منتدى بريدة - معاناة مواطن

موظف راح بقالة يشتري بعض المقاضي وعند الدفع طلب

من صاحب البقالة تسجيل الحاجات على الدين فرفض

صاحب البقالة وطالب بالكاش وهنا انتفض المواطن وقال لالالا

الكاش غير متوفر بالاسواق المحلية لانه صار بأيدي شلة من الحرامية

والحرامية صارو كثرة والكثرة غلبت الشجاعة

والشجاعة يبيلها قناعة والقناعة كنز لا يفـنى

والكنز موجود بالمغارة والمغارة ما تـفك الا لعلي بابا

والاربعين حرامي ... والاربعين حرامي صاروا ملايين

والملايين تندفع لضعاف النفوس رشوة .......

والرشوة صارت حق .. !!؟ والحق للاسف مأكول

والاكل ما عاد منه غذاء

والغذاء مقابل النفط ... والنفط جاب البلا على رؤوسنا

و رؤوسنا تمرمطت بالارض .......

والارض مقابل السلام .... والسلام صار استسلام

والاستسلام ضيع العرب و الاتحاد

والاتحاد خسر امام الهلال عشان الهلال يلعب بروح وحدة

والوحدة صارت حلم .... والحلم سيد الاخلاق

والاخلاق تحولت لنفاق والنفاق جمع ايش ؟؟؟؟

جمع نفق ... والنفق لازم يكمل وعشان يكمل

لازم مقاول بناء صالح ... وصالح غير متوفر هالايام

وهالايام صارت المفاهيم مقلوبة

والمقلوبة اكلة شامية يبيلها اسود ولحمة

واللحمة ماعادت تدخل بيوت الفقرا ولو نطحوا الجدران

والجدران صار لها اذان والاذان مالية البلد

وبالبلد صار في اكل هوا ... وبالهوا في تلوث

والتلوث دخل النفوس والاحوال والقضاء

وللقضاء على التلوث نحتاج قضاء وقدر

والقدر علينا مكتوب والمكتوب ما منه مهرب

والهروب نص الرجولة ... والرجولة مفقودة

والمفقود غير موجود ...والموجود له ساعة

والساعة اتية لا ريب فيها ... يوم يأخذ كل ذي حق حقه

الذي سرق منه في الدنيا .... والدنياعليها السلام

والسلام صار من الاحلام ..عشان كل واحد

ماشي وبيكلم نفسه ويطالع بالارض

والارض بتتكلم عربي .. والعربي ما يدري وينه في؟؟؟

ونصف العرب ماعندهم وطن واههههههههههههه ياوطني

وهنا قاطعه صاحب البقالة وقله حسابك وصل الله يسهلك
__________________