|
قرف اسمه الخادمة
نحن نأتي بالخادمات لينظفوا ويرتبوا لنا بيوتنا ويحافظون على أبنائنا لكننا في الحقيقة نأتي بهم ليوسخوا بيوتنا ويعبثوا بها ويسببوا الضرر لأبنائنا *.. وان هذا والله من الغباء والجهل .. فبعد ان رأينا وسمعنا أفعالهم القبيحة مازلنا مصرين على استقدامهم واصبح الكثيرون لا يستطيعون الاستغناء عنهم والسبب ان ال فلان لديهم خادمة فلا ينبغي ان أظل أخدمكم(وحريم الناس مرتاحين) ..وفي الواقع ان الغالبية من العوائل ليسوا بحاجة للخادمة ولكن مجرد شكليات ومظاهر لان العقول اصبحت بعيدة عن المنطق والفهم السديد.. خادمة تقتل طفلا.. خادمة تسحر الزوج.. خادمة تضع النجاسات في طعام العائلة.. خادمة تعذب طفلا .. وووو لا تنتهي قصصهم ولن تنتهي حتى ينتهي استقدامهم.. ومن اشد ما أدهشني عندما رأيت احدى الخادمات في اليوتيوب وهي تتبول أكرمكم الله في القدر بعد ان طبخت الطعام وكانت تفعل هذا بكل هدوء وثقة وكانها تفعل شيئا جميلا وتأتي تلك العائلة المسكينة الغافلة وتأكل من هذا الطعام وهي واثقة من هذه الممثلة البارعة التي استطاعت ان تجعلهم يثقون بها لا ادري متى يكون مجتمعنا اكثر وعيا وحرصا اللهم انا نعوذ بك من شرهن اللهم حرم بيتي عليهن ما حييت يا حي يا قيوم |
بالأول والأخير الغلط على سيدة البيت تلاقونه
الله يهديهه من تجيب الشغاله خلاص اتسلمه الخيط والمخيط ولا المفروض حده الغسيل والكوي وتنضيف البيت بأستثناء الغرف الخاصه وغرف النوم <<< لاتعتب بابهن وزود على ذالك المفروض سيدة البيت تحط عليها اربع اعيون موب اذا صار وماصار بدت اتولول واتعيب عل الشغاله وهي العيب به هي من الأساس ولا هذي اجنبيه لانعرف عادته ولا تقاليده ولا نضمن سلامة القلب الله يكيفنا شرهن بما شئت وانت السميع العليم |
الاخت / نسرين ..
الشغالات تساخير .. فيه شغالات جلسن سنين وآصبحن من آهل البيت وفيه شغالات تكون ردة فعل لهن بالمصايب اللي يسوونها بالبيوت .. والمعاملة .. هي من تحكم .. حتى الحيوان ( لكم الكرآمه ) إذا عاملته زين بيصير مسخر و حليل وإذا آهنته بيصير عدائي .. مشكلتنا ببعض الحريم .. ماترحم الشغاله .. كل شيء عليها تطبخ وتنفخ وتغسل وتنظف ولا تبيها تستريح آبد وهي تبطح حق زيادة هالشحوم والآمراض من قل الحركه .. وبعض المسكينات تعتبرها وجاهه بأن عندها شغاله .. على بالها بأنها هالشغاله جاريه عندها .. والبعض بالفعل هم بحاجه للشغالات .. مثل المرأة الكبيرة أو المريضة أو العامله .. ولكن آرجع وآقوول .. ترجع للمعاملة للشغاله كونها بشر لها إحاسيس وشعور لكن بعض البشر معتبرها نكره .. وآبذكر حادثه .. بيوم من الآيام كنت مسافر من القصيم للرياض ووقفت عند محطة ساسكو للصلاة .. ومريت من عند سياره وآشوف شغاله بجمس صالون .. حاطينها مع العفش بشنطة السياره والمسكينه لاصق وجهها بالقزازه من قوة آنه حاشرها راعي السيارة مع العفش .. انا صراحه رحمتها يوم شفت نظراتها وكأنها تبكي .. صليت ورجعت والآ آشوف صاحب السيارة ذآآك الملتحي وسلمت عليه .. وقلت ترآآ ياعم صلاتك ماتجوز .. رد السلام .. وقال ليش .. قلت ماتخاف من العقوبة في الطريق .. قال ليش .. قلت تعال ومسكت يده ووريته الشغاله .. هو حس من نفسه باللي آقصده ..قلت معك آحد بالمرتبه الخلفيه .. قال انا وزوجتي بس .. وانا آبعدت الشغاله لأن المدآآم تقوول كذاا .. قلت له .. آنتبه لا تجيك عقوبة أو دعوه من كبت هالشغاله .. بها الصورة وكأنها شاة لا حول ولا قوة لها .. حتى الشاة ترآآ نقليات المكيرش حااطين لهن ماء وشعير وتهويه .. وهذي إنسانه انت المسئول عنها وبذمتك .. لو جاها شيء أو توفت تراها برقبتك يوم القيامه.. وشكله تقبل الكلام و شفته نزلها وخلاها تركب قدآآم وودعته وهو يتشكر ....... مشكلتنا الأساسيه .. نعاملهن بأنهن جوآري من البعض .. |
أختي دلة بيبسي حياك الله
صحيح الغلط ع ربة البيت بالتأكيد ولا رح تقدر تخلي لي لها اربع عيون مهما حاولت والشغالات ذكيات جداً جداً واحنا نحسبهم يفكرون مثل ما نفكر ترانا مسكينات وعلى نياتنا واحيانا فينا بلاهة وغباء ومهما حسينا أنا سوينا احتياطات صدقيني ما نقدر عليهم الله يكفينا شرهم |
حياك استاذ تركي
والله ان اكثرهم اذا مو كلهم ما تنفع معاهم حسن المعاملة وانا أتكلم من تجارب وليس من خيالات وظنون واوهام بالعكس ما يصلح معاهم الا المعاملة القاسية لكن من غير ظلم.. الطيب ما ينفع معاهم أبدا أبدا |
بس الموظفه واللي تدرس واللي عندها توأم والمريضه واللي بيتها كبير
تحتاج لخدامه يعني موكل الناس ترف ,,وبعدين شفيكم تشوهون سمعتهم فيهم مسلمات ميتات من الفقر يعني هذا رزق لهالمسكينه والحالات اللي تقولينها حالات فرديه وكل شيء بهالحياه فيه شي سلبي ومتأكدة لو بتسوين إحصائيه بتلقين نسبة هالحالات قليلة والمعامله هي الأساس ,,بس مافيه حرمه تقول إن تعاملي مع خدامتي سيء |
مرحبا اسمحيلي الي يصير من الشغالة موحالة فرديه الكل للااسف هذي شي شفته
بعيني حسبي الله عليهن كم فرقن وخربن ابيوت |
صباح الخير أختي نسرين :)
هل تحدثتي عن دور الخادمات او ما تسمى ( الإماء ) في عهد الرسول صلى الله عليه وسلم ؟ |
اقتباس:
وش جاب الخادمات المنزليه للإماء!!! . :11_4_125v |
اقتباس:
مبطي عنك :( تعال قلي و ش دور الإماء ؟ |
[align=center][tabletext="width:70%;"][cell="filter:;"][align=right]أهلا بك سجى
بالنسبة للموظفة ما أشوف إنها بحاجة ضرورية للخادمة تقدر تنظم أمورها بأفضل ما يكون.. وإذا عندها أطفال صغار تاخذ إجازة وتجلس معاهم في البيت أوتترك وظيفتها.. الأولاد أهم أما المرضى واللي بالفعل محتاجين لخادمة الله يعينهم يا رب [/align][/cell][/tabletext][/align] |
[align=center][tabletext="width:70%;"][cell="filter:;"][align=right]أهلين أم حور
مثل ما ذكرتي حالات كثيرة بل شبه شاملة لكل من عنده خادمة لابد إنه تأذى منها بطريقة أو بأخرى والبعض أو الكثير قد يكونوا تأذوا منها بسحر وخلافه وسافرت الخادمة وهم ما يدرون إن البلا هذا بسببها[/align][/cell][/tabletext][/align] |
[align=center][tabletext="width:70%;"][cell="filter:;"][align=right]مرحبا توبي
الإماء (ملك يمين) أما الخادمة (حرة) هذا أمر.. الأمر الآخر والأهم.. أن الوضع قبل ألف سنة يختلف عنه تماما اليوم يا أخي الأمة في السابق كانت مستضعفة وذليلة وليس لها أجر على خدمتها من الخطأ نقارن عصرنا اليوم بالعصور القديمة في أي شيء الناس اختلفوا تماما عندك السحر مثلا الآن صار منتشر أضعاف مضاعفة عن الماضي وغيره من بلاوي والعياذ بالله من أهل الشر والخبث [/align][/cell][/tabletext][/align] |
اقتباس:
حي الله طالبة العلم نسرين :) ردك هنا يميل للحكم الشرعي لتواجد كل واحده منهما في البيت سوا الامة ام الخادمة وهذا خلاف موضوعك والتي تتحدث عن خدماتهما و موقف المجتمع منها والتي كنت ابحث عنها في سؤالي . من الناحية الشرعية أوافقك في تحريم اقامة الاجنبية في البيت بدون محرم و ذلك خلاف الأمة فالأصل فيها الحلال . اما من ناحية العمل فاعتقد كلاهما متشابهة واجباتهما اتجاه رب البيت الا ان الامة تزيد على الخادمة في الواجبات :) شكرًا لك |
نسرين :
ابصم لك لو نعيش الوقت هذا مثل قبل الف سنة . ان ترين تسابق الرجال في استقدام الإماء :) |
| الساعة الآن 06:50 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة