[(ترف)]

طرح قيم ويستحق المناقشه

رغم اني ما عانيت تعنيف ولا شفت تقصر ولا كان في افراط للترف

لكن اناقش ويوخذ برايي واخذ حقي واتمنى ان اكون قايمه بواجبي ك فرد باسرتي

حلو تعامل اهلي معي واتمنى لو اربي عيالي ع نفس الاسلوب

ساعات اكون انا الطفله المدلله عندهم وساعات اكون انثى بالغه مسوله عن كل تصرف

معطيني الثقه مصحوبه بنصايح باسلوب الخوف لا الشك

بس شفت بعض البنات ك صديقات يتمنون هالشي

يعني عندي نماذج كثيره منهم اللي يجي بالتسلط اناي بنت مالج حق تتكلمين

او الاخ الاكبر له الراي فقط او الابناء ما يدخلون ضمن دائرة النقاش وما شابه

او تعطى مطلق الحريه دون ان تضع لها حد او دون معرفة من هم الاصدقاء

نتج عن كل ما ذكرت انحراف 100٪ لهم والله ان وحده كانت اهلها بقمة التشدد والصرامه والجبروت لكن هي الله يستر عليها

لان كان باب الحوار معهم مغلق نتج عنه الانحراف

يعني باختصار الشي لو زاد عن حده نقلب ضده

حتى بالمنتدى اشتراكي اهلي ع علم فيه وقلت لهم لقيت منتدى اود اني اشارك فيه و و و

ابي استفيد و افيد وكان الرد لو اشتركتي اتمنى ما تدخل امور المراهقين لان انتي اكبر من هالشي

قلت لهم تم وفعلاً هم غابوا لكن ثقتهم موجود معي تمتعني اسوي اي خطا

ويوم دعيت رفيجاتي قالوا نشارك من ورا اهلنا قلت لا اذا اهلج ما يرضون لا تسوينها

لان لو تعلمت تخش هالشي تتعلم تخش اشياء

انا ليش صارحتهم لن انفتح لي باب الحوار و النقاش و اسرتي صاروا لي الاصدقاء قبل الاهل

من الاخر افضل سلوب تربيه

زرعه مخافة الله بقلب الطفل مصحوب بالثقه معه مراقبه باسلوب الخوف لا الشك


اسفه ع الاطاله


واشكرك كل الشكر استاذي