قصة واقعية 👌👌👌
تقول* احدى الجدات
تقول* يوم* حنا نشد وننزل أيام بيوت* الشعر. كنا* تقريبًا 17 بيت شعر* نازلين* حول بعضنا البعض.
المهم كان واحد من شباب* القبيلة وسيم و أجمل* شاب من* بين الشباب* مااحد يختلف* عليه، و مشهود له بالوسامة من* رجال* وحريم.
*كان هذا* الشاب** أمنية كل* بنت في القبيلة** .وتقول جدتي* كنت* أروح واجي* لبيت ام* سيف ..... سيف اللي* ماخذ تفكيري وتفكير* كل* بنات القبيلة .
واذا جمعت الحطب من البر* لازم أجيب معي حطب* لأم سيف .و حطب* ام* سيف* اشيله على راسي ،،،* وحطب أهلي* اسحبه* بحبل* وراي 😅.
*
احط حطب خالتي ام سيف* وبعدين أودي حطبنا /
تعرفون من البر/.
*
وكل* يوم* اسوي نفس* النظام.
اثاري* كل* بنت* من* القبيله* لازم* تجيب* رزمة حطب لام العريس المنتظر . 😋😋😋😋😋😋😋
واذا جانا غبار ننفض بيوتنا وبعدين* نروح ننفض بيت* ام سيف ومن زود النظافة* الزايده أعمدة بيت* أم سيف تهتز من النفض والكنس.
بيتها من انظف البيوت من برا* وداخل* .
وصار بيت* ام* سيف* مضرب للوصف اذا* أحد الزوار يقصد بيت* ام* سيف* مانتوهق بالوصف علامته البيت* اللي* عنده* الحطب وايد .
---طبعاً جبل من حطب----. لكم أن تتخيلوا الكمية 😂
وتضيف* جدتي قائله @ كنت وانا وثلاث* من* البنات* ننفض بيت خالتنا ام سيف* . وأنا المح سيف عند البيت وكنت اسوي* قهوه ومن الاهتمام الزايد انكبت القهوه على* إيديني ،،،،، وتشوفني* ام سيف* وهي* قلقانه علي.* وتمسك يدي وتحطها في* طاسة العجين..عشان تبرد.
المهم رحت* البيت* وانا* مخبيه يدي* عن* امي* عشان* ماتضحك علي.
وأنا* اسوي* أشغال البيت ويدي* متورمه وحمرا. وأروح للغنم ويالله أمسك منها** و كله لعيون* الغاليه ام سيف .
وكان من ضمن البنات وحده* اسمها قمر** و هذي* البنت بعيده عن جلساتنا ماتحتك فينا أبدًا.* دايم تروح لوحدة عجوز ماعندها غير بنتين* ومتزوجات وحده* في* الحجاز* والثانيه بالشمال.* والعجوز* طبعا ضعيفه وفيها* دوخه.....
وقمر دايم عندها تخدمها وتحطب لها وتشب ضوهم. وتسوي* اكلها .* وإذا جات عزيمة عند أحد من* الربع* .* تجي قمر ومعها الخاله فالحه. وتجلسها جنبها وتعطيها لبن وتمر. معتبرتها* مثل* أمها . وهذا حالها.**
*اذا جت عزومه عند* أم سيف* لازم نجي* من* العصر علشان نساعد* خالتنا أم سيف .
حوالي ست بنات متحلقين* حول** أم* سيف** مانخليها تشيل حتى الملعقه.
وزين الحلايا يصلخ وانا* مره أودي صحن الذبيحة يمين ومره أجيبه يسار .
وانا كحيلة* العين* ولابسه برقع مهدل و الخدود كلها برا* .
يوم اجتمع شبان القبيله رحت.
المهم خلص العشاء واجتمعن الحريم وقعدن على الصحن يتعشين...،** ومن زود الشقرده وهبابة الريح** بغيت اشيل صحن الحريم وهن ماخلصن عشاهم ...
وبعد العشاء وحنا نغسل ونظف والعجوز فالحه ماسكه يد قمر وتقول* انا لولا الله ثم ها البنت كان تيتمت.
*وتقول كيف اجازيك ياقمر،،،،* قالت قمر جزاي عند الله ياخاله.
و راحت الأيام والشهور واسمع إن سيف* خطب قمر !!!!!!
وتصكني خيبة أمل و مانمت* من الصدمة أسبوع كامل .* كيف تخطبله وحده* ماعمرها* سحبت لها عود عند بيتها... ولاغسلت لها كاس...... ... الله يادنيا 😔😥😥😥.
"ومازالت جدتي تردد" ياحسافة* كل حطبة وخشبة جبتها ل أم سيف.😂😂
وبقايا الذكريات 💔
حرق القهوة اللي في يدي
علشان شغلي ماكان لله* 😂
□□□□□□□□□□□□□□
*وصية* جدتي ☄
"اذا بغيتي شي سويه لله ماهو لخلقه
تعبك علشان الخلق يضيع وتعبك علشان الله مايضيع وتجازين عليه دنيا وآخرة ".