|
نوايا النساء....ونوايا الرجال؟؟؟
نوايا النساء................ونوايا الرجال بعد
نوايا النساء عندما ترى المراة تتحمر وتتعطر وتتمكيج فثق انها احدى امرين اما انها تغيظ بنات جنسها وتظهر جمالها او انها تحورف بعمرها تبي زوجها مايشوف ال بي سي عندما ترى المراة تبدء في السمنه فثق انها متاكده ان زوجها ما راح يجيب لها ضره على قلبها يعني حاطه ابطنها بطيخه صيفي او انها بدت في الشيخوخه وانتهاء الصلاحيه عندما ترى المراة تكثر من الضحك بمناسبه او بغير مناسبه فانها احد امرين يا اما مركبه جسر جديد او انها طايحه على معجون اسنان سعره غالي عندما ترى المراة تكثر من الحزن والجد فانها احد امرين اما انها مرت بتجربه زواج فاشله او انها تريد اظهار ثقافتها ويمكن لقافتها احيانا عندما ترى المراة تكثر من تحريك اصابعها بالمجلس وتحرك رجلها بدون شعور هناك احد امرين اما انها محتره من كلام احدى الجالسات او تنتظر دورها بالهذره والقرقه عندما ترى المراة تنفخ على شعرها الطايح على عيونها هناك احد امرين يا انها تظهر حيويه الدفع الرباعي اللي في حلجها او انها مستعمله رموش صناعيه وتتمن انها رموشها الحقيقه عندما ترى المراة تضحك كثيرا فانها احد امرين اما انها غارقه في الهموم او انها انها تريد اظهار عدم المبالاة في احد الاشخاص الموجودين عندما ترى المراة ساكته على غير المعهود فانها احد امرين اما انها تفكر في عقد االماس اللي لابستها صديقتها او انها تفكر كيف تخلق عذر لسكوتها عندما ترى المراة تعمل ريجيم قاسي فانها احد امرين اما انها حالتها الماديه مش ولا بد او انها متحسفه على فستانها اللي شرته وما قدرت تلبسة عندما ترى ان المراة اتشوف المرايه بكثرة يا انها مغروره او انها سمراء وتبي تشوف اثر كريم الاساس في وجهها عندما ترى المراة تغير في كلامها مثل شو بدك او تئبرني فانها ا شاكه ان زوجها يبي يتزوج من الشام عندما ترى المراة تناقز وتطامر فانها احد امرين اما انها تبي تتصابا على اخر عمرها او تبيك تقول لها اقعدي يابنت شوفو نوايا الرجال اذا شفت الرجل يكشخ ويتزقرت على غير العاده اما انه وسيم او انه على موعد غرامي اذا شفت الرجل يكثر من ذكر عيوب زوجته وانتي دبه او انتي ما عندك ذوق اما انه صادق او انه ناوي النيه - القشره ويبي يسويها اذا شفت الرجل ساكت وهو حشره ومزعج اما انه تادب او انه يبي يذكر شي مسويه يسود الوجه اذا شفت الرجل يلاطف زوجته ويسمعها كلام حلو اما انه رومانسي او انه حاجز على سفره ويبي يلطف الجو قبل السفر اذا شفت الرجل يكثر من اكل الثوم اما انه يحب يحافظ على صحته او انه يبي يغث ويكدر ويزهق زوجته اذا شفت الرجل كثير الاسئله عن الاشياء في البيت اما انه حريص او انه يدور الزله على زوجته اذا شفت الرجل طايح في الاغاني والشعر فتأكدي أن قلبه للحين خضر وعيونه زايغه اذا شفت الرجل سارح وباله مشغول اما انه يتامل او انه قاعد يحسب تكاليف الزواج الثاني م ن ق و ل |
سماء نجد تحية وسلام موضوع طريف للغاية وأما بالنسبة لنوايا النساء فسأجعل التعليق لهن حسب التخصص مع العلم أن الكثير ـ ليس كل النساء ( خل لنفسك مخرج عند الهوشه ) ـمنهن أعتقد أن الواجب أن يعترفن بصحته ولكن مؤكد أن الجحود والإنكار من طباعهن >>> الله يعين حكه مذبحه وأما نوايا الرجال فهي الأخرى لا تقل صحة عن واقع بعض الرجال ولكن هناك إثنتان كانتا بالصميم *اذا شفت الرجل كثير الاسئله عن الاشياء في البيت اما انه حريص او انه يدور الزله على زوجته *اذا شفت الرجل سارح وباله مشغول اما انه يتامل او انه قاعد يحسب تكاليف الزواج الثاني |
نوايا جميلة جداً وطريفة ..
ضحكت كثيراً وأنا أقرأ تلك النوايا النسائية العجيبة ! الا انني وعندما وصلت الى آخر الموضوع لم أجد غير عنوان : ( نوايا الرجال ) ولم أجد ماكتب تحته !! ( يعني ماطلع عندي شئ ) ! ماأخفيكم أني داخل على الموضوع وأنا جاد وثقل بس يوم قريت أول نية من نوايا الحريّم قلت الدعوى ( مديّعه ) = فري . تحياتي لكم كلكم |
عزيزتي سماء نجد
ظلمتينا في نوايانا نحن مساكين في قمة البرائه:) تسلمين عزيزتي على الموضوع الطريف لكِ تحياااتي |
السلام عليكم ...
والله حاله ... يعني مافيه فكه !!! تحياتي ... |
أخي هاوي لاغاوي الله يهديك صدقت هههه
أخي العريف راح أنزلك نوايا الرجال ولا يهمك (هههههه ورط ) أختي غرام ...وشلون أظلمكن وأنا منكن؟؟؟؟!!!1 أخي غريب ..أحمد ربك إني من المنصفين ولا كان نزلت نواياكم بسسسس |
عندما ترى المراة تناقز وتطامر فانها احد امرين اما انها تبي تتصابا على اخر عمرها
او تبيك تقول لها اقعدي يابنت هذا حال العجز عندنا!! تشااااااااااااااااو |
نوايا...صح!!!
يسلموووو... |
كع كع كع سماء
صراحه انواع التفسيرات فيها شيء صحيح وينطبق في الواقع على بعض الناس وفيه شيء مهب صحيح بس نكته تحياتي على هالموضوع الحلو خزامى |
| الساعة الآن 12:38 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة