منتدى بريدة - ماذا يحدث .. هل انفلت ..؟؟

التجار يزيدون بالاسعار بلا حسيب ولا رقيب ( لاتقولون ) ارتفاع عالمي قارنوا بين المحلات (كلن يغني على ليلاه) ..!

المرور غير موجود .. فلا انظمة تطبق.. قفوا عند الإشارات وراقبوا وانظر ماذا يفعل اصحاب الهايلوكسات وجيوب الربع وغيرها من المراهقين او حتى العقلاء (الصيع) ..!
حتى العماله توطونا بقرمبعهم .. بدون نظام او تنظيم .. يتوقفون بمزاج ويقودون بمزاج ...!!

المستوصفات الخاصه خصوصا عيادات الاسنان .. اسعار بالمزاج وبالهبل ..!

العمالة رفعت الاسعار .. ولعبت بكل سوق حتى البناء .. والعمل اليدوي ارتفع ..

المطاعم .. المطاعم .. اسعار نار .. وتسمم ولعب وقذارة الى اقصى الدرجات ..وهي من قذارة صحة البيئة مع احترامي لبعضهم ..

البروست والشاورما والوجبات السريعة ..آآآآه ياناس ماذا اقول ..؟؟

البقالات .. دون تكييف والله انها كثيرة في الصيف دون تكييف .. ومستودعاتهم اقرب دكان مهجور مستودع للمواد الغذائية في عز الصيف ..!

المستودعات الغذائية الكبيرة صنادق ... والله العظيم صناااادق .. شوفوا شارع العجيبه كم فيه من صندقه ..! غير اللي بوسط السوق ..!

(الزيود) والبنقال (حتى المصري) اشغلوا حريم عباد الله في السوق وعيني عينك ..!
راقبوهم ما بقى الا يسحبها الواحد سحب داخل المحل كل واحد يشر وينادي ..وأشياء اشد لا يمكن ذكرها وتابعوا كتابات النساء

الشريطيه في أي سوق النصب والاحتيال مباشر وعلى الهواء وقمة الوقاحة والتحدي لأن لا نظام يردع اقصى عقوبه بعد محاكم وجرجره ترجع السلعة ..ولا ترجع او تكون انت المخطيء

الوكالات اكلين اكلين من كل اتجاه وياويلك من التجارة لو تشتكيهم او تجيب طاريهم ..!

المدارس الحكوميه لعب بلعب .. يتغيب المعلم كثيرا ويتحمل الطالب كل مشاكله ..!
يقول طالب في المتوسط مدرسنا بالآيفون كل الحصه ونحن مرتاحين منه ..!

طفل في مدرسة حكوميه ضربه اخر بمقص في حضور المدرس خرج المدرس لمشوار شخصي (انظر التصرف ) ثم اتصلوا على والده ليستلمه ولم يتصلوا حتى على الاسعاف خوفا من المسئولية

المقاصف جريمة تجارية وجريمة صحية يبيعون فيشار ابو ربع بريال بعضهم ..(نقلا عن اطفال في الابتدائي وعدة مدارس)

يقول طالب في المتوسطه صامولي بريح جبن او بماء لحم مفروم او بأسم بيض وبدون بيض بريالين .!!

يقول طالب في اليوم المفتوح يجمع المعلمين كل الاكل (الزين ) لهم والباقي للطلاب (وقاحه مرتفعه)
تقول طالبه في احد الابتدائيات يبيعون لنا فطائر الارياف قديمه ناشفة يمكن من امس وانا اقول قبل لأن هناك تخفيض ونسبة ..قاتل الله المفسدين

وأكثر من ذلك ..!

الصيدليات عبث بالأسعار حسب الرغبه ولأن الامر ضائع بين الدوائر سيستمر واكثر ..!

والأتعس من ذلك الموظفين الذين يتعاملون مع الناس حسب (المعرفة أو الشكل أو الواسطه ) ويقفون في حلوق البقية كالمسامير سمر الله رقابهم ..؟؟؟

اشياء كثيرة ولو تفكر كل واحد لوجد اكثر ..وهذه امثله

ماذا يعني هذا ؟؟؟