فضيحة اعمار
 

انا اشهد انها فضيحه وذلك عندما تشاهد مواطني ومواطنات اكبر دوله منتجه للنفط في العالم وميزانيتها تصل الى ارقام فلكيه خرافيه عندما تشاهدهم وهم



يتبطحون في الشوارع وعلى الارصفه تحت لهيب الشمس الحارقه وهم صائمون وكما ذكر دكتور المستقبل كأن سعرها وصل الى الف ريال ...........



من هو المسؤول عما آل اليه المواطنون من حاجة جعلتهم اسرى لهؤلاء الذين لايخشون الله ولا يتقونه في الضعفاء



يبدو لي انها خطه مدبره وذلك لحاجة في انفسهم بجعل اسهم هذه المدينه التي تحمل اغلى اسم لدى المواطنين وهي مدينة الملك عبدالله تسقط في الحضيض بهذا



السعر الغير معقول والغير مصدق ....وهناك وراءالاكمه ماوراءها !!!!!!!



الغياب عن الدوام هذا اليوم كثير والزحام عند البنوك اشد واشد وبداخل البنوك كأنك في معركة حقيقيه الكل يريد ان يبيع ولكن بعدما رأو هذا التقهقر العجيب في



السهم انعقدت السنتهم وتسمرت اعينهم على الشاشه وهم غير مصدقين وهم يشاهدون انحطاطه بسرعة كبيره ..........



اهذا هو الذي كانوا ينتظرونه الناس من هذه الشركه فقد سمعت قبل مده ان اسهم هذه الشركه ستفيد المواطنين بشكل كبير وكبير جداً ولكن يبدوا ان التفاؤل كان



كبيرا والعشم لازال في الدوله رعاها الله ان تتدخل لصالح المواطنين وحمايتهم من سرطان البنوك من جهه والهوامير من جهة اخرى وخاصة الراجحي ؟؟؟؟؟؟؟؟؟

فعلاً نريد تدخل من المسؤولين لحمايتنا من البنوك

وخاصة .....!!!!

الدولة اجل تبيها تتدخل لحماية مواطنيها ...

ضحكتني واجد :)

يا أبن الحلال ما تدخلت الدولة في حماية المواطنيين يوم أنهيار الأسهم تبيها تدخل بمثل هالموضوع :)

ردد يا لييييييييييييييييييييييييييييل ما أطولك

أبو مروان

المسألة ليست مسألة دولة ترفع ولا تخفض هذا كله من الله بسبب ذنوبنا وتقصيرنا معه الواحد يدخل بالأسهم ويفكر بالأرباح ويقولون هذي مساهمة ربوية ولا يبالي سواء كانت ربوية 100% ولا مشبوهة

والله يقول سبحانه وتعالى :

{ يمحق الله الربا وبربي الصدقات } .. ويقول سبحانه : { يا أيها الذين آمنوا اتقوا الله وذروا ما بقي من الربا إن كنتم مؤمنين . فإن لم تفعلوا فأذنوا بحرب من الله ورسوله وإن تبتم فلكم رؤوس أموالكم لا تَظلمون ولا تُظلَمون }

الله يعين المواطنين وشكرا لمروركم اعزائي

والله كنا مأملين على الله ثم على هذه الشركة اشياء كثيرة ولكن راحت كانها احلام انقضت ..

طيب واللي ما باع الى الحين يصبر وال يبيع ؟

كل البلاوي من البنوك ماخذه راحتها تسوي اللي تبي ؟؟؟

[align=center] [/align]



ارى انك تصبر لانها نسبت اليوم عن امس 3 ريال

لنكن عقلانييين ولاتاخذنا العاطفة قليلا
البنوك مادخلها في ذلك ؟؟؟
وفروا لك الصرافات والنت والفروع والصالات
وش بعد تبغون ؟

اجل لو ماكان فيه صرافات ومافيه فروع ونت وش بتسوون عند الصالة الرئيسية لكل بنك
انا لست محاميا وا متعاطفا مع البنوك ولكن الحق حق
هناك فئات الله يهاديها ماتعرف النظام واسلوبها اسلوب همجى لايدل على تحضر
والله ثم والله لو اوريكم تصوير لقطة بالجوال لاحد صالات البنوك بعد رحيلهم من الصالة لاادرى هل تضحكون ام تحزنون
؟

شمغ وعقل وجزم ( اعزكم الله ) متطايرة ومفقودة
فلا حول ولا قوة الا بالله

واحد اعرفه في البنك الاهلى ارانى بلوتوث مصوره من صالتهم يوريني كيف انه وواحد زملائه انقذوا 3 رجال من املوت ودخلوهم عندهم ليستريحوا بعد ان كادوا ان يموتوا بسبب الزحمة على بيع ( ينساب ) لاحظ ينساب مو اعمار
واحاول ان ان انقل لكم البلوتوث هنا في وقت لاحق

توكم ماشفتوا شي .. هذي البداية

اصلا ممكن في حاجه الناس للفلوس قبل العيد وغير ذلك انا بعت ونزل على طول بحسابي لا وين بالراجحي الي كان الزفت او تقولون انه زفت طبعاً سابقاً حالياً تغيرت النظره

احنا كذا طبعنا نرمي مشاكلنا على غيرنا

البنوك ما ضربت احد على يده انه يبيع ماركت ولا يتسدح بالشوارع

يعني جت على بنوكنا ؟؟؟ والا تسدح شعبك في قطر ايام مصرف الريان كان عادي ومافيه شئ

يا رجال الا شعبك شعب متخلف وبعدين شدخل الهوامير بنزول السعر ؟؟؟ يا اخي العروض كانت كبيره الكل ماركت برايك تبي السهم يطلع ؟؟؟؟ عمرها ما صارت هذي

شوف اللحين عشان العروض قلت والطلبات زادت شوف السهم منسب له 3 أيام

العيب فينا وبلاش نرمي اخطائنا على غيرنا

على فكرة قبل ما اطلع من هالموضوع حبيت اقول لك سالفة تدل على ان ربعنا فيهم البلى وعمرهم ما شافوا عيشه

ايام مصرف الريان بقطر ... واحد طلع من خميس مشيط بالسيارة ولحد قطر وشوف انت كم كلفت سفرته ذهابا وعوده

وشوف كم كلفته جلسته هناك بقطر لحد ما اكتتب ... وبالاخير كم صار نصيبة من الاسهم

والله ثم والله لو الواحد عمره ما شاف فلوس ما يسافر هالسفره

تعال اقول لك شئ مهم ....

قبل كم يوم فتح الحسون سنتر وشوف الناس والحريم متجدعين عند الباب مو قادرين يدخلون هذي بعد بسبب البنوك والهومير ؟؟

وش حادكم على هالزحمة ؟؟ ووش حادك يامسلم تترك زوجتك بين خلق الله تزاحم والابواب تتقفل في وجهها ورجل الامن يتلفظ عليها ؟؟؟؟؟

الحسون سنتر بعد بينزل سعره ؟؟؟ والا بتخلص البضاعه ؟؟؟؟

يا رجال ربعنا وربي ما شافوا العيشة وبيبقون على هالحاله

سبحان الله

تحياتي

ابو مروان على الموضوع

الفوضى ــــــــــــ تحتاج الى نظام ــــــــــــــــــ النظام يحتاج الى تشريع ـــــــــــــــــــــ التطبيق يحتاج الى رقابة وعقوبة

وشكرا