|
لاتزعلون يالقصمان بس سؤال صغنون
مساءالخير
انا من الشرقيه ولظروف اللحين انا في بريده لي سنه تقريبا حلوه واهلها طيبين فديتكم بسسس فيه سؤال يقرقع براسي وقبل ما اسأل ترا انا ماعممت بس اللي نعرفهم هني في بريده لاحظت عليهم هالشي امم مدري كيف اشرحلكم يعني اللي لاحظته انه تصرفاتهم متناقضه مثلا الستلايت مسموح بكل بيت ولبس البنطلون ممنوع هذا مثال واحد ما ابي اقول كل شي اخاف تفهموني غلط او تزفوني من المنتدى ^^ حدي خايفه خخخ الملتزم يكون ملتزم بكل شي يعني حتى مايكون عنده الا قنوات اسلاميه مو يسمح بالقنوات ويقول لاتلبسوا قصير وبنطلون حراام انا اسفه فديتكم بس لاحظت تناقضات كثيره شنو تفسروها انتم وليش هالتناقض وبس |
مرحبا فيك .. آخت القمر بين آهلك في القصيم ..
بالنسبة لأستفسارك .. اذا هو عن نية صافية وليس له آهداف للوصول الى آسأة سواء للقصمان أو غيرهم .. لأننا هنا في المنتدى نجتمع من كل آرجاء الوطن وايضا من خارج الوطن ..ويجمعنا .. أقلام نستفيد ونفيد ونتناقش ونتحاور .. وفق قلوب متصافيه .. لكي نخرج بالفائدة للجميع من اعضاء ومتابعين ومتلقين وزوآر ومشاركين .. وبالنسبة لملاحظاتك على القصمان خلال الفترة اللتي قضيتيها بربوع القصيم من حقك تستفسرين وتطرحين كل مافي بالك .. ونحن مثلنا مثل أي منطقة ببلادنا الحبيبة فينا الملتزم وفينا المقصر ومقولة بأن القصمان كلهم ملتزمين آرفعيها من فكرك .. كل مدينة وكل قرية وهجره فيها الصالح والطالح .. ومسألة لبس البنطلون أو وجود الستلايت طبيعي تقريبا بأغلب البيوت .. ولكن نعم نحن ولله الحمد متمسكين بتعاليم ديننا وفق الشريعة الأسلامية ووجود بعض الشوئب آعتبريها طبيعية .. وبالأخير .. نتشرف بوجود آهل الشرقية عندنا وكلنا آهل وآخوان يجمعنا حب هذه الأرض الطيبة في كل بقاع المملكة .. وآهلا وسهلا فيكي بيننا .. ونرحب بكل أستفساراتك وآرائك وطرحك هنا .. ولعل باقي الاعضاء يفتونك آكثر .. |
*.
هالتنآقض اللي بتشوفينه لأننا مجتمع كان منغلق ,, ومتوجه لـ إنفتآح متفجر و سريع *, |
شيء عادي وجود التلفاز والستلايت
ومنع البنطلون وغيرها من الاشياء المحرمة مثل بعض القضاة ما قد سمعتي قاضي يسرق؟ بعدين هو يمنع بناته وخواته ما يمنع بنات الغير من ناحية التناقض نشاهده بجميع انحاء العالم حتى بسياسة الدول نشاهد التناقضات |
ما ذكرتيه أمر طبيعي لكن عموماً : المجتمع يا سيدتي يعاني من شيزوفرينيا حادة في الأفكار قبل الأفعال وأهلاً بك بين أهلك وناسك |
اقتباس:
استفسار لاغير شكرا لك ع التوضيح والتفهم |
شوفي وانا اخوك .... الستالايت موجود بالبيت والبرمجة بيد صاحب البيت .... ! اما البنطلون فـ من وجهة نظري " وليست فتوى " انه استر للبنت من التنورة خاصة عند ركوب السيارة .... بس مشكلته مغري :) .... والإنسان عدو ما جهل :) |
اقتباس:
شكرا شميساوي |
اقتباس:
يعني كل واحد مسؤل عن نفسه مو البس قصير وتجي وحده تقول ليش لبسك مثل (البزران )!! يعني حتى مو جذي النصيحه! وبالنسبه للقضاة ع الدنيا السلام |
المشكلة في الصورة التي رسمها الأخرين
عن القصيم فمتى ما زارها تفاجا بالواقع التناقض موجود لان النفس تميل لما ترغب ايضا البعض ممن معي بعملي بالخبر يرون ان الانسان احد امرين يا ابيض يا اسود يا داشر(سرسري) او مطوع وهذا خطأ فالشخص يجاهد نفسه لفعل الخير كما يجاهد نفسه لترك اكبر عدد من المحرمات |
اخت القمر
اقتباس:
شي طيب انك تسألين عن شي تعتبرينه غامض او متناقض في نظرك وتكون الاجابه على سؤالك من نفس اهل المنطقه المعنيين بالأمر ! وافضل شي انك انتي شفتي هالشي بنفسك . احسن من انه ينقل لك مثل هذا الكلام كمجرد خبر فقط ! ايضا كل شخص يذهب خارج منطقته او مدينته شي طبيعي بيشوف تصرفات من ملتزمين يستنكرها ويستغربها ولكن الاهم ان لانعطي بعض التصرفات اكبر من حجمها قبل ان نتأكد ونتحقق ونحسن الظن . وباامكان اي شخص ان يفسر مايراه امامه حسب مزاجه اما للاثاره او للفتنه او للاساءه . اتمنى تكون وصلت المعلومه. وحياك الله. |
قروي فاهم ارجوا التوضيح اكثر
انا لااقصد الاساة لااحد ولا اثارة الفتنه |
اقتباس:
لان فيه نوع يصدرون احكامهم على مايسمعون او ينقل لهم فقط بدون ما يشوفون او انهم عاشوا في القصيم اوبريده وتأكدوا من هالشي بانفسهم . |
اقتباس:
فديت القصمان |
يمكن يكوون ستلايت قنااة المجد والفلك :) وبالنسبة للبنطاااال يمكن على شاان انه ضيق ويجسد الجسم المتزن [quoteالمجتمع يا سيدتي يعاني من شيزوفرينيا حادة في الأفكار قبل الأفعال][/quote] القدير المتزن ممكن تشرح لي الكلمة الملونة بالاحمر لاهنت |
| الساعة الآن 11:41 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة