|
ابـي ســـلف
يالله لا تصبحكم / تمسيكم الا بالخير حمني احتاج فلوس وراح حصوص وخذا منها فلوس سلف ع أنه بيرجع فلوسها بعد شهرين لكن ذا الشهرين صارت اربع سنوات لازالت حصوص تطالب اخوها بفلوسها المشكلة أنه عنده دراهم بس يماطل بحق أخته .. *ممم ما تلاحظون إن الشخص لما يجي يتسلف يترجى وش حليله وأنا ما أكل حق احد, لكن لاجيت تطالبه بحقك تقل تشحذه. *هل تتفقون معي إن المرأة توفي بالسلف عكس الرجال يماطل . |
أهلا غنيمة
الأمر ليس رجل أو امرأة من يتسلف وينوي السداد ويقدر المعروف سوف يسدد سواء رجل أو امرأة . والسلف غالبا يكون مابين اشخاص تربطهم علاقة ومعرفة ويعرفون من هو اذا تسلف سدد ويعلمون بمن يكذب أو يماطل والمفروض هنا أن هذه الأخت تعرف أخيها جيدا . تحيتي لك |
اذا هو قادر ويماطل اشكيه للواحد الديان وذكريه بالله وحتمية ايفاء حقوق العباد واذا لم يستجيب بعدها اشكيه للحقوق المدنيه ؟
فيه اخو ياكل حقوق خواته ! نسأل الله السلامة والعافيه |
ياكثرهم بهالزمن الي ياكلون اموال الناس
بس عندي لكم مثل يريحكم منهم يقول خليه يزعل وفلوسي عندي ولا يزعل وفلوسي عنده http://www.buraydh.com/forum/images/icons/icon10.gif |
طيّب معك سلف
وتراي بسددهم بعد ساعة خخخ مرة واحد قالي معك سلف وأردهم بعد اسبوع قلت خلاص بكرا أعطيك وتركته اسبوع وبعدها ارسل لي قال تراك تأخرت علي قلت راح اسبوع المفروض يكون المبلغ معك الي تبي تسدده لي لو انا معطيك |
اقتباس:
أهلاً عزف الحقيقة ياكثر اللي ينغرون بالناس وليته وقفت ع الاخوان, شفت لجدي الله يرحمه دفتر مكتوب فيه السلف وكذا هذا شيبان متسلفين من جدي قبل سنوات ع ايام سنة السبله خخخخ < ايقالي عجيز واللي سدد واللي شكله سحب الله يرحمهم ويغفر لهم جميعاً . |
اقتباس:
هلابك بدر يمكن الطمع يرد بعض الناس عن تسديد حقوق الآخرين , أعتقد إن الاخوان ارحم من الناس ع الاقل بيسامحونه لما يموت . |
اقتباس:
هههههههه والله وطلعت حكيم شكلك مقروص خخخ |
اقتباس:
أنا اللي ابي سلف شكل الاعضاء مرعوبين من عنوان موضوعي :c7: راحت الساعة الله يسلمك < ومنكم نستفيد شكراً لك |
-
والله ي الغلا انك صادقة... المشكلة لاصاروا أخوانك يحرجونك ب زوجك يقولون خليه يسلفناا... الله يصلحهم بس....ان بتلوا تسذا م ادري وشلون مستقبلهم....الحياة أصبحت مادة في مادة واﻵباء صاروا ماهم قادرين بوفرون جميع متطلبات اﻷبنااء....يكفي بس نظام ساهر خلاهم يدورون السلف بالي هوبه....ي قلبي عنهم والله اني أرحمهم :'( -؛ |
اللي ودك تقطع علاقتك معه سلفه :(
للأسف السلف لايجر إلا المشاكل والهم إلا من رحم ربي |
حطيتي يدك على الجررح والله ياناا يجيين احبااط لجاا واحد من اخواني وبدا يتفلسف اخيتي الغاليه اخيتي الحبيبه اخيتي الوحيده .......الخ وبنهايه يقول ابي سلف ودي اعطييه كف لاني ادري انه مستحيل يرجعهن البلااا مو هناا البلاا لطلبووو مباالغ كبيره وانت ماتقدر تقوول لااا هناا الخسااره تكوون كبيره الله يهديهم بس ويعووضناا
|
المشكله الي يماطل وهو قادر يدفع دينه والي متدين منهم ناس محتاجه تقولون وشولون تجي ذي عارفه ماتجي لكنها جت وحاصله .
|
-
ما سمو السلف تلف من فراغ ! مشكلة اللي عنده أموال قارون ويقول انا متدين ويصدق الدور ويقوم يتسلف من الناس وطبعاً يعتبر هالسلفه عطيه ويطيح عليه الجدار .. ! وياكثر اللي يماطل وهو عنده خير طيب انت دافع دافع عط الناس فلوسهم نسوا الحديث اللي يقول :" مَطْلُ الْغَنِيِّ ظُلْمٌ " الله يعافيهم ولا يبلانا بس يخربون على غيرهم يخلون الواحد يكره يعطي احد شي :( |
اقتباس:
ياكثرالنماذج اللي اذاجا يتسلف مافي احسن منه ويطلع عيونك مارجعها... قالوها الاولين اذا جاك واحد بيتسلف منك افلوس حب راسك وذا جيت تطلبه يرجعهن تحب رجله من شد ما يذلك ومع ذالك مايرجعن الفلوس ...الله لايبلانا |
| الساعة الآن 11:17 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة