[الرمـادي]

يغار سمعـي ويشـره كـل وجدانـي
...................لاغاب صوتـك نهـارٍ مابلــغ سمعـي

ياللي لقيت بنواعس عينك أوطانـي
...................هي ديرتي هي ملاذ القلب هي ربعـي

أملى النظر من جمالك يوم تلقاني
...................وأحبـس خيالك بعيني حبسي لدمعـي

لـي شفتك اعيـش فعيونـك ازمانـي
...................وأخذ من انجومها واشعل بها شمعي

من نورها سالت الفرحه بوديــاني
...................ومــن سحرها يورق بالذهـب زرعـي

ياواحد الحسن مالك بالعرب ثانـي
...................عطني شرابك وخـذ قرطوع من نبعـي

غريب الأطـوار والغربـات ميدانـي
...................في غربة العمر وافق طبعكم طبعـي

أصبحت تغريبي وأصبحـت عنوانـــي
...................ياواحدي بالهوى واثنينـي وجمعـي...