اضحك ........ مع الشعر ....... النبطي ...
 

مستيك..لا تقول يا حبيبي مستـيك . . . . . كثرت زلاتك وانــت تقول سوري

ون يو كول مي فـز قلبـي ولبيت . . . . . ذس از مي دارلينـج دونت ووري

ايم بي سايد يـوم شفتـك ونيـت . . . . . وذ يو لاخر العمر لو تطيع شوري

جف مي يور فايف خل نبني البيت . . . . . بيتنا كله مسك وعطر وورد جوري



دوم يعيرني يقول جسمك متين . . . . . حلجك المفتـوح لازم تغلقـه

هيه يـا دبـه لازم تخفـيـن . . . . . والا أثوّر فيك عشرين افشقه

واستمريت في رجيمي سنتيـن . . . . . جدي اللي مات بغيت ألحقه

وش رايك!؟ قلتها بصوت حزين . . . . . قال: دبه وانقلبتي لي سلقه



لي صاحـبٍ منه تبي تطلـع الـروح . . . . . خبلٍ.. ومن هي مولعه فيه.. خبله

عامين المح له.. مع الجـد ومـزوح . . . . . واقـول يا عنتـر.. تناديك عبلـه

طال المدى.. ثم قلت انا اغليك يا لوح . . . . . مجروحـة جـرحٍ.. مخاطره عجله

دنق وقال.. انا من العام.. مجـروح . . . . . وأشر لجـرحٍ.. مبطيٍ وسط رجلـه



مـا نسيتـك ادري انـت من تكـون . . . . . وادري انك واحـد من نـاس هـاي

واني انسـان فـقـيـر مـا يمـون . . . . . وعادي لو ودعتنـي او قلـت بـاي

مـا تطبعـت بطبـع جيمـي وجـون . . . . . اتبـع سلـوم العـرب فعـل وراي

ان ((تو بي اور نت تو بي)) لازم اكون . . . . . ما يهـم القلـب لو لي قلـت واي

عيبي مـا عندي شبـح او بو عيـون . . . . . ومثلي حده لو كشـخ فايـر فلاي

diver
ياعزيزي سلام الله عليك
ههههههههههههه ههههههههههههه
هذا بيت شعر ضحك على هالمقطوعات الحلو بالمره
حقيقه ابدعت ياعزيزي واخترت لنا حاجه صح
اكرر شكري وزدنا من هالنمونه0
وتسلم0
=============

مشكور اخوي دايفر ابيات هزليه متعوب عليها هههههههههههههههههههههههههالله يوسع صدرك :p :p