|
مناديل محطات البنزين !!!!
ياجماعة الخير انتشرت مؤخراً في جميع محطات البنزين في بريدة هدية وهي كرتون فاين عندما تعبئ بـ 25 ريال
وهذا أمر رائع ولكن هل تأملتم في كرتون الفاين ؟؟ أول الأمر حلو كراتين فاين مثل اللي تباع في المحلات ثم بدأت تقل وتقل حتى أصبحت تحسب الكرتون ما فيه شيئ .. تصدقون مرة عديتهن لقيتهن 17 حبة فقط !! وعديتهن في كرتون ثاني حصلتهن 12 حبة فقط !! ولا تستبعد انك تجد كرتون فاضي !!!! فكرت وقلت لو يعطوننا منديل عبير اللي يوضع بالمخباة كان أصرف ......... لا وزود عليها من أردى أنواع الفاين ( خشنات ) والله اني إذا أخذتهن حطيتهن بالمطبخ وحطيت بالسيارة كلينكس .... أحد الشباب معه جيب يعني 5 كراتين فاين مرة وحدة يقول إذا أخذتهن اخلي المدام تفكهن و تجمعهن كلهن في كرتون واحد عشان ما يضيقن في السيارة .... واللي ساعدهم على هذا الغش مصانع الفاين فأين وزارة التجارة ممثلة بالغرفة التجارية عنهم ؟؟ وش رايكم ياجماعة يعني استغفال عيني عينك .... وش الحل برايكم ؟؟؟ عطونا حل لهذا الاستغفال ... |
ازيدك من الشعر بيت اخوي تراها خطيره للي فيه حساسيه لأنها مصنوعه من قمامة الورق
يعني يعصرون الورق ويصير فاين :):) |
فيه محطات
يعطونك مناديل لوتس اذا عبيت 35 |
هي في الحقيقة مجرد هدية ..... إذا تبيها خذها
اما إذا كانت مقابل انك تملأ الخزان بالبنزين مقابل منديل فهذا ناتج عن الزبون نفسه ..... ودرجة مقياس حب الهدية لنفسه الأنسان بطبعه يحب الهدية .... خاصة إذا كان من فئة الناس الذي كل خمس سنوات تجيه هدية فقط ( مسواك من احد زملائه ) مثلاً فهو متعطش الآن لأي شي اهم شي يكون هدية !!!!! اما عن نوعية الهدية فأتفق معك انه معاد تصنيعها من البقايا الورقية المستعملة والتالفة وخطيرة على صحة الأنسان ولاتصلح للأستخدام الآدمي تسع إلا ربع ............ اشكرك من كل قلبي على طرحك لهذا الموضوع |
شي بلاش ربحه بيّن ..
|
الحقيقه انها تجيب الحساسيه وخشنات مره تشقق الجلد
|
قل له مابغى ثانكيووووو واشتر من البقاله اللي يعجبك وووشووووكرررررن انتهى
|
مشكور أخوي على طرحك .. وفعلاً أنها مناديل مسببة للحساسية وهذا حصل وكثير ..
إذا تبي الدليل الواضح في اطلع برى في الشمس وحرك المنديل بشكل عشوائي وشف القطع الصغيرة اللي تتطاير منها !!!!!!!!! هذا المرض بحد ذاته ونصيحه يا أخوان إذا قدر الله وأخدتوا ها المناديل خلونهن لشي بعد عن الإستخدام الآدمي |
شاكر لكل من مر على الموضوع وعلق .....
ولكن ياأحبتي بعض الردود من يقول بأنها ببلاش ربحه بين ومن يقول هي هدية تبغاها والا خلها ومن يقول قل له شكراً واشتر من البقالة !! وأنا أقول ياأحبتي كلامي ليس لشخصي فأنا كما قلت لكم إذا أخذته استعمله في المطبخ وإنما حديثي لمن يستعمله ويكتفي به وهم كثر فالمسألة اصبحت مرض + استغفال لنا من اصحاب المحطات فكيف يقول أعطيك فاين هدية ثم يعطيك كرتون ليس فيه سوى 12 حبه وكلها أمراض ؟؟؟ وسؤالي هل الغرفة التجارية أو وزارة الصحة على علم بهذه الهدايا و الاستغلالية؟؟؟ ......................................... ودمتم .................................................. ..... |
اقتباس:
تبلى |
مناديل محطات البنزيل
حسبي الله ونعم الوكيل |
[grade="00BFFF 4169E1 0000FF"]شكرا لك أخي تسع الا ربع على طرح هذا الموضوع
وأنا برائيي شي بلاش ربحه بيّن .. ربما أفضل من لاشي وتقبلوا تحياتي الافق[/grade] |
هههههههههههه
بسيطه قلوه ماأبيهن بس |
أهلين بالجميع .
الشكر لكاتب الموضوع . وموصول لجميع المشالركين . الاخ تسع الاربع .. والله ياانت .....جالس تعد المناديل ...... تصدق ذكرتني بقصة اللي يبعون بسوق الخضره .... يوم جاء يعد فلوسه قاله جاره تراهن كذا يعني عادهن قبله....... ( شكلك حمرت العين علي ) تقول ((أحد الشباب معه جيب يعني 5 كراتين فاين مرة وحدة يقول إذا أخذتهن اخلي المدام تفكهن و تجمعهن كلهن في كرتون واحد عشان ما يضيقن في السيارة ....)) يعني ربعك مثلك ...... الله يعين حرمته عليه ...... اخاف باكر يجيب لها حبات الفصفص اللي فاضيه تطلعهن من شأن ياخذ بدالهن ...... ( الله يعدي اليوم على خير اعرف اوصلت معك لكن اقول رمضان كريم ......تعوذ من الشيطان لا يلعب عليك ..... ) نرجع للموضوع .... اعتقد أن المهم بالموضوع ليس عدد المناديل او نوعيه المناديل او وضع كوبونات لمن يعبي اكبر كمية ووضع يوم لموعد سحب على جوائز و غيرها من اساليب جذب الزبائن ...........الخ لكن الوجة الاخر للموضوع وهو الاستهانة وعدم الامبالاة التي وصل باصحاب هذه المحطات بالزبائن ... كذلك معرفتهم التاتمه بعدم مسائلتهم من الجهات ذات الاختصاص مثل وزارة التجارة حماية المستهلك ... ..( اعرف تبون تقولون حروح يالطشت قول كلام غير هذا والسبب طبعا الانطباع السائد لدى الجميع بسلبيت هذه الوزارة !!!) الحل عندي هو ايصال هذه المعلومات لصاحب المحطة ومطالبته بتحسين خدماتة ..... ( ترى الموضوع ماهو كلافه مكالمة واحده كفيلة مبعالجة هذه الظاهرة ) واسئل مجرب اهم شئ عدم السلبيه ( يعني تلحلح شوي ) وصنع موقف |
المسألة مسألة استغفال ....
|
| الساعة الآن 07:17 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة