ياساريه القلب بيتك فيه لك حـــــبّ وأمان .... ولو طلبتي شي ثاني يرخـــص اللي تطلبين
يشهد الله ياساريه بطلّتك يحلى المكان ..... صحبتك هي تاج راسي وافخر بمثلك قرين
أنتِ لي أغلى هديّة من عطايـــا هالزمان ...... لك مكان في خفوقي يحرسه نبض الوتيـن
فيك أشعاري تغنّت وارتفع شعري وزان ..... والحروف بوصف شخصك ياساريه تزين
قدرك اللي في فؤادي ياسارتي مُصان ...... مــاتغــيّره اللّيـــالي لـــــو تفرّقنـــــا سنــيـــن