منتدى بريدة - الــنـــــســـــــــــــــــــــــــــــــــــــــ ـــــــــــــاء

الــــنــــســـــا روح الــــمـــــســـــا

و الليـل لـو فكـر يبـات ... كـان مـا فـيـه أغنـيـات

و كـــــــان مــــالــــه ذكــــريــــات

و كــــــان مــــــا فــيــنــا عــظــيــم

ومـال أمانينـا حلـيـف ... ومــا بـنـا قـلـب ولـيـف

ولا لــــنــــا قــــصــــد شــــريـــــف

النـسـا نـصـف الحـيـاة ... إلا النـسـا كــل الحـيـاة

آه يـا أســرار الـخـوات ... آه يــا أحــلام البـنـات

آه يـــــــا الــطـــيـــش الــطــفــولــي

آه يـا الحـسـن الشفـيـف آه يــا العـشـق العفـيـف

آه يــــــــا الــجـــنـــس الــلــطــيــف

علّـمـن حـتــى الـمـرايـا و الشبـابـيـك الـلـغـات

و الرسايـل و الـدواة ... صــارت أعــذب مـفـردات

كم بكن و انكف مبصـر ... و اضحكـن و ابصـر كفيـف

و رمشـن و اهتـز سيـف ... و همسـن و امـتـد ريــف

كــم غــدن لاخوانـهـن عــزوة صنـاديـدٍ عـصـاة

بيـن صفـق المرهفـات ... و بـيـن ضـبـح العـاديـات

طاحـت أشنـاب و كراسـي و انطلـق دمــع و نـزيـف

و اعـتـلا الـخـف المنـيـف ... و المقـابـر تستضـيـف

النـسـا ضـلـعٍ عــوج لــولاه كــل الـعـدل مــات

مالـهـن عـنـا فــوات ... ومالـنـا عـنـهـن غـنــاة

تبـرق الدنـيـا عـلـى يديـهـن و يغريـنـا القنـيـف

نطمـع بتكريـم ضـيـف ... و نـاقـف بـيـوم عصـيـف

النـسـا بـحـر عـلـى مـوجــة مـنـايـا و أمـنـيـات

و النـسـا مـركـب نـجــاة ... نـســأل الله الـثـبـات

هن لبـاس و هـن فـراش و هـن معـاش و هـن رغيـف

إن فتـك جـوعٍ مخيـف ... و إن حـدا الـرجـال حـيـف

النـسـا حـتـى شــراب الجـنـة الـعـذب الـفـرات

تحـت ماطـى الأمهـات ... يـا لهـن مــن مكـرمـات

كـل مـا عـود بنـا الكـد أقبـل ابــن آدم ضعـيـف

لـه ورا البيبـان طـيـف ... مـثـل نسـنـاس المصـيـف

فــي بـــلادي يحـسـبـون ان الـنـسـا متخـلـفـات

فـي الضحـى مستعمـرات ... و فـي المسـا مستوطـنـات

مـا دروا عـن هـا البيـارق شمـخ الـعـرض النظـيـف

فزعـة الديـن الحنـيـف ... شـجـرة الـعـز الكثـيـف

غــادة و سـجـادة و كفـيـن و حـجــاب و صـــلاة

مــن صبـايـا محصـنـات ... مــن عــروقٍ طيـبـات

أطهـر مـن ألفـيـن منـظـر كلـهـا فتـنـة و زيــف

فـي رجـا الصبـح الكسيـف ... و اجـرة الليـل السخيـف

كـم مكـانٍ يـعـرض أعــراض آنـسـات و سـيـدات

و الهـوى لـه بايـعـات ... و الـغـلاف و لــه فـتـات

و الحـسـن تشبـيـر عـنـق وطــولٍ و خـصـرٍ نحـيـف

و شـي مـا ينشـاف شيـف ... لاجــل الأول و الوصـيـف

شـهـب تشـابـه رســـوم الـشـاشـة المتـحـركـات

مـال زمتـهـن طــرات ... و لا لـهـن مـلـح و حــلاة

لا ربـيـع فـيـه خـيـر و لا بــه إلا بـــروق صـيــف

و الشتـا مـا بــه رفـيـف ... يحـيـي أوراق الخـريـف

لي مناحل لي خلايا كلها سكر نبات ... لي حصـونٍ ناعمـات

لــــــــي غــــصــــون شـــامـــخـــات

لي قوارير ملاها العقل والدم الخفيف ... خلفها العمر الكليف

و دونـــهــــا الــــحــــد الــرهـــيـــف

يــا زمــن وش جــاب حـلـوى غلفـوهـا بالـعـبـاة

جـنــب حـلــوى للـمـشـاة و للـغـبـار و للـشـتـات

شـف بـدل مـا هـي لواحـد صــارت لجـمـعٍ لفـيـف

كيـف أنـا اخبـرك كيـف ... شوفهـا فـوق الرصيـف

للمبدع ناصر القحطاني