مشكلة في المودم ـ خطأ 633
 

السلام عليكم ..

نظام التشغيل :
اكس بي بروفيشنال

الفاكس مودم:
موتورلا sm56 وبس .. هذا اللي اعرفه عن اسمه .. :)

والمودم مشكلتي من حوالي 3 سنوات كل مرة احاول حلها بنفسي وما اقدر غير اني اوديه لمحل يثبته لي
فرجاء .. لا تقولون وديه لمحل

....

نزلت هذا الملف :http://www.motorola.com/softmodem/pu..._W2KXP_DFV.zip
ومصدره:
http://www.motorola.com/softmodem/driver.htm

فكيت الضغط عنه وثبتته ـ بهذي الطريقة :

إبدأ ـ جهاز الكمبيوتر ـ لوحة التحكم ـ طابعات وأجهزة أخرى ـ خيارات الهاتف والمودم ـ أجهزة المودم ـ إضافة ـ عدم الكشف عند جهاز المودم سأقوم باختياره بنفسي ـ التالي ـ قرص خاص ـ استعراض ـ نسخ الملفات من محرك الأقراص المطلوب ـ وفتح وموافق
وبكذا تثبت المودم

رحت لخصائص الاتصال بـ 3660055
عام ـ تكوين ـ السرعة 115200، تمكين الانسياب بالأجهزة، تمكين التحكم بخط المودم، تمكين ضغط المودم، تمكين مكبر صوت المودم ،، مكنتها جميعا واخترت موافق

هذا اللي سويته ـ عشان مااحد يقول لي سوي كذا واعملي كذا....


الزبدة .. أبي حل المشكلة التالية :

خطأ 633 :
the modem (or other connecting device ) is already in use or is not configured propely

وعليكم السلام ..


يقول احتمالين اما انه معلق أو انه مو مركب بالويندوز بشكل صحيح ..

والظاهر انه الاحتمال الثاني ..

وممكن يكون السبب الملفات اللي نزلتيهم مو متوافقين مع جهاز المودم اللي عندك ..

انا عندي السي دي حق المودم موتورولا بس مو اكيد يضبط معك لأنه فيه اكثر من اصدار للمودم الموتورولا

انا حطيت لك وصلة تحملين برنامج التشغيل حق المودم , جبته من السي دي نفسه وهو خاص للويندوز XP ..

طريقة تركيبك للمودم صحيحه وفيه طريقة ثانية لكن شبيهه من طريقتك ..

وعلشان تركبين اللي عطيتك لازم تحذفين اللي ركبيته الأول ثم ركبي اللي عطيتك بنفس الطريقة اللي سويتيها واذا مانفع قوليلي ..

اضغطي هنا لتحميل برنامج التشغيل

شكرا لك ..

ملفك يشير إلى ان التعريف خاص بـ Win9x ويبي له حوالي نصف ساعة عشان ينزل

قبل انزله وذي تجاوب : أنت متأكد انه يركب على ويندوز Xp ..؟

الحين انا عندي سيدي فيه ملفات تعريف مودم الموترلا على Win9x
وماقدرت اثبته، لأن فيه رسالة تحذير، هذا التحذير سبق انه وصلني ـ من ملف آخر ـ وغامرت بالتثبيت ثم تعطل نظام التشغيل وواضطررت للفورمات وإعادة تثبيت النظام مرة ثانية

اممم اظن اني اخطأت لأني عطيتك win9x لان win9x مو تبع xp بس عادي مايضر بالجهاز ..

رسالة التحذير اللي انتي ذكرتيها وش مكتوب فيها علشان نعرف ؟؟

شكرا لك .. ولا عليك؛ كلنا نخطئ ..

التحذير :

البرنامج الذي تقوم بتثبيته لهذا الجهاز
motorola SM56 PCI Speakerphone modem
لم يجتز اختبار Windows Logo للتحقق من توافقه مع Windows XP
اخبرني عن سبب أهمية هذا الاختبار

إن متابعة تثبيت هذا البرنامج قد يفسد عمل النظام الصحيح أو ربما يفقده استقراره مباشرة أو في المستقبل. تنصحك Microsoft بشدة بإيقاف التثبيت الآن والاتصال ببائع الجهاز للحصول على البرنامج الذي اجتاز اختبار Windows Logo.

غريبة انا كنت متوقع انها هذي هي الرسالة اللي تطلع , وانا كنت اذا جيت اركب المودم تطلع لي هذي الرسالة وماتضر بالجهاز ..
اصلا الرسالة هذي حاطينها مايكروسوفت علشان لان ملفات ويندوز XP احدث من اصدار برنامج تشغيل المودم بس عادي سوي استمرار على اية حال ويفترض انه بيركب المودم بشكل صحيح ..

والبرنامج motorola SM56 PCI Speakerphone modem هو البرنامج المطلوب وهو برنامج المودم نفسه واذا حصل مشكلة بالويندوز مو من نفس برنامج المودم ..
أحتمال المرة الماضية يوم يخرب الويندوز ماكانت تركيب المودم صحيح ..

اهم شي واكرر لازم تحذفين الأول اللي نزلتيه من الانترنت وركبي الجديد هذا ..

جربي وعلميني وش الخطا اللي يطلع لو صار فيه خطأ ...

حمليه من جديد
يمكن يجي معك
والا عيدي المعلومات

عدول القصيم ..
حذفت تعريف مودم الموترلا المثبت سابقاً
وعشان اتأكد منه انه انحذف ـ فرمتت الجهاز وثبتت النظام مرة ثانية

دخلت Win9x ـ كما طلبت مني ـ وكان فيه ملفين MISGMODM & SERWAVE
ثبتت الأول وواجهت المشكلة التالية :

خطأ 692
there was a hardware failure in the modem (or other connecting)

أحذفه وأثبت الثاني؛ أومايسري على MISGMODM ينطبق على أخيه SERWAVE

. . .

فهودي الصقعبي ..
شكرا لك

there was a hardware failure in the modem (or other connecting)

الخطأ من المودم نفسه لأن اللي سويتيه صحيح ومافيه اي خطأ لكن المودم مايستجيب يمكنه معلق ..

طيب اضغطي على جهاز الكمبيوتر اللي بسطح المكتب بالفارة بالزر اليمين واختاري من القائمة خصائص
بعدين عندك فوق مكتوب عام - اسم الجهاز(( الكمبيوتر )) - الاجهزة - ......
اختاري الأجهزة بعدين اضغطي على زر مدير الأجهزة ..

بيفتح لك الاجهزة المثبته على الجهاز ..
فيه من ضمن القائمة هل فيه علامة استفهام صفراء واذا فيه وش اسمها ؟ يعني الاسم المكتوب عليها بالقائمة ...
واذا مافيه علامة استفهام هل فيه من ضمن القائمة مكتوب modem أو المودم ؟؟

لأني بتأكد اذا هو مثبت الجهاز والا لا ...

فيه علامتين ..

الأولى :
علامة استفهام كبيرة عند "أجهزة أخرى"؛ وعند فتح القائمة ـ بالضغط على "+" ـ تظهر علامة الاستفهام وفوقها علامة تعجب عند "وحدة تحكم الاتصالات البسيطة PCI" ؛ مدري إذا لها دخل أو لا ..

الثانية :
بحثت في جمع القوائم ـ بالضغط على "+" ـ ولقيت علامة تعجب عند "Modem Audio Device"

اهااا لا ماركبتي المودم و PCI هذي هو المودم ..

احذفي المودم اللي عليه علامة التعجب
وروحي للـ PCI اضغطي عليها مرتين بيتفتح معك نافدة
زي اللي موجودة بالمرفقات..

الجهاز اللي عندي انجليزي علشان كذا ماادري وش مكتوب على القوائم بالعربي ..

حطيت لك صورة بالمفرقات من جهازي لكنها انجليزيه حاول تحصلين مكان المطلوب

اضغطي على زر 2 اللي بالصور اللي هو تحديث برنامج التشغيل بيطلع لك معالج تحديث او تركيب الاجهزة الجديدة واختاري الملفات من win9x

اذا ماطلع لك الملفين اللي فوق وهمMISGMODM & SERWAVE فإن الملفات ماتركب على المودم ..

مشكور اخوي عدول ..

الملفين MISGMODM & SERWAVE يبدو لي والله اعلم انها ما تركب على نظام التشغيلwinXP.

إذا كان الحل بالبحث عن ملفات أخرى للـ XP ـ من الإنترنت ـ ياليتك تساعدني انت أو أحد الأعضاء.

يعني من كلامك انه مانفع اللي قلت لك وهذا يعني ان الملفات اللي عندك ماتركب على المودم اللي عندك بإصدار Xp

انا بجيب ملفات للمودم موتورولا من السيدي نفسه وفيه ملفات تركب على Xp وان شاءالله بينفع ..

هلا اختي
جبت لك الملفات وترا عاد مالك عذر :b3: لأني جايبهم من سيدي أصلي للمودم موتورولا وفيه ملفات تركب على ويندوز XP يختلف عن اللي معك اللي مافيه مجلد بإسم WIN9x لأن اللي معك ملفات قبل ماينزل الويندوز XP

انا حطيت لك بالمرفقات ملفين خاصين بالويندوز XP مو زي الأول WIN9x اللي غلطت فيهم ..

كلهم تقريبا زي بعض بس جربيهم كلهم مو خسرانين شي ..

طريقة تركيبهم زي ماقلت لك في ردي اللي قبل ردك الأخي علي اللي تروحين له عن طريق علامة الاستفهام الصفراء PCI

لان علامة الاستفهام هي المودم اللي في الجهاز اضغطي مرتين على علامة الاستفهام مرتين وسوي اللي قلت لك عليه ..

[align=center]http://www.buraydh.com/sign/taheya/bsmal.gif
http://www.buraydh.com/sign/taheya/slam.gif
http://www.arabiyat.com/forums/image...heyatayeba.gif[/align]
[align=center] عدول القصيم
بارك الله فيك ... استمري مع الأخ عدول فإنه إن شاء الله بطريقه التسلسلية وتتبع المشكلة خطوة خطوة
جدير بالاهتمام والتجربة لحين تحقيق المراد


وآآسف لتطفلي على هذه الصفحة وطرح ما لديه : [/align]

[align=center][glow=999999]التأكد من صحة تثبيت المودم على جهازك[/glow][/align]

فالشرح قديم وملتقط من جهازي ويندوز 98 ملينيوم

هذا ملف فلاشي يشرح ذلك بالتفصيل الممل :

[flash=http://3ssom.com/uploader/uploads19/23WWY.swf]WIDTH=461 HEIGHT=463[/flash]

لحفظ الشرح بجهازك .. بالزر الأيمن على الرابط أدناه وحفظ الهدف باسم

http://3ssom.com/uploader/uploads19/23WWY.swf

[align=center][glow=999999]التأكد من اشتغال المودم بشكل صحيح[/glow][/align]
هذا ملف فلاشي يشرح ذلك بالتفصيل الممل :

[flash=http://3ssom.com/uploader/uploads19/23WWR.swf]WIDTH=436 HEIGHT=425[/flash]

لحفظ الشرح بجهازك .. بالزر الأيمن على الرابط أدناه وحفظ الهدف باسم

http://3ssom.com/uploader/uploads19/23WWR.swf