|
777 صدمة حضارية 777
احد الشباب شفاه الله
في منتصف الثمانيات 1404هـ تقريبا تم عمره 18 سنة ماصدق خبر طلع جواز يبي يسافر تايلند مع شخصين سبقوه وقصو عليه القصص ,, فكان مليان حماس يشوف تايلند ,,, طبعا الرجال طازج الهاردسك والرام فاضي حتى الرياض ماطبه,, طلع من بريدة وبريده ذاك الوقت شهباء مابه ولا برسوبس والرجال اصله من الخبوب لاعندهم تلفزيون ولا رادو الخضار الي شافة حوضة الدزت " البرسيم " والاثل وماشاف بحياته نساء غير امه واخته " جديلتين وثوب روز " وصل تايلند نزل بالمطار دخل الصالات شاف شي غير مستوعب لخياله مخه صار يبحث بالملفات يبي صورة يطابقها للواقع مافيه ,, صار عنده صدمة حضارية من شدة الموقف تيبست قدماه واصبح يقلب بصرة غير مستوعب مايراه " انّجم " شاف هالتيلنديات لابسات عاري والسيقان تبالص ,, والمطارتحفة فنية رائعة والناس هيصة وتقدم معماري رائع وطبيعة خيالية ,, ارضهم مابه تراب كله اخضر باخضر الازفلت اذا انشطب طلع عشب مهوب ريغاء ,, جلس بتايلند بالكثير عدة ساعات وهذه الساعات سيدها الصمت الا بكلمة "ذبان" فجئة قال لربعه ابي اهلي وقام يصيح !! خوياه من عرابجه اول مامن ادراك انتظرو اقرب رحلة وركبوه وكملو رحلتهم ,, رجع لبريدة وقد فصل في راسه عرق وصار مريض نفسي وترك الدراسة وكان باخر سنه بالمعهد الصحي ومن الطلبة الاوائل طبعا الثقافة ذاك الوقت صفر لان الرجال يحتاج طبيب نفسي يرجع كراسي مخه لمكانه لكن اهله صارو يقرون عليه ويمكن وصل الامر " للتسوي " لان الفكرة السائدة اذا حصل لاحد شي على طول " مسحور " تهدورت حالته الى ان وصل لمستشفى شهار اسأل الله ان يشفيه... اخطر شيء على الشخص الصدمة الحضارية او حتى الوجدانية كمفارق حبيب مثلا دائما تجيب نتائج عكسية ونتائجها وخيمة ,,, اغلب من حصل عندهم مثل هالصدمة ياا انهبل يا الحد يا صار ملتزم اشد الالتزام وهذا يخص من كان يتمتع بذكاء خارق مقارنة باقرانه اما الدلخ فالمخ يصير بطيء الاسيتعاب وينجو في غالب الاحيان فالدلاخة في بعض الاحيان نعمة والجهل في بعض الاحيان نعمة كبرى فكثير من الجهلة عاش ومات مادرى ان الارض " كروية " وفكه الله من الفتن |
الصدمة الحضارية والنفسية !
نحن نعلم ان قبل 30 عاما يتخلل هولاء التعب ,. اما الان لم يتخللهم شي لوجود التقنية والتواصل., ولكن صدقت الفتن قووية يعلم الله اننا نتمني نكون ذات الضفائر والنوم مبكرا افضل من رؤيتنا لهذة نسال الله السلامة |
حبيبي زنقا ,, ليش أنت نظرت للي حصل للولد إنه صدمه حضاريه ؟؟
ليش ماتكون منحة من الله جل جلاله وحفظ لهذا العبد الذي ذهب ليرتكب المعاصي والزنا وشرب الخمور فأراد الله به خيرا عندما اصيب بتلك الصدمه والتي اعتبرها أنا من وجهة نظري نعمة وهبة ربانيه لهذا العبد الفقير والضعيف . يجب أن تنظر للقضية من جميع الزوايا وأن لاتحصرنا بمنظارك الشخصي . دمت زنقا زنقا :4_1_107[1 |
:10_4_4v[1]:
