن شاء الله، |
اقتباس:
أسألك: ألا تثق بتعدد الأراء ؟وتعدد فرص البحث عن معلومه مفيده !؟ |
فعلاً اغلب ممن في القطاع الخاص تصرفاتهن سيئة و عشت ذلك مع اخي ،
لكن مهما كان اخي الكريم الاصابع ليست سواء ، . لعلي اناصحك بحل وحيد و هو الاستخاره ، اطلب الخيره و المشوره ممن بيده الخيره ، . اسال الله العظيم رب العرش العظيم ان يوفقك و يرزقك الزوجة الصالحة ، . ~ |
تبي مشورتي
ابعد عن الشجرة ودابه. حتى لو كانت شريفه وعفيفة لابد يجي يوم وتشك فيها لانك مارست المهنة وعرفت مايحصل بها دمت بخير |
اقتباس:
يا أخي مدام الشك موجود قبل الزواج , فـ مابالك بعد الزواج ! آبعد عن الشر وغني له .. وخذ لك وحدهـ ماتدل طريق المستشفيات , أحسن لك وله ~ |
أخي الكريم
.. العاقل لايعمم ولا يصدق كل ما يسمع ويقال وكم من كريمة وشريفة تعمل في المجال الصحي وعلى درجة عالية من القيم والاخلاق . لكن بما ان نظرتك شبه سوداوية فانصحك بعدم الزواج ممن تعمل بالصحة وتختلط بطريقة مباشرة بالرجال . تمنياتي لك بالتوفيق |
مشكلتك بإذن الله تعالى سهله .. واعتقد انك ماكنت صريح معنا في تفاصيل مشكلتك وخاصه انك انت و الخطيبه تعملون في نفس ذات المجال "الصحي " .. لي عودة لك الليله بإذن الله .. |
مايزال مجتمعنى يشك بالانثى حتى دخوله للمنتديات فيه شكه !!!!
عليك بالاستخاره واكثر من السؤال عن الفتاة كم من طبيبه شريفة عفيفه وكم من بنت لم تنهي الابتدائيه داجه خلق ودين . واذا طببعتك لاترتاح لمثل هذا العمل فلتخيرها بين وظيفتها وزواجك منها. |
اقتباس:
لكن تصرفات بعض الفتيات تخلي الواحد شكاك وموسوس غصب |
اقتباس:
اقتباس:
|
المثل العامي يقول
ابعد عن الداب واشجرته والمثل المصري يقول ابعد عن الشر وغني له ويقول اهل الخبره كلما كانت المراه بعيده عن الرجال كلما طابت لزوجها وحسنت عشرتها فالمراه التي تعرف الرجال ليس لها وفاء في الغالب |
| الساعة الآن 02:35 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة