المسلسلات التركيه
 

ياناس والله انهن دمار لفتياتنا خصوصآ المراهقات الي اشوفه شي غريب خاصه مرحلة المتوسطه ياناس بناتنا صارو يهدون هدايا البعض عشان اعياد ميلادهن من متى والله كم عمرنا ماندري متى يوم ميلادنا ولاانجيب خبره تتكلم علي وحده من اقاربي بثالث متوسط تقول تصدقين ودي اجرب الخمر بس مره وحده اشوف بالمسلسلات إذا اشربوه انبسطو وقعدو يضحكون ويرقصون شكله وناسه هذا كلامه بالحرف الواحد يوم قلت اعوذ باالله هاذولا يدمنون وتنحاس حياتهم قالت لا مايدمن عليه هو بس يخلي الواحد ينبسط يوووه ياناس بنت بهالعمر تعلمني وتفهمني عن الخمر ومن إيش من مسلسل تركي يااباء يامهات يالي تقرون موضوعي ومسؤلين عن مراهقين خافو الله فيهم امنعو عنهم المسلسلات هاذي والله دمار صارت البنت الصغيره وبكل جراءه تتكلم كيف حملت هاذي وش سوت هاذي مع حبيبيه ياناس اعيالكم امانه بين ايديكم وحنا بزمن كثرة فيه الفتن حاولو قدر المستطاع تمنعونهم عنهن اعرف واحد مانع بناته من المسلسلات التركيه الاار بسيط اذا ناظروه عاقبهم شهر بفصل القنوات عنهم والله ماعاد يناظرونهن والله اني اقولكم هالكلام من خوفي على اعيالكم اللحين عندي بالواتس وحده مرسله لي صور حفله ارسلتله وش المناسبه قالت عيد ميلادي وبكل فخر قالو له بعض البنات حرام وانصحوها قالت مو انا مزينته زميلاتي مسوياته لي مفاجئه طبعآ برضاء منها الله المستعان من متى صرنا نعرف اعيتد الميلاد وماالسبب

هو صعبه منعهم عن هذه المسلسلات لأنها أصبحت شبه رتين يومي
ولاكن نقدر أن نقلبها إلى شيءإجابي مثلن إذا شفناهم في المسلسل
يشربون خمر نقول مايخفون من الله ثم تجد هذا الطفل يفكر فيما تقول
فا يسألك أسأله فتقول له أن بعض القطات حرام مشاهدتها وأن الله سوفا يحاسبنا على مانراه ومانسمعه فاتجده يترك متابعته دون أي خلاف
تحياتي للجميع وجهة نظر

أستغفر الله بس .. الله يعافيهن ولا يبلانا ..
حتى ليتهن بس المراهقات .. لا ؛ الحريم الكبار منتالي !
..

أعياد الميلاد والخمر والحمل الغير شرعي
موجودة بالمسلسلات العربية من قبل طفة المسلسلات التركية !

الاتراك ممكن يكونون يحكون واقع هم عايشية
البلا بالعرب اللي يمثلون شيء أساساً موب موجود بينهم وحتى لو كان موجود فهو قليل وقليل جداً !!!!


كل شيء راجع للتربية , إذا التربية عدال ماراح تتأثر ( بمسلسل )


: )

\
إيه والله انتس صادزة شيء يقهر يتهادن بعيد الميلاد وعيد الحب !! وش يحسن به أولاه ؟!
اللوم على المربين اللي خلوهن يناظرن المسلسلات على كيفهن لا ويتفرجون معهن بعد ،،
الله يعاافيهن والا يبلانا..

شكراً لك على طرح الموضوع المهم .

كلام صحيح ويجب على شاشاتنا اغلاق الستار امام المسلسلات التركيه فهي لاتحاكي مجتمعاتنا ولا هي قريبه منها ويكفي ارضاء للرؤساء على حساب الشعب وتقاليده انا ضد هذه المسلسلات

الله يذكريك بالخير يالارض الطيبه قسم بالله انه اطلق مسلسل تركي

يااااااويل تسبدي يا زيدان الله يذكر بالخير ..

اما المسلسلات المااصخه منب اتاابع الا العشق الممنوع فقط والحمدلله
خلص والله لا يرده ..


والله يهدينا ويهدي الجميع ياااارب ....

ايييه نسيت شين ثااااني الحين طايحين بالمسلسلات
المكسيكيه من جرف لدحديره هههههه

شكرآ على مروركم وردودكم الرائعه واتمنى من الله الهدايه لنا جميعآ اما بخصوص الاات الي تقول حتى المسلسلات العربيه كيذ اقول كلامك صحيح ولاغبار عليه وجميع المسلسلات العربيه او الخليجيه او التركيه السعيد من هداه الله عنهن بس المسلسلات العربيه تجعل الشخص الشارب سئ والكل يتجنبه وسمعته سيئه اما الفتاة اذا حملت حمل غير شرعي فإن اهلها يتبرؤون منها تصبح حيانها تعيسه وماتلقى احد يرضى فيها زوجه فبتالي مستحيل فتاة تعجب بشارب خمر بمسلسل عربي بينما اذا كان تركي فجدآ عادي عندها فنلاحظ التناقض بين الافكار العربيه والتركيه والمصيبه ان اغلب المراهقين معجبين بافكارهم ومو بس المراهقات زي ماقالن اخواتي بس البلاء اننا نخاف على افكار فتياتنا نسال الله السلامه