المشكلة باللي مصدومين بالحضارة وهم بيننا .. حتى يا سبحان الله مو لايق عليهم أبدا أنهم يتغربوا أغلب الشباب اللي يلاحقون الموضه أما بالشعر أو اللبس لا جاء ينسق بالألوان تقول قوس قزح من الألوان وتضاربها .. يعني ما فيه أنسجام ولا توافق والمشكلة يجي يسحب نعاله ووينه عند روحه .. وإياك تخزه بعينك http://www.buraydh.com/forum/images/icons/icon8.gif ولا برّقت فيه :4[1]: لا وجه ولاقفى http://www.buraydh.com/forum/images/icons/icon7.gif |
اقتباس:
اعراب وطاحوا بعبس ..يالله إن الشكوى لك . |
اقتباس:
لاشاف شي ولا عرف شي ماغير يسمي ويصلي وربنا ولك الحمد مهوب كل انفتاح فيه خير على بعض الناس كثير من الي الحدو بوجهة نظري سبب انفصامهم انصدام حضاري مثل القصيمي والنقيدان والحمد وغيرهم اسأل الله ان يهدي الحي ويتجاوز عن الميت حياك الله اقتباس:
بعدين الرجال وصل لمرحلة ضرب امه بساطور وتقولي منحة الا والله مصيبة واي مصيبة ولاتنسى ان عبدالله القصيمي صار عنده صدمة حضارية وتحول من عالم دين الى ملحد لاتقولي منحة بعد :) |
اقتباس:
هذي صدمة حضارية من نوع اخر هالنوع يصير جا من البر او من قرية نائية اطلق شي شافة الضب واذا دخل المدينة اللي بالنسبة له نقلة تخلي مخه يتفرمت يصير مثل ماقلت يجي جميع ولكن بهم خير مع الوقت تخف تخف الى ان يركد مخوه همن يصير عضو فاعل بالمجتمع |
وآلله مسيكين بأخر سنه :( |
اقتباس:
السبعات ديكوريشن عشان اشوف الموضوع الشوف شجر اما المصدومين حضاريا وهم مناصب اتفق معك تماما وهم من فتحو الابتعاث للطلاب من سن المراهقة ليش ؟؟ حتى ينصدمون حضاريا ويتحلوون على المطلوب بالنسبة لهم ويكفيهم من مئات الاف المبتعثين لو طلع ميه منحرف يكفي اول كان الي يبي بعثه تقطع نعالوه يتردد ولا يطلع بشيء مع انه مخلص جامعة وبقدرة قادر صار كلن يروح فتذكرت السلطان عبد الحميد اخر سلطان عثماني كتب في مذكراته عن ابتعاث الاتراك قبل سقوط الدولة العثمانية فقال يرجع التركي تركي بعقل غربي وكانت من اسباب سقوط الدولة العثمانية الصدمة الحضارية للمبتعثين لانهم اصبحو معول هدم للدولة لان فكرهم يحارب الاسلام |
وكالات - : أدين طالب سعودي يدعى (ر.س) في مدينة ماديسون بولاية ويسكونسن الأمريكية بالتحرش بثلاث من جاراته في السكن خلال خمسة أيام في شهر يوليو الماضي.
وقالت جريدة محلية إنه تحرش بثلاث سيدات يمتلكن قططا وذلك بالدخول إلى شققهم بحجة ملاعبة القطط غير أنه كان عند وصوله داخل الشقة يتحرش بالسيدات. وش رأيك يازنقا بهالحبيب اللي جاي يلاعب القطط ؟؟ اقطع إيدي إن بساستنا متوذيات منه يوم كان عندنا إلا إذا كان بساسة اميركا تختلف عن بساستنا فهذا شيء ثاني .:d2: قال إيه ..قال جاي يداعب القطط . إيه هين |
اقتباس:
حلوه الحبيب الي جاي يلاعب القطط هههههههههه وانا اقولك اقطع يدي انه طالب متفوق وعلى وجه تخرج كالعادة اذا طلع مبتعث متفوق دبرو له مصيبة حتى يقضون عليه هالاسطانة انكشفت نسيت غيره الي سوا حفل تخرج وتحرش ببنتين مع بعض ؟ او الي بالصين صار عليه حادث بلية تخرجه وقعد بمكان الحادث ثلاث ساعات لين مات وغيره وغيره ولو كان يلاعب القطط تسان هذا المطلوب بالنسبة لربعنا وبعدين وشلون يدخلنه بيوتهن ؟؟ ياخي حتى لاولفو قصة تصير به صفاقة عجيبة اما تدخل راسك يلاعب القطط هههههههه |
| الساعة الآن 12:57 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة