|
二 ★▇▆▅▃▂▁ﬗ يو .. يو .. يا مــال البــو ،،..،، وش السواة : صورتي بالجريدة ﬗ▁▂▃▅▆▇★ 二
. . يقول ابن خلدون عالم الاجتماع الشهير -بتصرف-: أنه يلاحظ أن الشعوب والأمم المغلوبة تنزع إلى تقليد الأمم الغالبة بطريقة لباسها وكلامها وتقاليد حياتها وتعاملاتها ، ظناً منها أي المغلوبة أن هذه الأشياء هي سبب قوة تلك الأمم وعزها وتمكنها . طبعاً ابن خلدون ما قال عن نفسه إني عالم اجتماع بل تكلم بعدة أمور في معرض تاريخه الشهير ومقدمته وكانت نابعة من نظرة وتجربة ، وجت الناس من بعده ووضعته في علماء الاجتماع مثل ما وضعوا غيره . ما علينا .. مهوب هذا همي :confused: . همي وهمكم هالموضات واللبس والحركات الممعوطة بالقوة من الغرب ، حتى هم من كرههم لنا يصرحون أنهم لو يعلمون باتباعنا أو سماعنا أو محاكاتنا لهم . لاعتزلووووووووووووا :29_1_8[1] . تخيل . يكرهون كل ما هو عربي مسلم . وحنـا نركض وراهم بالنواظير علشان نصير مثلهم بل منهم وهم يركضون منّا .. وحنا وراهم والزمن طويل . . طَـيّـحني :for7: موضة زنجية من سجون أمريكية يصرف للمساجين سراويل كبيرة الحجم كمقاس واحد تحولت لديهم بانسلاحها لموضة القوييييين جوك ربعنا مدرعمين .. وهاااتك يا سلح :e7: . بابا سامحني .. السحاب من الخلف وليس من الأمام . يو يو يو .. زنجية من أغاني وطريقة كلام ارتبطت برداء وكاب وراب .. والحين قائمة على قدم وساق . أحياناً ما ودك تروح مكان عام أو مضمار أو نادي أو مجمع أو تجمع بسبب المشاهد المقززة .. والتنازلات عن القيم السامية لآثار دامية .. :mad: . . . إلا على طاري المجمع .. . تراي أدور محامي شاطر خلاص أبودع الوظيفة ، خلااااص :a1: وجتني .. لحد عندي .. يا غناة الذيب يا فقره . . خلال هالشهر .. كنت رايح أرجع ملابس لأختي من مول وياااااا كثر ما ترجّعن يالحريم :a9: . ولقيت ركن عليه هيصة وجمعة .. مريت وطلطلت وإلا أحد الشركات الشهيرة عندنا تروج لمنتج جديد .. أكل طبعاً ما عندنا غيره بس أكل خفّافي .. . لزّم علي وعلى غيري حق التسويق نذوق . والظاهر كان هناك تغطية من الشركة نفسها وتصوير وطاخ طيخ . قلت خل أذوق بدل هالفر بهالمول اللي كسر كعيباتي :29_3_6[1] . وأذوق شوي .. والمصور .. يقول : بص هنا يا باشا وألتفت ... وطرااااااع :a16[1]: . . ما لـقّيـت بال وأمشي .. وقبل كم يوم .. يتصل علي واحد من الشباب . تررررررن تررررن . الحكواتي : هلا أبو علي : هلابك .. وشلونك الحكواتي : اخلص ... متصل بالقوايل تقول وشونك أبنام أبو علي : أكيد تتغلا .. صرت مشهور الحكواتي : بالحيل .. وش تبي أبو علي : اقعد يا فتاة الغلاف الحكواتي : أبسكر السماعة .. اخلص أبو علي : نازلة صورتك بالجريدة وتسوي دعايات من ورانا الحكواتي : وش دعايته غربلك الله أبو علي : دعاية (...) ، كم عطوك الحكواتي : :29_3_10[1 أبو علي : ألو .. نمت ، العشاء عليك الليلة . انفجعت .. وطرت العصر منب مصدق وشريت جريدة (..) وفتحتها ، وإلا صورتي أعوذ بالله ، وش هالنكبة .. وين أودي وجهي من جماعة المسجد . الصراحة أحس إنه تم استغلالي وأحس إني صرت مستهلك .. خلاص :for4: . مرة أبي أبلعها وأسكت .. ومرة أقول خل أجرب أقاضيهم بس أخاف يقولون : من قال لك تاكل عندنا وتصير فضيحتي مثل اللي .. بأمريكا صوروه بوضع محرج .. ونزلت بوسائل الإعلام ولا أحد درى عنه ، وقام قاضاهم واشتهر ولصقت به معيارة وطلع يد من ورى ويد من قدام . . اللي غابنن إني ما استعديت .. بس :f3: . وريت الصورة أمي قالت : رح صل بس أبرك لك من الترزز :4_1_200v[ . . . وش السواة ، وش تشيرون علي ... . . . . ((أقول ما تخبرون منتدى فيه تفاعل ننقل له)) ما خلاص فاض بيه ومليت |
| الساعة الآن 03:23 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة