|
السوق الداخلي @@@@ وقبة رشيد
صراحةً ودون مجامله , للسوق الداخلي في بريدة مكانه خاصة في قلبي ومهما وطئت قدماي من الأسواق المكيفه والمسرمكه ذات الماركات العالمية , يظل عشقي الأول والأخير لسوقنا وقبته الغالية , تلك القبه التي تضج يومياً بالمتسوقين ليلاً ونهاراً . على الرغم من وجود بضائع مقلده و بعضها عديم النفع ( مثل بضاعة أبو ريالين ) الا أنني لا انكر انني احياناً اجد فيها بغيتي وقد يسألنني قريباتي ( من وين شريتيه ) ويتفاجئن عندما اقول من قبة رشيد او من السوق الداخلي خاصةً إذا كن من خارج المنطقه ( أن ما ادري ليش طايحين من عيونهم حنا وسوقنا خاصة اهل الرياض ) . وعندما تسير في القبه تصكك رائحة بزار العطارين في مخيخك ولا يمنع ان تتمنى ان تكون عندك غضارة ( مطيزيزات ) حتى تذر عليها من بزارهم وتلتهمه بالعافيه على الرغم من ان بعض العطارين هداهم الله قد يبيعونك ما لا تتوقع , فقد طلبت من احدهم علبة اعشاب فقال (هي ب 35 واذا تبين منتهيه مدته بعشره ) والله على ما اقول شهيدومازلت الى يومي هذا اشتري من عنده. وقد يقابلك الأطفال الصغار بقولهم ( فطاير اليوم يا خاله ) ويمكن ان تكون فطاير الأمس او الذي قبله ولكن باستكر جديد . ويمكنك شراء الكراث والنعناع (الفرش) من داخل القبه . كذلك باستطاعتك المرور على ( ادريس ) وسؤاله عن الجديد من العطورات والكريمات وسوف يخبرك بكل امانه وبلهجة واضحة جداً .
الستم معي ان سوقنا مميز جداً ولا يوجد له مثيل ؟ حفظ الله لنا بريدتنا وقبتها دوماً ............................آمين يا رب العالمين |
ماشاء الله عليكي ام عبدالملك وأنا قاعد اقرأ المقالة حسيت اني اتمشى بين ردهات وممرات ذلك السوق و تلك المنطقة التراثية القصيمية الجميلة .. أشاركك الشعور اختي .. تحياتي لكي.. ونعم حفظ الله لنا بريدة وجعلها ذخرا للوطن
|
عندما كنت صغيرا كانت امي تاخذني معها اذا ذهبت للسوق
وما يصير تروح للسوق ولاتدخل قبه رشيد و عندما تم قبل فتره تجديد سقف القبه خفت ان تكون خطوة اولى لازاله هذا المكان و لكن كان مجرد تجديد فقط و كثيرا مارددت لامي ... اتمنى ان افرش فرشه واحط قهوه وبرحي واقعد اتقهوى انا وياها ( مع اني ما احب الزحمه ) في احد اركانها نتمتع بعبق القبه الخاص شكرا اختي اثرت شجوننا في قبتنا |
قبة رشيد...!!
يكفي فخراً وتميزاً....لهذا السوق العريق.. أنه السوق الوحيد بالعالم....الذي لايستطيع أي زائر له...أن يشعل سيجارة....ويدخن...بين النساء...!! وإذا قام أحد وأشعل سيجارة....بالخطأ....تجده في حالة من الخوف والهستيريا...! لنحافظ...عى هذه الميزة....التي أعطت قبة رشيد تميزاً....يحمل شعار...لا للتدخين في....القبــة...! |
اييييييييه يازينه قبة رشيد
هناك الناس غييير اول مارحت لها كنت مع امي وكانت شاريه غرض وباقي فلوس لصاحب المحل , قالت له امي مامعي كاش الحين ابروح اسحب وارجع لك , وانا اقول بخاطري والله ياهو بيخليك تروحين , لكن اسغربت لما سمح لامي انها تروح ولاتدفع له باقي الفلوس ناس عندهم امانه وثقه وازين شيء اذا قعدوا يبيعون الاطفال فطاير اشري منهم لو اني ماابي غصب يخلونك تشري منهم احس ان القبة تشبه خان الخليل بمصر بس القهر انه ممنوع التصوير به ...ليش ماادري؟؟ المفروض يصورونه قبل تغير وتتطور لانه من معلم مهم |
بصراحة صدقتي...
يازين القبة.... بس أحس يبيلها تنظيم شوي... صحيح إنه مو مصدر تسوقي...إلا للضرورة... بس إذا رحت له يدوخ راسي... لكن هو المكان اللي أدل فيه حتى لو كنت لحالي...:for2: وصدق أحسن شي اللي يبيعون فطاير...:for6: أذكر موقف طفولي بريء صار لي مع اللي يبيع فطاير... كنا جالسين أنا وأختي ننتظر سيارتنا..جاء الولد اللي يبيع فطاير ووقفناه عشان نشتري... وحنا قاعدين نختار..إلا ونسمع صوت بوري وسيارة كنه سيارتنا...خفنا قلنا خلاص بنروح محنا شارين جاء أبوي... قال لا هذا مهب ابوك!!!!<<<<<<<<<<:for6:الأخ يمون... بس صدق ماصار أبوي... |
سوق جميل جدااااااااا
كما قلت نفس الرائحة تماما لاتتغير |
سوق الجردة .... قبة رشيد لكم من الذكريات الشيء الكثير ؛؛؛؛ هناك اناس من اصحاب المحلات لهم باع طويل وخبرة تدوم إلى اكثر من ثلاثين سنة عندما كنت صغيراً كنت ابعث بنظري البريء واقلبه على المحلات وبائعي العطورات والعطارين وسوق الذهب واجد المتعة وأنا انتقل من مكان إلى مكان ....
من الجميل ان تجد الماضي باقي إلى هذا اليوم ومن التاريخ الباقي .... إين وسائل الأعلام لإظهار هذا المعلم الباقي للناس داخل وخارج منطقة القصيم .... مازالت أكثر الوجوه من البائعين من كنت طفلاً إلى هذا اليوم هم نفسهم لم يتغير فيهم شي إلاتقادم السنين واضحة على محياهم ( اليس من حق الشعوب القادمة ان تتعرف على تاريخها من هؤلاء عن السوق وماضيه وإجراء مقابلات خاصة معهم ).... مثال قناة المجد تخرج التاريخ من رجال مازالو في هذا السوق العريق إلى هذا الجيل وإثراء الشباب بتاريخ اجدادهم مثال .... كثير من الناس لايعرف لماذا سميت قبة رشيد بهذا الأسم !!!!!!!!!!!! جمال قبة رشيد يكمن في متاهاتها وكأنك في لعبة السلم والداب حيث زاد جمالها بأزدياد متاهاتها عندما كنت صغيراً اذكر قصة سرقة الذهب من خلال حفر خندق اسفل المحلات والدخول على اثنين من محلات الذهب او اكثر وهذه القصة كانت من اكبر القصص لدي في ذلك الوقت !!! لأني كنت متواجداً وانا صغير بعد الأحداث ودخلنا وشاهدنا الخندق وعملية الحفر وضلت باقية في ذهني إلى الآن احد اصدقائي تخرج من الجامعة وتعثر في وجود وظيفة وظل يتردد من هنا وهناك ولم يجد من يقول له تفظل هذه الوظيفة ............ وشاءت الأقدار وتوفق في فتح محل صغير في قبة رشيد لبيع الملابس ؛؛؛ وكون رأس مال وزاد ولله الحمد رأس ماله واشترى المحل المجاور وهو الآن يمتلك محلين واحد لبيع الملابس والآخر لبيع الشرابات ..... وأسأله عن حاله ويحمد الله كثيراً ويقول ابشرك الخير واجد ( الله يرزقة ويرزق المسلمين من حلاله ) هكذا هي قبة رشيد ...... اطلت عليكم ولكن لي مع قبة رشيد شجون جعلتني اسهب واسترسل كثيراً فعذري الشديد منكم اخواني محبكم ابو حكيم |
السلام عليكم ورحمة الله وبركاته
قبة رشيد يكفي فخراً وتميزاً. لهذا السوق العريق . تميزه با قدمه وله أثر فين نفوسنا وذكريات لا تنسي |
[align=center]الستم معي ان سوقنا مميز جداً ولا يوجد له مثيل ؟
وهي ماتبقى لنا من بريده القديمه حفظ الله لنا بريدتنا وقبتها دوماً ............................آمين يا رب العالمين[/align] |
قبـــــــــــــــــــــــــــــــة رشيد والسوق الــــــــــــــداخلي
تجد فيها المعاملة الصادقة والثقه والابتسامه العفويه المجمعات والمراكز مثل ........ بلازا و ............ مول تجد فيها المعاملة السيئة وانعدام الامانه والثقة غير موجوده والابتسامه المتصنعه و .......... و...... الخ |
اخوتي شخصيه , خالد , راشد الصليحاني , شيهانه , العبري , توتي , ابو حكيم ,alnesf 1 , اكاراشكولانا , مجرد رأي .........................
والله كنت اعتقد انني انضم لكبار السن في عشقي لسوقنا ولم اعلم ان الكل لديه ذكريات جميله مثلي في سوقنا الرائع . اشكركم بعمق على مشاركاتكم ..............................ودمتم سالمين |
فيه أسواق كثيره ببريدة لكن تظل قبة رشيد لها نكهه خاصه ومالها مثيل
|
ياحبيلك يام عبد الملك والله اننا استانسنا بكلامك انتي والاخوان ...
ياملح قبة رشيد ....تحسين فيها بالحياة ..الباعة والاطفال اللي يبيعون بالعربات ... والاطفال اللي يبيعون بضايعهم بالاكياس ..والله ان الواحد احيانا يشري منهم رحمة بهم ... ومثل ماقلتي ادريس ...الله المستعان ...تقول امي انه كان منول يبيع ..بالوسعه وكان اول ماجاء ....صغيييير مايفهم وهالحين ....صار كنه من شياب بريده .....خخخخخخخ:a1: ايه يااااااااااااااااااااااااااااااااااااااااااملح بريده .......واهلها واسواقها وكل شيء فيها ..... |
تدرون....ويش هو الخطر الذي يهدد القبة....؟؟
بعض ملّاك.....العقار....طماعين....وصار الآجار... ماينطاق....والتقبيل....خيالي...!! وهذا الأمريهدد....السوق بالأنهيار....والتراجع....! الأسواق....ليست كما كانت....المراكز...أنتشرت والناس تغيروا عن أول....!! لذا أخشى على هذا السوق....التاريخي....من التلاشي....!! |
| الساعة الآن 12:14 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة