قالت أبيك تقول فيني قصيده
 

[align=center]جتني تعاتب والعتب تستزيده
يا زينها ويا زين حتى عتبها
=
قالت تجيد الشعر ؟ قلت إيه أجيده
( هي جت كذا ) لازم أنفذ طلبها
=
قالت أبيك تقول فيني قصيدة
أبي الجموع تصيح منهو كتبها ؟
=
ابي القوافي والمشاعر فريدة
ابيك تتعبني وأحس بتعبها
=
أبيك تلعب في بحورٍ جديده
أنت الوحيد اليا لعبها .. لعبها
=
تكفى طلبتك يا جناب الوليدة
جبها على الطاروق يا شيخ جبها
=
المشكلة طفلة وطفلة عنيدة
قبل سنة قطت بقايا لعبها
=
واليوم سيد الناس تصير سيده
كم سيد قوم جا لبوها خطبها
=
يلعن ابو جد الشعور وكديده
إن كان ما ولّد قصيد بسببها
=
الزين من ربي ويعطي عبيده
مهي من اللي زينها في ذهبها
=
وإذا نوت حي تكيده ... تكيده
يا قبلة الله يوم ترخي هدبها
=
ويا شعرها لامن عصاها تعيده
للخلف ويغطي مثاني ركبها
=
والطول يا أهل الطول عنق الفريده
طولي إذا قطت صغيّر كعبها
=
وشلون أعدد من صفات عديده ؟
يكفي تأدب جيلها من أدبها
=
عندي قريبة بس عني بعيده
وهي مسألة صعبة على من حسبها
=
يا الله عساني قلت فيها قصيدة
وعسى قصيدي يا جماعة عجبها

اعجبتنى ونقلتها[/align]

[align=center]ياالله

صرخت بها عندما أنهيت قراءة القصيدة


لا تحرمنا من هذه القصائد


تسلم يا عموووووووووووووووووووووووووووووووووووووووووري

مشكووووووووووووووور الف ...[/align]

[align=center]كل الشكر لـ عمووووري اللي أورد قصيدة نفاع العنزي .

وكل الشكر لـ عمووووري أيضاً اللي خلا قريحة العلقم تجود !



لكما جزيل الود ،،،[/align]